طرق السكرين شوت في ويندوز 10 مختلفة وفيها خطوات كتير وممكن تختار الأسهل بينهم عشان تحتفظ بصور أو مستندات مهمة.
الطريقة الأولى
- دوس على زرار الـ(Print Screen)
- لو عايز تعمل سكرين شوت وتحفظها.. دوس على (Windows Key+PrtScn) وهتلاقيها في فولدر الـ(Screenshots Folder)
- لو عايز تعمل سكرينشوت تكون موجودة في الـ(Clipboard)..دوس على (Alt+PrtScn)
الطريقة التانية
- لو عايز تاخد سكرين شوت باستخدام (Snip & Sketch )
- دوس على (Windows Key+Shift+S)
- أو ممكن تعمل سيرش عليه من الـ(Start Menu)
- هيظهرلك بوكس تختار منه مقاس السكرين شوت اللي عايزه
- هتظهرلك نوتيفيكيشن أسفل يمين الشاشة وهتتحفظ في الـ(Clipboard)
- لو دوست عليها.. هتفتح في (Snip & Sketch App) وتقدر تعدلها منه قبل حفظها أو إرسالها
- لو عايز تاخد سكرين شوت بـ(Snip & Sketch) على طول.. افتحه ودوس (New)
- ممكن كمان تاخد سكرين شوت بوقت محدد بتأخير من 3-10 ثواني عشان تقدر تلتقط النوتيفيكيشن اللي بتظهر فجأة
الطريقة التالتة
- باستخدام (Snipping Tool)
- افتحه من من الـ(Start Menu)
- دوس على (Mode)
- اختار من القائمة اللي هتظهرلك المقاس اللي عايزه
- حدد مدة السكرين شوت
- لما تاخد سكرين شوت.. في نافذة جديدة هتفتح عشان تقدر تعدلها/ تحتفظ بيها/ تعملها شير
الطريقة الرابعة
- باستخدام الـ(Game Bar)
- دوس على (Windows Key+G) عشان تفتحه
- لو مافتحش.. اعمل سيرش على (Game Bar Settings)
- اعمل (Enable) لاختيار (Record game clips, screenshots and broadcast videos)
- دوس على زرار الكاميرا أو زرار التسجيل مع المايك لو عايز تسجل فيديو
- هتلاقيها في فورمات الـ(PNG) في فولدر الـ(Captures)
- وممكن تدوس على (Show All Captures) أسفل السكرين شوت عشان تشوفها كلها
الطريقة الخامسة
لو بتستخدم (Microsoft Surface Device)
- دوس على زرار الـ(Windows)
- مع زرار تقليل الصوت
- هتلاقي السكرين شوت في فولدر (Pictures)
- وبعدين (Screenshots)
