المحتويات
دمج ملفات الوورد في ملف واحد أحيانًا بيخليك تضطر تدخل على كل واحد تنسخه وبعدها تلصق المحتوى في الملف اللي عايزه، لكن لو الملفات عددها كبير فيه طريقة أسهل هتخليك تجمع كل الملفات مع بعض في ملف واحد في مدة قصيرة:
طريقة دمج ملفات الوورد في ملف واحد
- افتح أي ملف من الملفات اللي عايز تدمجهم مع بعض
- اقف عند بداية صفحة جديدة ودوس على إدراج/Insert وبعدها دوس على كائن/Object
- هيظهرلك اختيارين.. اختار نص من الملف/ text from file
- اختار الملف اللي عايز تضيفه.. وهيظهر فورًا بنفس تنسيقه القديم
تنظيم دمج ملفات الوورد عن طريق عمل جدول محتويات
- حدد الكلمة/ الجملة اللي عايز تضيفها في جدول المحتويات
- اعمل Select عليها وبعد اختيار كل جملة اضغط على العنوان 1 / Heading
- افتح المراجع/References واختار جدول المحتويات/ Table of Contents ودوس على تلقائي/ Automatic
- هيظهر الجدول مكتوب فيه كل جملة وجنبها رقم الصفحة
- لو عايز تضيف جملة جديدة ادخل على الصفحة الرئيسية
- حدد الكلمة/ الجملة اللي عايز تضيفها واختار عنوان 1 / Heading 1
- اضغط على جدول المحتويات واختار تحديث الجدول/ Update table عشان تظهر الكلمة/الجملة الجديدة
ترقيم الصفحات بعد دمج ملفات الوورد
- افتح إدراج/ Insert وبعدها اختار رقم الصفحة/ Page Number
- اختار صفحة أولى مختلفة/ Different First Page لو مش عايز تبدأ ترقيم من الصفحة الأولى
- عن طريق فتح رقم الصفحة/ Page Number واختار تنسيق أرقام الصفحات/ Format Page Numbers
- حدد منها بدء الترقيم/ Start at وخليها على صفر/ 0
تغيير كلمة أو جملة في الوورد
- افتح القائمة الرئيسية / Home واختار منها استبدال / Replace أو ممكن تختار( Ctrl+H )
- اكتب الكلمة /الجملة اللي عايز تستبدلها في مربع بحث/ Find
- اكتب الكلمة/ الجملة الجديدة في مربع استبدال/ Replace
- اضغط على البحث عن التالي / Find Next عشان توصل للكلمة / الجملة اللي عايز تعدّلها
- اختار استبدال / Replace وعشان تغير كل الكلمات / الجمل اللي في الملف
- اختار استبدال الكل/ Replace all
إضافة مصدر لمحتوى ملف الوورد
- افتح ملف الـ Word واختار مراجع/References
- اضغط على السهم اللي جنب نمط المواقع/ Bibliography Style واختار الطريقة اللي عايز تكتب بيها المصدر
- دوس على آخر الجملة اللي عايز تقتبسها سواء موقع أو كتاب
- عند مراجع/References اختار إدراج اقتباس/ Insert Citation
- في إنشاء المصدر/Create Source جنب نوع المصدر/Type Of Source
- اكتب كل تفاصيل المصدر بدقة واضغط على OK
