المحتويات
البان كيك واحدة من أشهر الحلويات اللي سهل تعملها في البيت لأن مكوناتها متوافرة وبسيطة، وتقدر تعملها بالطريقة العادية أو بطريقة أكتر صحية.
طريقة عمل البان كيك العادية
المكونات
- بيضة
- كوب حليب
- 2 معلقة كبيرة زبدة مذابة
- كوب دقيق
- معلقة كبيرة سكر
- 3 معالق صغيرة بيكنج باودر
- نص معلقة صغيرة ملح
- معلقة صغيرة فانيليا
الطريقة
- اضرب البيض لحد ما ينفش
- ضيف له الحليب والزبدة
- اضربهم كويس وبعدين ضيف المكونات الجافة واضربهم مع بعض
- سخن طاسة غير قابلة للصق ومدهونة بزبدة كويس
- صب كمية من الخليط (حوالي مغرفة) في الطاسة وحكها بسيط عشان يعمل شكل الدايرة
- عند ظهور الفقاعات ولون الأطراف يتغير.. اقلبها على الناحبة التانية
- اعمل أكتر من طبقة وزينها بفاكهة مع عسل أبيض أو صوص شوكولاتة أو موز
طريقة عمل البان كيك بدقيق الشوفان
المكونات
- نص كوب حليب لوز غير محلى
- حبتين بيض
- موزة
- معلقتين صغيرين بيكنج باودر
- ربع معلقة صغيرة ملح
- معلقة صغيرة فانيليا
- كوب ونص شوفان
- عسل أبيض
الطريقة
- اخلط الحليب والبيض واضرب الخليط كويس
- ضيف باقي المكونات واتأكد إن تم خلط المكونات كويس
- سخن طاسة غير قابلة للصق وامسحها بكمية بسيطة من الزيت
- ضيف الكمية المناسبة من الخليط وسيب كل ناحية من 2-3 دقايق
- زينه بالفواكه اللي تحبها زي الفراولة/ التفاح/ التوت
بان كيك بالبروتين
المكونات
- كوب شوفان
- موزة
- بيضتين
- نص كوب بياض بيض
- 4 معالق صغيرة بيكنج باودر
- رشة ملح
- رشة قرفة
- 1-2 مقدار بروتين باودر
- معلقتين كبار بذر الكتان (اختياري)
الطريقة
- اخلط كل المكونات في البلندر على سرعة متوسطة
- في طاسة ساخنة.. نزل الخليط في شكل دواير جنب بعض وممكن تضيف كمية بسيطة من رقائق الشوكولاتة
- سيب كل ناحية من 2-3 دقايق وبعدين خرجها وزينها بزبيب/ عسل أبيض/ فاكهة
طريقة عمل البان كيك بالموز
المكونات
- موزة مستوية
- بيضتين كبار مضروبين
- زيت أو زبدة
- عسل أبيض أو مربى أو فاكهة للتزيين
- رشة بيكنج باودر
- رشة ملح
- ربع معلقة فانيليا سايلة
- معلقة كبيرة كاكاو خام (لو عايزها بالشوكولاتة)
- نص كوب جرانولا (اختياري)
الطريقة
- اهرس الموز كويس بشوكة لحد ما قوامها يتقل وبعدين ضيف البيض والبيكنج باودر
- ضيف باقي المكونات لحد لما الخليط يتقل
- في طاسة سخنة مدهونة بزيت أو زبدة.. اعمل الخليط في شكل دواير مع ترك مسافة بينهم
- سيب كل ناحية دقيقة أو لحد لما الأطراف لونها يتغير
- قدمها مع العسل الأبيض/ المربى/ المكسرات/ الجرانولا
بان كيك الحبة الكاملة
المكونات
- معلقة كبيرة زبدة
- 2 كوب دقيق حبة كاملة
- معلقتين صغيرين بيكنج باودر
- نص معلقة صغيرة بيكنج صودا
- نص معلقة صغيرة ملح
- بيضتين
- كوب وربع حليب خالي الدسم
- معلقة صغيرة فانيليا سايلة
- معلقتين كبار عسل أبيض
الطريقة
- سيح الزبدة وسيبها تهدى
- في بولة كبيرة.. اخلط الدقيق والبيكنج باودر والبيكنج صودا والملح
- في بولة تانية.. اخلط البيض والحليب والعسل والفانيليا وبعدين ضيف الزبدة
- ضيف المكونات السايلة على المكونات الجافة واخلطهم كويس
- في طاسة سخنة مدهونة زيت أو زبدة.. ضيف كمية من الخليط وسيبه لحد ما تظهر فقاقيع واقلبها الناحية التانية
- لما لونها يحمر.. خرجها وزينها بالقرفة/ الفواكه/ المكسرات
