المحتويات
الوزن المثالي إيه؟ وإزاي أوصله؟ من أكتر الأسئلة اللي بتتكرر بين الناس، لكن الإجابة هتختلف من شخص للتاني اعتمادا على عوامل أهمها الطول والجنس والسن.
ما هو الوزن المثالي؟
- بيعتمد تحديد وزنك المثالي على عدد من العوامل المختلفة زي السن/ الطول/ الجنس/ تكوين الدهون والعضلات
- هو الوزن اللي بيسمح لك تتحرك بنشاط وحيوية كل يوم
- الحفاظ عليه بيساعدك تقلل من المخاطر الصحية المرتبطة بالسمنة زي أمراض القلب والسكري أو النحافة زي ضعف المناعة وفقر الدم وتساقط الشعر، وبيساعد على منع الشيخوخة المبكرة
- مؤشر كتلة الجسم (BMI) من الطرق المشهورة لحساب الوزن المثالي
- لو كانت النتيجة بين 18.5 و 24.9 فأنت في نطاق الوزن الطبيعي بالنسبة لطولك، أما إذا كانت نتيجتك أقل من 18.5 معناه إنك بتعاني من النحافة
- بين 25 و 29.9 يعني بتعاني من زيادة الوزن، لو بين 30 لـ35 أو أكتر ده بيعكس إنك بتعاني من السمنة
الوزن المثالي بالنسبة للطول
طريقة القياس بمحيط الخصر للفخدين
- نسبة الخصر للفخدين (WHR) بتوضح كمية الدهون المخزنة في الجزء السفلي من الجسم وبتشمل الخصر والفخدين والأرداف
- اقف واتنفس بشكل طبيعي، وبعد ما تخرج الزفير استخدم شريط قياس ولفه حول الخصر (فوق السرة)
- سجل الرقم بالسنتيمتر
- لف الشريط حول منطقة الأرداف والفخدين (محيط الفخدين) وسجل الرقم
- اقسم محيط الخصر على محيط الفخدين للحصول على WHR
- النسبة الصحية للإناث 0.85 أو أقل، وللذكور 0.9 أو أقل
- نسبة WHR الأعلى من 1 بتشير لزيادة في الوزن وتراكم الدهون
طريقة الوصول والحفاظ على الوزن المثالي
- اتباع نظام غذائي صحي ومتوازن بيحتوي على الخضراوات والفواكه والبروتين والدهون الصحية
- اهتم بتناول الحبوب الكاملة والألياف الغذائية لأنها بتساعد على الإحساس بالشبع
- تجنب السكريات والدهون غير الصحية
- تناول كمية كافية من المياه يوميا
- ممارسة التمارين الرياضية بانتظام
- حافظ على قسط كافي من النوم
