المحتويات
أعراض السكر اللي بيعتبر من أخطر الأمراض المنتشرة، واللي ممكن تسيطر عليه رغم كونه مرض مزمن، وبيسبب مشاكل صحية خطيرة على المدى البعيد، نتيجة ارتفاع كمية السكر في الدم سواء بسبب ضعف خلايا بيتا في البنكرياس اللي بتنتج الأنسولين أو بسبب تدمير خلايا المناعة ليها، لكن معرفة الأعراض بتسهّل السيطرة على المرض.
ظهور أعراض السكر
- دراسة في الجمعية الأميركية للسكر (American Diabetes Association) بتقول إن ظهور الأعراض في النوع الأول من السكر بتبقى مفاجئة بدون أي مقدمات، عكس النوع التاني اللي بتظهر فيه الأعراض تدريجيًا
الفرق بين أنواع السكر
- النوع الأول من السكر بيعتبر من أمراض المناعة الذاتية اللي بتهاجم فيه الخلايا المناعية البنكرياس وتحديدًا الخلايا اللي بتنتج هرمون الأنسولين (خلايا بيتا)
- بتفضل تدمر فيها على مدار شهور أو سنين طويلة
- بتزيد فرص الإصابة في السن من 10 لـ 16 سنة وبيشكل المصابين بالنوع الأول من 5% لـ 10%
- بيتناول المريض حقن أنسولين عشان تزيد كميته في الدم
- لكن في النوع التاني بتقل حساسية الخلايا للأنسولين وبترفض استقباله، وهو بيعتبر الهرمون الوحيد اللي بيحمل الجلوكوز في الدم عشان يوصله للخلايا
- بيتناول المريض أدوية بتعالج حساسية الخلايا للأنسولين وبتزوّد إفرازه من البنكرياس لو قل
أعراض السكر في النوع الأول
- بتزيد فرص الإصابة بالنوع الأول عند الأطفال والرضّع ومن أعراضه:
- التبول المتكرر
- التعب
- شرب المياه بكميات كبيرة والعطش المستمر
- قلة السيطرة على البول حتى مع التدريب على التحكم فيه عند الأطفال
أعراض مرض السكر
تأخر تعافي الكدمات والتئام الجروح
- الدراسات بتأكد إن ارتفاع السكر بيقلل كمية الأكسجين في الخلايا واللي وجودها أساسي في علاج الجروح والتئامها بسرعة
ضبابية الرؤية
- عدم استقرار مستويات السكر بيسبب اضطراب في كمية السوايل الموجودة في الجسم وبتسبب انتفاخ في عدسة العين وبتقلل القدرة على الرؤية
التعب الشديد
- نتيجة قلة امتصاص الأعضاء للجلوكوز اللي بيمدها بالطاقة، وبالتالي بيحس الشخص بالتعب
الجوع المستمر
- نتيجة ضعف كمية الجلوكوز اللي بتوصل للأعضاء واللي بتعتبر مصدرها الأساسي للطاقة وبالتالي بتحتاج مصادر طاقة إضافية بتاكل كميات أكبر
فقدان الوزن
- بصورة ملحوظة بدون إتباع نظام غذائي (بيزيد مع النوع الأول)
- غياب مصدر الطاقة الجلوكوز بيخلي الجسم يبحث عن بديل اللي بيلاقيه لما بيكسّر البروتين الموجود في العضلات، وبالتالي بيقل وزنك وبتنخفض الكتلة العضلية مع غياب السيطرة على مستويات السكر في الدم
ألم وتنميل في اليدين والقدمين
- بيزيد مع النوع التاني
- الخبراء بيأكدوا إن تفاقم مستويات السكر بيسبب تلف في الأعصاب وبيزود إحساس الألم والتنميل والحرقان ومع الوقت ممكن يفقد المريض الإحساس بيها
كثرة التبول
- بسبب فرط نشاط الكليتين اللي من وظيفتها تنقية الدم باستمرار عن طريق بعض الشعيرات الدموية واللي بتحاول تتخلص من السكر الزيادة عن طريق البول
العطش الشديد
- بيزيد معاه جفاف الفم
- لأن الجسم بيفقد سوايل كتير بسبب التبول بالتالي بتزيد فرص جفاف الفم والعطش
