الكربوهيدرات مصدر طاقة أساسي للجسم وليها أنواع مختلفة وكميات مناسبة لأكلها، وموجودة في أطعمة نباتية والحبوب والبقوليات، وسهل تضيفها لنظامك الغذائي الصحي في حالة الالتزام بكميات معينة، والميل ليها ليه دلالات صحية مختلفة وممكن تتبع خطوات معينة للتغلب عليه.
أسباب الميل للكربوهيدرات
- الشعور بالتوتر والضغط العصبي
- بتسبب إفراز هرمونات السعادة زي السيروتونين وبالتالي الشعور بالحماس
- الدراسات أثبتت إن نقص فيتامينات معينة في الجسم زي الزنك والمغنيسيوم والأحماض الأمينية وفيتامين د سبب أساسي للميل ليها بشكل متكرر
- الإصابة بالاكتئاب أو أحد أعراضه
علامات تناولها بشكل زايد
في أعراض معينة لو ظهرت عليك فهي دليل على أكل كمية كبيرة من الكربوهيدرات على مدار اليوم، زي:
- الشعور بالتعب غير المبرر
- العطش الدايم
- الصداع المستمر وانخفاض الطاقة
- صعوبة الهضم
- التقلبات المزاجية المتكررة
- الميل للسكريات
- الشعور بالجوع المتكرر
- معدل الكوليسترول العالي
- ارتفاع معدل السكر في الدم
- ظهور حبوب الوجه
- الاكتئاب
- ألم المعدة
- ظهور جيوب بين الأسنان
- النسيان المتكرر
- اكتساب الوزن
- انتفاخ المعدة والإمساك
- التشوش الذهني
- تورم أجزاء من الجسم
خطوات تقلل بيها أكل الكربوهيدرات
- حدد الكربوهيدرات اللي بتاكلها يوميا وكميتها عشان تقدر تتحكم فيها وفرق بين المصادر النباتية والحبوب واعرف كمية الكربوهيدرات بالجرام في كل نوع منها
- حدد أكتر حاجة بتضعف قدامها عشان تستبدلها.. زي استبدال الرز بالكينوا أو الحنطة السوداء
- استبدل المشروبات الغازية بمياه فوارة لأنها بتزود ميلك ليها
- اشرب مياه بكميات كافية لأنها بتساعد على تقليل الميل لأكلات معينة
- الدراسات أثبتت إن الفطار الغني بالبروتين بيساعد تقللها وبيطول فترة الشبع وبيقلل الجوع على مدار اليوم
- تجنب الساعات الطويلة بين الوجبات لأن انخفاض معدل السكر في الدم بيزود ميلك ليها واعمل وجبة خفيفة صحية بينهم
- خصص مواعيد معينة للأكل ونوّع فيه
- اشغل نفسك بأي نشاط زي المشي والرياضة والرسم لأن الملل بيأثر في ميلك ليها
- استخدم طريقة مناسبة للتخلص من التوتر لأنه بيسبب الميل لأكلات غير صحية لتحسين الحالة المزاجية زي الجري أو البوكسينج أو الرسم
- ممارسة الرياضة هتحسن شكل جسمك وصحتك وبالتالي هتضايق لو أكلت كربوهيدرات كتير
- التركيز أثناء الأكل والابتعاد عن مصادر الإزعاج والأكل بالراحة هيساعدك تشبع أسرع
- نام عدد ساعات كافي وخصص وقت كل أسبوع تاكل فيه بحرية عشان تقدر تنتظم
- حدد الأوقات اللي بتضعف فيها وجهز البدايل الصحية للأكل على طول لتجنب ضعفك
- الأكل الواعي وهو التركيز في شكل وألوان وتفاصيل الأكل مع المضغ البطيء هيساعدك تاكل أقل وتشبع لفترة أطول
