لما بتحتاج تعمل مسح لورقة على الآيفون وتحوّلها لـ PDF بتضطر تنزل تطبيق مخصص يساعدك تصوّر الورقة بدقة، بس الموضوع بيبقى أصعب لو مش محمل التطبيق ومفيش إنترنت وقت ما تحتاجه، عشان كده هنقولك الطريقة اللي تقدر بيها تصور الورقة بدقة وتحفظها في صيغة PDF في ثواني معدودة:
- افتح تطبيق الملاحظات/ Notes ودوس على علامة الكاميرا اللي فوق لوحة المفاتيح
- اختار مسح مستندات ضوئيًا/ Scan Documents عشان تلقط صورة للورقة اللي عايز تحوّلها لـ PDF
- خلي الحدود بتاعتها على أطراف الورقة بدقة عشان تتجنب ظهور أي هوامش سوداء
- اضغط على الاحتفاظ بالنسخة الضوئية/ Keep Scan وبعدها حفظ/ Save
- اضعط على الصورة تاني.. تحت علامة البطارية اضغط على الرمز المربع اللي جواه سهم
- اضغط على حفظ في الملفات/ Save to files عشان تحتفظ بيها على الآيفون في صيغة PDF
- أو ابعتها مباشرة لأي حد على واتساب من خلال علامته الموجودة في نفس القايمة
