المحتويات
تجاعيد العين واحدة من المشاكل اللي بتظهر مع التقدم في العمر، لكن ظهورها مبكرا له أسباب زي التدخين والتعرض للشمس بدون واقي شمس، وفي طرق إتباعها هيساعدك على تجنبها أو علاجها.
أسباب تجاعيد العين المبكرة
- التقدم في العمر وبالتالي خسارة كمية من كولاجين البشرة، وهو مسؤول عن نضارتها ومرونتها، والكولاجين قليل جدا حوالين العين وبالتالي هي أول مكان بيتأثر
- التعرض للشمس بيكسر الكولاجين في البشرة، وهو البروتين الأساسي في أنسجتها، خاصة في حالة عدم وضع واقي شمس وتجديده كل ساعتين
- التدخين من أهم أسباب ظهور التجاعيد عند السيدات والرجال، لأنه بيعرض الجلد للإجهاد التأكسدي وبيدمر الكولاجين فيه
- التدخين بيعيق حركة الأوعية الدموية ونشاطها وبيسبب الإجهاد التأكسدي للجلد، وده بيقلل قدرتها على إنتاج فيتامين أ
- تعبيرات الوجه المستمرة زي تحريك الحاجب أو الابتسام أو النوم على الجنب بيسبب ظهور خطوط التجاعيد الرفيعة في نفس المكان
- الجينات الوراثية ليها دور في ظهورها، فوجود شخص في العيلة بيعاني منها هيعلي نسبة ظهورها
- تجاهل اتباع روتين العناية بالبشرة والعين والحفاظ على ترطيبها بشكل كافي سبب أساسي لظهورها، فمهم تختار المنتجات المناسبة ليك مع الحفاظ على حساسية المكان أثناء التعامل زي عدم فرك العين أو شدها أثناء مسح المكياج
- اتباع نظام غذائي سيء ممكن يسبب ظهور تجاعيد العين المبكرة زي:
- قلة شرب المياه
- تناول السكريات بكميات كبيرة
- أكل الأطعمة الجاهزة والمصنعة بكميات كبيرة
- عدم تناول الخضار والفاكهة الغنية بمضادات الأكسدة زي التوت والفراولة والأفوكادو بشكل كافي
طرق علاج تجاعيد العين
في طرق طبية ممكن تقللها وفي روتين متعلق بالعناية بالبشرة والنظام الغذائي هيساعد في علاجها والوقاية منها
الطرق الطيبة
- الوخز بالإبر الدقيقة: وهي آلة رأسها فيها تجمع من الإبر الدقيقة جدا وبيتم تمريرها على البشرة لتحفيز إنتاج الكولاجين
- حقن الفيلر: لو في فراغات أو تجويف فارغ تحت العين فإن حقن الفيلر بتساعد وبشكل كبير على ملء المناطق دي والتخلص من تجاعيد العين
- التقشير الكريستالي للبشرة: تستعمل هذه التقنية للتخلص من الندوب وكذلك التجاعيد ومنها تجاعيد العين
- العلاج بالليزر: يساعد الليزر هنا على تحفيز إنتاج الكولاجين وشد البشرة والتخلص من التجاعيد
- الكريمات الموضعية: في كريمات موجودة في الصيدليات تخفف من التجاعيد وفيها منتجات زي فيتامين أ أو الكافيين أو حمض الهيالارونيك
- البوتكس: بيتم حقنه أسفل العين لتقليل التجاعيد في المكان واسترخاء شكله، وبتظهر النتايج بين 3-7 أيام وبتستمر من 3-4 شهور
طرق طبيعية للوقاية من تجاعيد العين
في خطوات مهمة اتباعها هيساعدك على تجنبها زي:
- وضع واقي شمس 20 دقيقة قبل النزول على الوجه بالكامل مع منطقة العين وتجديده كل ساعتين
- لبس نضارة شمس عند التعرض ليها
- شرب كميات كافية من المياه
- تجنب التدخين
- عمل تحاليل للتأكد من عدم نقص الحديد/ فيتامين أ/ فيتامين د/ فيتامين سي في الجسم
- النوم عدد ساعات كافي
- تجنب فرك العين
- استخدام الكريمات الموضعية للعناية بمنطقة العين
- الاهتمام بعمل مساج لمنطقة العين بشكل دوري
- الاهتمام بأكل الأطعمة المضادة للأكسدة يوميا
