أفضل تطبيقات لممارسة الرياضة في البيت

الرياضة من الأشياء الأساسية اللي ممارستها يوميا هيساعدك في الحفاظ على صحتك ولياقتك البدنية، وفي تطبيقات كتير هتوفرلك التمارين الرياضية اللازمة وهتساعدك تتابع التطورات اللي بتنجزها.

التطبيقات هتساعدك في تعلم التمارين بشكل أوضح حسب نوع الرياضة اللي عايزها ومستوى اللياقة البدنية اللي بتتمتع بيه مع قابلية تحديد الهدف من ممارستك ليها والمدة المناسبة لإنجازه

تطبيق (C25K) للرياضة

• لو هدفك الجري.. التطبيق ده هيوفرلك الخطوات اللازمة للبداية وطرق الالتزام بيه وتحقيق إنجازات مختلفة
• هيحتاج منك تجري 30 دقيقة 3 مرات أسبوعيا وممكن توصله بالساعة الذكية لمتابعة السعرات الحرارية اللي بتحرقها
• متاح للأندرويد وآيفون

(FitOn)

• عليه مجموعة مختلفة من التمارية الرياضية زي تمارين الـ(HIIT) والرقص واليوجا
• ممكن تحدد من خلاله جزء الجسم اللي عايز تركز عليه وتخصص برنامج مخصص ليك
• هيساعدك تكتشف الرياضة المفضلة بالنسبالك من خلال ممارسة أنواع كتير مختلفة
• متاح لأندرويد وآيفون

(Fitbod) للرياضة

• بيجمع معلومات عنك من خلال مدة ممارسة التمارين والأنواع اللي بتقدر على إنجازها بسهولة عشان يحدد نقاط قوتك وضعفك
• بيحدد عدد مرات ممارسة التمرين بناء على درجة لياقتك البدنية
• متاح للآيفون

(Daily Yoga) للرياضة

• عليه تمارين يوجا للمستويات المختلفة
• تقدر تلاقي فصول مختلفة حسب درجة لياقتك البدنية
• بيساعدك تختار الفصل الأفضل ليك من خلال الإجابة على بعض الأسئلة لتحديد هدفك

(Daily Workout Fitness Trainer)

• عليه أكتر من 100 تمرين سهل وبسيط للمبتدئين في الرياضة زي البلانك و(Bicycle Crunches) و(Donkey Kicks)
• تقدر تختار عدد التمارين والمدة الكلية اللي عايز تمارسها يوميا
• متاح لأندرويد والآيفون

(J&J Official 7 Minute Workout)

• عليه أكتر من 72 تمرين وحوالي 22 تمرينات كاملة مع اختيارات مختلفة للمدة بين 7-32 دقيقة والقوة
• متاح لأندرويد وآيفون

(Daily Butt Workout)

• المؤخرة من أكبر عضلات الجسم وسبب أساسي لحركات كتير في الجسم وتقويتها هيحميك من آلام أسفل الضهر والآثار السلبية للجلوس لفترات طويلة
• التطبيق هيوفرلك تمارين لمدة 10-5 دقايق من التمارين اللي بتستهدف الجزء الأسفل من الجسم وهيساعدك على تقويته
• متاح للأندرويد وآيفون

(Kettlebell Workouts by Fitify)

• عليه تمارين للجسم بالكامل باستخدام الـ(Kettlebell)
• بيوفر أكتر من 45 تمرين وو5 برامج للرياضة بشكل مجمع
• بيقدم صوت للمدرب أثناء ممارسة التمارين للتشجيع
• متاح لآيفون وأندرويد