المحتويات
الميلانين هي صبغة طبيعية بتنتجها خلايا الجسم اسمها الخلايا الصبغية لمنح لون معين للجلد والشعر والعيون، واختلاف درجات البشرة بيكون حسب الكمية اللي الجسم بيفزرها منها.
أنواع الميلانين
- الميلانين السوي: هو النوع المسؤول عن منح معظم الأماكن الخارجية في الجسم لونها الغامق زي البشرة والشعر والعيون
- الفيوميلانين: هو المسؤول عن المناطق اللي لونها وردي في الجسم زي حلمات الثدي والشفايف
- الميلانين العصبي: ليه علاقة بألوان أجزاء داخلية في الجسم وألوان الخلايا العصبية
فوائد الميلانين
ليه فوائد متعددة زي:
- منح الشعر لونه
- مسؤول عن لون البشرة حماية الجلد والعيون من أضرار أشعة الشمس فوق البنفسجية، وتمتد الحماية لجميع أشكال أشعة الشمس زي النور الأزرق
- وده من خلال امتصاص ضوء الأشعة قبل أن تتلف الحمض النووي الحساس لخلايا الجلد
- مضاد للأكسدة، فهو بيحمي الجسم من أنواع الأكسجين التفاعلي اللي بيسبب الإجهاد التأكسدي للجسم
أضرار قلة الميلانين في الجسم
خلل كميته في الجسم سواء بزيادته أو نقصانه بيسبب مشاكل في الجسم، زي:
المهق
- حالة وراثية نادرة وبتحصل نتيجة انخفاضه في الجسم
- يتميز ببشرة شديدة البياض مع شعر أبيض وعيون زرقاء
- المصابين بيه بيتجنبوا التعرض للشمس قدر المستطاع لأنها بتعرضهم لخطر الإصابة بسرطان الجلد
داء باركنسون
الإصابة بيه ممكن تسبب نقص في أنواع معينة من أنواع صبغاته زي الميلانين العصبي
البهاق
لو الجسم خسر بعض الخلايا المنتجة ليه وده بيسبب ظهور بقع فاتحة على أماكن في الجسم بمساحات مختلفة
الكلف
هو بقع بني صغيرة بتظهر على الوجه عادة
الشعر الأبيض المبكر
قلة نسبته في الجسم بتسبب ظهور الشعر الأبيض المبكر، ودرجة انتشاره بتختلف من شخص للتاني
العوامل المؤثرة على كميته في الجسم
درجته في الجسم بتختلف من شخص للتاني وفي عوامل بتأثر عليها، زي:
- الجينات ليها دور أساسي في نسبته في الجسم
- كميته في الجلد هي ناتج لكمية وتوزيع مادة الـ(Melanocytes)، فتصبغ البشرة بيختلف حسب عددها في الجلد وحسب نسبة الفيوميلانين للميلانين السوي
- السن والتقدم في العمر
- التعرض للشمس
- الالتهاب في الجسم
- التغييرات الهرمونية
طرق زيادة الميلانين في الجسم
الانتظام على تناول بعض الأطعمة بيزود نسبته في الجسم وبيحسن إنتاجه، زي:
- الأطعمة الغنية بفيتامين أ، زي الجزر والبطاطا والأسماك
- فيتامين هـ بيساعد على رفع مستوى الميلانين في الجسم، وموجود في الحبوب والمكسرات والبذور
- الأطعمة الغنية بفيتامين سي زي البرتقال والجوافة والفراولة والسبانخ
- بعض النباتات والأعشاب زي الكركم والشاي الأخضر
