المحتويات
الكونسيلر من أدوات الميكاب المهمة خاصة في الاستخدام اليومي، لأنه بيخفي الهالات السوداء والجيوب أسفل العيون وممكن تستخدميه لإخفاء أي عيوب أو آثار حبوب في الوجه، واختيار الدرجة الأفضل ليكي هيساعدك تستخدميه صح.
خطوات اختيار كونسيلر مناسب لبشرتك
تحديد احتياجك
- ده هيساعدك على تحديد الدرجة المناسبة للاستخدام، لأنك لو هتستخدميه لإخفاء أي عيوب في الوجه فلازم تختاري درجة مشابهة لدرجة بشرتك
- لو هتستخدميه في إخفاء الهالات السوداء، لازم يكون أفتح من درجة بشرتك بدرجة أو درجتين
- لو للكونتور.. اختاري درجة أغمق بدرجة أو درجتين من لون بشرتك
- عشان تتأكدي من تطابق الدرجة لبشرتك.. جربيه على خط الفك وامزجيه على بشرتك وبصي عليه في غرفة فيها مصدر نور طبيعي عشان تختاري الدرجة الممزوجة بشكل طبيعي أكتر
درجة التغطية
- في أنواع بتكون مخصصة للتغطية الكاملة زي الهالات السوداء وأي تصبغات في البشرة
- تقدري تخففيه عن طريق إضافة نقطة سيروم ترطيب الوجه عليه قبل الاستخدام
اختيار كونسيلر لإخفاء الهالات السوداء
- ممكن تستخدمي عجلة الألوان عشان تحددي الدرجة المناسبة ليكي
- فمثلا لو الهالات لونها مايل للأزرق فاختاري اللون المعاكس ليها في عجلة الألوان وهو البرتقالي لأن مزجهم هيوحد لون المكان ده في الوجه
- لو الهالات لونها مايل للبنفسجي.. اختاري الكونسيلر الأصفر
- لإخفاء بقع الوجه أو النمش.. اختاري الدرجات المايلة للخوخي
- للتخلص من بقع الاحمرار في الوجه.. اختاري درجات الأخضر
اختيار ملمس وتركيبة الكونسيلر المناسبة لبشرتك
النوع السايل
- أنسب للبشرة العادية والمختلطة والدهنية والحساسة واللي فيها حبوب
- أسهل الأنواع في استخدامه وأقلهم في سد المسام
- تغطيته للبشرة من خفيف للتغطية الكاملة
- مناسب أكتر لتغطية خطوط التعبير والنوع المات منه بيستمر مدة أطول
الستيك كونسيلر
- مناسب للبشرة العادية والجافة والحساسة
- تغطيته للبشرة من متوسط لتغطية كاملة
- مكوناته بتزود سد المسام عشان كده مش مناسب للبشرة الدهنية أو المختلطة
الكونسيلر الكريمي
- مناسب للبشرة الحساسة والدهنية والمختلطة والعادية
- تغطيته للبشرة من متوسط لكامل التغطية
- مناسب لتغطية تصبغات الجلد
- ممكن يتشقق بعد ساعات طويلة فاستخدمي بودرة مضغوطة بعد ما تحطيه
حيل الكونسيلر
- حطي الفاونديشن قبل الكونسيلر عشان توحدي لون البشرة وتحطي الكمية المناسبة منه
- درجات الـ(Green Colour Correctors) مناسبة للاحمرار حوالين الفم والأنف ودرجات الـ(Peach) أو الـ(Blue) مناسبة للهالات السوداء
- لكن درجات الـ(Green) بتوحد لون الحبوب.. امزجيه مع الكونسيلر بنفس لون بشرتك
- وزعيه بأصابعك عن طريق الطبطبة بحركات دائرية خفيفة عشان بشرتك تمتصه كويس
- امزجيه مع كمية بسيطة من كريم الوجه عشان البشرة يكون شكلها ناعم
- امزجي النوع السايل مع الهايلايتر لإخفاء أي انتفاخ في العين
- استخدمي برايمر العين قبل وضعه عشان توحدي ملمس ولون البشرة
- حطي النوع السايل على شكل مثلث أسفل العين لإخفاء أي عيوب
- ممكن تستخدميه كطبقة لون أساسية للآي شادو واعملي (Blotting) ليه بمنديل خفيف لتجنب ظهور الخطوط فيه
- امزجيه كويس مع الفاونديشن باستخدام بيوتي بلندر مبللة
- استخدمي درجة افتح من بشرتك عشان تفتحي منتصف جفن العين الأعلى أو أسفل عظام الحاجب أو لتفتيح أعلى الشفايف أو إخفاء أي عيوب أثناء وضع الروج
- حطي عليه (Setting Spray) أو (Translucent Powder) لتثبيته مدة أطول ومنع تشققه
- لو بتستخدمي نوع (Full Coverage).. امزجيه مع كريم الوجه عشان يتوزع أفضل
- لإخفاء ندوب الوجه.. اغمسي فرشة (Angled) في كونسيلر أفتح من بشرتك واملي الفراغ وبعدين حطي (Translucent Powder)
- لتجنب كلكعة الكونسيلر.. حطي كريم مرطب على وجهك الأول وامزجي الكونسيلر مع كمية بسيطة من الفاونديشن على إيدك
- بعد وضع الآيلاينر.. حطي كمية بسيطة منه على عود قطني عشان تشيلي أي زيادات حواليه
- لإخفاء الحبوب.. حطي عليها فاونديشن الأول وبعدين وزعي الكونسيلر عليها بفرشة
