المحتويات
سخان المياه من الأجهزة الأساسية في أي بيت خصوصًا في فصل الشتاء ومعرفة خطوات شرائه وطريقة اختياره ضرورية للاستمتاع بسخان قوي فعّال وموفر في استهلاك الكهرباء أو الغاز.
طريقة اختيار السخان المناسب
- اشتري مكان موثوق فيه بيقدم خدمات ما بعد البيع وشخص تعرفه اشترى منه قبل كده
- ابحث عن العلامة التجارية اللي أسعارها مناسبة لميزانيتك
- بلاش تشتري سخان غاز لو مفيش عندك مصدر غاز دائم وبتعتمد على أسطوانة الغاز المؤقتة
- لو هتشتري سخان كهرباء يبقى اختار النوع اللي مش بيخزّن المياه لأنه بيستهلك كمية كهرباء كبيرة لأنه بيسخن المياه باستمرار
- عكس السخانات العادية اللي بتسخن المياه فقط في لحظة فتح المياه وبينتهي عملها مع اغلاق صنبور المياه
- اختار نوع بيحتوي علي اختيارات متعددة للتحكم في درجة الحرارة مش لمجرد تسخين المياه
- ركّز على السعة اللترية اللي هتحتاجها في بيتك (السخانات بتتراوح بين 10 لتر حتى 100 لتر) وبالتالي ابحث عن سعة مناسبة لعدد أفراد الأسرة في بيتك
- اسأل عن الأنواع الموفرة للكهرباء ويفضل تستخدم سخان واحد للمطبخ والحمام
- النوع الأفضل من السخانات مصنوع من النحاس لتقليل فرص تلفه السريع
- اختار سخان مزوّد بصمام الأمان لأنه أساسي في التحكم في ضغط المياه داخله وفي نفس الوقت ضمان عدم عودة المياه السخنة للمواسير مرة تانية
- اشتري سخان جديد وبلاش تشتري سخان مستعمل مهما كان سعره بسيط لأنك هتصرف أكتر من تمنه على تصليحه حتى لو على المدى البعيد
توفير الكهرباء أثناء استخدام سخان كهربائي
- اظبط الترموستات بين درجة حرارة 50 – 60 لأن الدرجات العالية بترفع فاتورة الكهرباء وتقلل عمره الافتراضي
- تجنب تشغيله طول اليوم والأفضل قبل الاستخدام بنص ساعة
- فرغ المياه المخزّنة داخله من المكان المخصص لتغذيته كل 3 أو 6 أشهر للتخلص من الشوائب اللي بتقلل كفاءته وبتزود استهلاك الكهرباء
- قلل وقت الاستحمام وتجنب ترك حنفية المياه مفتوحة وعدم استخدامها زي وقت غسل الأسنان أو أنت بتجمع الأطباق قبل غسلها
- استخدم المياه الباردة لمعظم دورات الغسالة خاصة الشطف
اتحكم في دورات غسالة الأطباق بطريقة صحيحة وخليها أقصر ومليانة في كل مرة
أسباب تسريب المياه من السخان
- اعرف إن استمرار تسريب المياه من لو كهرباء بيزوّد فرص احتراق الدائرة الكهربائية بسبب التلامس المستمر مع المياه ممكن مع الوقت يتسبب في نشوب حريق في البيت
- أما لو غاز بتزيد فرص الصدأ وتلف السخان بسرعة وهيزيد ضغط السخان اللي ممكن يسبب انفجاره
من أهم الأسباب:
- تلف الوعاء الدخالي اللي بيحتوي على المياه وبيفصلها عن باقي مكوناته التانية
- تراكم الترسبات بسبب المياه واستخدامه لفترات طويلة على مر السنين بيزوّد فرص حدوث التسريب
- بيسبب تلف الوعاء ثقوب صغيرة في جسمه الداخلي وبالتالي بتصعب عملية إصلاحه وهتضطر لاستبداله بجهاز جديد
- أحيانًا بيبقى السبب تلف وصلاته وبالتالي بتضطر لفك الوصلات بالمفك الفرنساوي من عند أماكن التوصيل قبل عادة تركيب وصلات جديدة
- السبب الأكثر انتشارًا هو اهتزاز هيتر السخان (عنصر التسخين) اللي ضروري يبقى مربوط بإحكام
- وبالتالي ضروري تستغين بفني متخصص يفكه من الحائط ويعيد تركيب عنصر التسخين بطريقة صحيحة
حل مشكلة الإشعال الذاتي في السخان الغاز
الأسباب
- انسداد أنبوب الشعلة الدائمة بسبب تراكم الشحوم والأوساخ اللي بتمنع تدفق الغاز للشعلة
- عطل مزدوج الحرارة وهو جهاز استشعار في السخان مهمّته قياس درجة الحرارة اللي بتزيد مع حرارة الشعلة
- اعوجاج أنبوب الغاز وبطء تدفق الغاز وبالتالي بتزيد فرص أعطال الإشعال الذاتي
الحل
- اتأكد إن المحبس مفتوح ولكن اقفله فورا لو شامم ريحة تسريب غاز
- افتح المحبس لأقصى درجة (عكس عقارب الساعة) عشان تسمح بتدفق أكبر كمية من المياه
- اختار أقل درجة حرارة وحدد وضعية الشعلة الدائمة
- كرر الضغط على زرار الإشعال مرات كتير عشان تتأكد ترجّع الإشعال الذاتي مرة تانية
- اظبطه على درجة الحرارة المناسبة ليك ولو العطل مستمر استعين بفني متخصص يساعد على حل المشكلة
