المحتويات
طريقة عمل السحلب بيزيد البحث عنها في الشتاء لأنه من المشروبات الشتوية المميزة اللي بيفضّلها المصريين، خصوصًا إنه بيحتوي على خصائص غذائية وفوائد متنوعة وبيستخلص من زهرة الأوركيد.
مصدر السحلب
- بيستخلص السحلب من زهرة الأوركيد وبيحتوي على مواد صمغية بتزيد كثافتها مع خلطها بسوائل تانية في درجة حرارة مرتفعة، وبيرتفع سعر مسحوق السحلب الجاهز لأن عملية الاستخلاص صعبة
مكونات تحضير السحلب
- كوباية سكر بودرة
- 5 معالق كبيرة نشا درة
- كوباية لبن بودرة
- معلقة صغيرة فانيليا
- ربع كوباية سمسم
- كوباية دقيق أرز
- نص كوباية جوز هند
- ربع كوباية زبيب
- نص كوباية فول سوداني
طريقة تحضير السحلب
- اخلط السكر البودرة مع نشا الدرة ودقيق الأرز واللبن البودرة والفانيليا
- احفظ المكونات في برطمان محكم الغلق
- اخلط السمسم مع جوز الهند والسوداني والزبيب
- استخدم 3 معالق كبيرة من خليط السحلب لكل كوباية لبن وقلب على النار لحد ما يبقى قوامه متماسك وضيف كمية المكسرات المفضلة ليك حسب اختيارك
لو مسحوق السحلب جاهز
- اخلط مسحوق السحلب بالسكر في وعاء وضيف عسل على اللبن لو عايز تحلّيه بالعسل
- ضيف السحلب والسكر على اللبن السخن وقلّب باستمرار
- استمر في التقليب حتى ظهور المزيج الكثيف ويكون قوامه كريمي
- ممكن تضيف ماء زهر أثناء الخلط
- افتكر إن التقليب مستمر لمدة 20 دقيقة على الأساس ضروري للحصول على قوام مثالي للسحلب
فوائد السحلب
- بيعالج مشاكل البشرة زي حب الشباب والطفح الجلدي
- بيحتوي على بعض الخصائص اللي بتعالج ضعف الانتصاب عند الرجال
- بيطرد البلغم وقت الإصابة بنزلات البرد والكحة
- دراسات بتأكد إنه بيساعد على الاسترخاء وبيزوّد فرص التخلّص من الأرق
- بينظم الدورة الشهرية عند السيدات
- بيزوّد مرونة البشرة وفرص ظهور علامات النضارة والحيوية عليها
- مادة الجلوكومانان بتخفف حدة الإمساك وبتساعد على تقليل الوزن
- بيعالج مشاكل حرقان المعدة
- بيدفّي الجسم وبينشّط الدورة الدموية
- بيقوّي المناعة وبيحسّن النظر
