طريقة التعامل مع الشخصية الاعتمادية وكيفية اكتشافها وفهم أسبابها

الشخصية الاعتمادية بتوصف الأشخاص اللي ثقتهم في نفسهم ضعيفة وبيعتمدوا على الآخرين في إشباع كل احتياجاتهم، وبيتنصف من علماء النفس إنه من الاضطرابات السلوكية اللي ممكن تبقى مدمرة للأشخاص المصابين بيها.

الأسباب 

• مفيش سبب علمي اتفق عليه العلماء إنه المسبب الرئيسي للإصابة باضطراب الشخصية الاعتمادية ولكن بعض التقارير بتأكد إن عوامل مساعدة بتزوّد فرص الإصابة به ومنها:
• التربية المدللة
• فرط الحماية من الأهل
• وجود تاريخ إصابة بأمراض الاكتئاب والقلق في العائلة

التعريف العلمي

• أغلب المصابين باضطراب الشخصية الاعتمادية بيصابوا بحالة من الانزعاج العصبي وقت غياب المقرّبين
• بيحس الشخص بضرورة الاعتماد على الآخرين في كل جوانب حياته عشان يحقق إحساس الأمان والراحة والدعم العاطفي
• غياب الأشخاص اللي بيعتمد عليهم بيسبب حالة من الخوف والهلع للشخص الاعتمادي

علامات الشخصية الاعتمادية  

• صعوبة التصرف وقت الأزمات
• ارتباط السعادة بوجود شخص أو شيء معيّن لا غنى عنّه
• الاحتياج لكلمات الشكر والتقدير والمدح والثناء
• الإحساس المستمر بالعزلة والرفض
• عدم تقبّل النقد
• تغيير الآراء باستمرار للتوافق مع الآخرين
• التبعية المستمرة لشخص بعينه
• الاعتذار عن أفعال لم يرتكبها لمجرد إرضاء الآخرين
• الخوف من النقد
• تقبّل الإهانة والخضوع للآخرين لمجرد تحقيق استفادة معيّنة

كيفية التعامل مع الشخصية الاعتمادية 

• الاعتمادي هو شخص عنده قلق من الوحدة وبيعتمد على الآخرين في أي قرار
• بيحاول يرضيهم بكل الطرق وبيعتمد عليهم في كل شيء وبيخاف يعمل أي حاجة من غيرهم
•  محتاج دايمًا لرعاية واهتمام من المحيطين بيه وفي أوقات بيبقى حق مكتسب
•  اتحكم في مشاعرك وماتتعاطفش معاه لأنه ساعات بيحاول يستعطفك عشان تساعده
• بلاش توافق على طلباته لأنك بتأذيه والأحسن تدربه يعتمد على نفسه
• قلل اهتمامك بيه لفترة حتى لو بتحبه عشان يزداد صلابة وقدرة على المواجهة
•  استغل فرصة أنه بيسمع كلامك واديله مهام كتير يعملها لوحده واجبره على تنفيذها لوحده
• هتزود ثقته في نفسه وهتديله خبرات مش عنده
• الأحسن لو حفزته بمكافاة عشان يسمع كلامك ويتشجع يقلل اعتماد على إللي حواليه
• شجعه على تعلم أنشطة جديدة ..هتساعده يكتسب مهارات تواصل وحل المشكلات
• اعتمد عليه إنت في بعض الحاجات وحسسه بالمسؤولية
• واجهه بحقيقته وخطورتها على مستقبله وعلاقته بالمحيطين لو لقيته مستمر في نفس السلوك

مضاعفات الإصابة بالاضطراب

• العجز عن التعايش الهاديء مع الآخرين
• ضعف نبض القلب وانخفاض ضغط الدم
• فقدان السيطرة على النفس والإصابة بنوبات الهلع
• الفوبيا من فقدان الأصدقاء
• الإفراط في التدخين وتعاطي المخدرات والكحوليات

طرق العلاج 

• العلاج المعرفي السلوكي هو الأساس في تقليل أعراض الاضطراب والتدريب على تحسين جودة العلاقة مع الآخرين وتنمية مهارات الاعتماد على النفس
• ضروري استشارة طبيب متخصص في أسرع وقت لتحديد دوافع الشخص وأهدافه ومحاولة تحسين السلوك بطرق العلاج المختلفة

خطوات لتقليل اعتمادك على الآخرين 

• لو حاسس إنك مصاب ببعض أعراض اضطراب الشخصية الاعتمادية ضروري تحاول تتحكم في سلوكك مع توجهك لطبيب نفسي متخصص للعلاج
• قلل من موافقتك على عروض المساعدة من حد إلا في حالة الضرورة
• اتحمل مسؤولية التفاصيل اليومية في حياتك مهما كانت صغيرة
• افتكر ضرورة اكتسابك لمهارات مختلفة لأن وجودهم مش مستمر طول الوقت
• حلل سبب اعتمادك عليهم وابذل جهدك في مقاومته
• حدد نقاط القوة في شخصيتك واشتغل على تطويرها
• وجود هدف بتسعى لتحقيقه حتى لو مؤقت هيساعدك تحقق اعتمادك على نفسك
• اعرف أن وارد يكون فيه أخطاء.. المهم تتعلم منها
• زود معلوماتك العامة وإطلاعك عشان هيساعدوك تقلل أخطائك
• خليك شخص مبادر في تحمل المسؤولية والأعباء الإضافية عشان تثقل شخصيتك
• قدرتك على التحكم في إدارة فلوسك وترتيب أولوياتك في الصرف هيساعدك
• اتدرب على الاستمتاع بوقتك لوحدك لو مفيش حد يشاركك الأنشطة اللي بتحبها
• الخبراء بيأكدوا على أهمية تفكيرك في حل مشاكلك بنفسك حتى مع استشارة الآخرين