الفراخ البيضاء بتختلف أسعارها من فترة للتانية وفي المجمل أرخص من الفراخ البلدي، ولكنها أحيانًا بتعتبر مصدر لبعض الأمراض ودراسات كتير بتحذر من خطورة تناولها على الصحة وإنها بتسبب أضرار صحية على المدى البعيد، وبالتالي ضروري تعرف أضرار تناولها باستمرار وطريقة طهيها وأكلها بأمان
أضرار الفراخ البيضاء على الصحة
- الخبراء بيأكدوا إن حقن الهرمونات ممكن تسبب أخطار كبيرة على الصحة خصوصًا مع الإفراط في استخدامها بهدف تكبير حجم الفراخ
- بعض التجّار بيلجأوا لحقن الفراخ بكميات كبيرة من الهرمونات لزيادة حجمها وبالتالي زيادة المكسب بعد بيعها
- على الرغم إن النوع ده من الفراخ بيوصل لوزن كبير في مدة بسيطة (أحيانًا دورة النمو بتستمر متوسط حوالي 40 يوم ) بس بعض التجار بيطمعوا في وزن أكبر
- حقن الدواجن بهرمونات زي الأستروجين والإسترويد ممكن يسبب أمراض زي تكيس المبايض عند النساء والتثدي عند الرجال
- بيقلل جودة الحيوانات المنوية وبيزوّد فرص الإصابة بالسمنة نتيجة تأثيره الضار على الهرمونات اللي بتساعد على التمثيل الغذائي
- مهم تعرف إن مش كل الفراخ البيضاء بتتحقن بالهرمونات وإن اللي بيحصل نتيجة غش تجاري لكن الحقيقة إن سلالتها بتسمح لها بالنمو السريع
كيفية تناول الفراخ البيضاء بأمان
- لازم تفصل الجلد تمامًا قبل أكلها لأن الدراسات بتأكد إن أغلب الهرمونات اللي ممكن تكون اتحقنت بيها بتترسب تحت الجلد بجانب إن الجلد بيحتوي على كمية عالية من الكوليسترول
- تجنب أكل الكبد والمخ والرقبة والأجنحة لأنها من أكتر الأماكن اللي بتترسب فيها الهرمونات في الفراخ
- اتخلص من شوربة الفراخ البيضاء فورًا وبلاش تشربها أو تستخدمها في طهي أكلات تانية
