المحتويات
الاحتلام حالة طبيعية بتحصل وقت خروج المني أو القذف خلال الليل سواء للرجال أو للسيدات وبتحصل على فترات متقاربة أو متباعدة حسب طبيعة كل جسم وبيأكد الخبراء على أهميته ودوّره الفعّال في الوقاية من بعض الأمراض لكنه أحيانًا ممكن يبقى مؤشر على إصابة خطيرة لو حصل للأطفال وبيسمى بالبلوغ المبكر وفي بعض الأوقات بيسبب إحراج للشخص لو اضطرته الظروف للنوم خارج منزله.
تعريف الاحتلام
- إفرازات ليلية بتحصل للرجال والسيدات بسبب استرخاء الجسم وقت النوم سواء كانت بسبب أحلام جنسية أو لأ
- بيحصل بدون أي تحفيز يدوي أو بسبب ممارسة العادة السرية
- الرجال أكثر عرضة للاحتلام بسبب حدوث الانتصاب الطبيعي خلال النوم أكتر من مرة
- بيظهر عند السيدات في شكل إفرازات مهبلية زائدة أو الوصول لهزات الجماع بشكل كامل
- بيزيد في فترة المراهقة بسبب التغيرات الهرمونية ولكن انتظام الهرمونات عند البالغين بيؤدي لتكرار الاحتلام أكتر من مرة خلال الشهر
- الدراسات بتأكد إن الممارسة الحنسية المنتظمة أو ممارسة العادة السرية بتقلل فرص حدوث الاحتلام
فوائد الاحتلام
- التخلص من تراكم الحيوانات المنوية القديمة الموجودة في الخصية عند الرجال وبالتالي بتتكون حيوانات منوية جديدة بشكل طبيعي
- الدراسات بتأكد إنه بيساعد على الاسترخاء والاستمتاع بنوم جيد وتقليل معدلات الاكتئاب والتوتر والضغط النفسي
- خروج المني بانتظام بيقلل فرص الإصابة بالتهابات البروستاتا أو الإصابة بسرطانها
- بيحسس الأشخاص غير المتزوجين بالرضا والإشباع الجنسي لمدة مؤقتة
أسباب الاحتلام
- بيحصل بصورة طبيعية في الجسم بدون سبب أساسي واضح ولكن نتيجة لعدة احتمالات
- منها زيادة إفراز هرمون التستوستيرون عند الرجال
- الاحتقان الجنسي نتيجة مشاهدة مقاطع إباحية أو صور مثيرة بانتظام
- دراسة بتأكد إن النوم على البطن بيسبب احتكاك بين السرير وبين العضو الذكري بينتج عنّه حدوث القذف
- بس الموضوع محتاج دراسات أكتر عشان تحدد الطريقة اللي بتحصل بيها العملية بدقة
- حدوث خلل هرموني ممكن يسبب في كثرة الاحتلام خصوصًا لو يوميًا بدون انقطاع وبالتالي وقتها لازم تستشير طبيب متخصص
أضرار البلوغ المبكر
- بيحصل لما بيتغير شكل الجسم وبيدخل الطفل في مرحلة البلوغ المبكر بدري (في سن 8 سنوات عند الإناث و9 سنوات عند الذكور)
- بتحصل مضاعفات زي قصر القامة على الرغم من طول الأطفال في السن ده مقارنة بغيرهم لكن النمو السريع للعظام بيأثر عليها في المستقبل
- بيزيد إحساس الخجل الشديد والإحساس
أعراض البلوغ المبكر
- الاحتلام
- نمو شعر الإبط
- نزول الدورة الشهرية ونمو الثدي عند الإناث
- ظهور حب الشباب
مؤشر لوجود مرض معيّن
- الدراسات بتأكد إن البلوغ المبكر ممكن يبقى مؤشر على الإصابة بمرض معيّن زي:
- ورّم في الدماغ أو إصابة في الحبل النخاعي
- تضخم خلقي للغدة الكظرية أو قصور الغدة الدرقية
- مرض اسمه (ماكيون أولبرايت) وهو مرض نادر بيسبب مشاكل هرمونية وبيأثر على لون البشرة ونمو العظام
- مرتبط عند الإناث بأمراض زي تكيسات أو أورام المبايض
- أحيانًا بيبقى مؤشر لوجود ورم في الخلايا المنتجة للحيوانات المنوية
- لازم تستشير طبيب متخصص لو لاحظت أعراض البلوغ المبكر على الذكور أو الإناث خصوصًا الاحتلام
