المحتويات
قروض بالبطاقة الشخصية فقط ممكن تبقى الحل الأمثل لو الشخص عليه ديون ضروري يدفعها في أسرع وقت وفيش حل تاني إلا الاقتراض من البنك بالبطاقة الشخصية، وبنوك قليلة بتتيح الاقتراض بضمان البطاقة الشخصية فقط وهي بنوك الأهلي ومصر والقاهرة
شروط قرض البنك الأهلي بالبطاقة الشخصية
- متاح الاقتراض بضمان البطاقة لو عندك وديعة في البنك الأهلي المصري وممكن توصل قيمة القرض لـ 80% من قيمة الوديعة
- مفيش أي مصاريف استعلام ائتماني
- تأمين على الحياة والعجز الكلي مجانًا
- فترة السداد بتوصل لـ 10 سنين
- سعر الفائدة 2% فوق سعر الشهادة المضمنة
قرض بنك مصر
- تقدر تسدد القرض في مدة من 6 شهور لحد 10 سنوات (حسب مدة الشهادة) لأنه بيشترط وجود حساب بنكي وشهادات باسمك في البنك بتغطي قيمة القرض
- الشهادة بتتجدد تلقائيًا طول فترة القرض
- الفائدة 2%+سعر العائد من الشهادة
- السن لازم يكون مش أقل من 21 سنة ومفيش حد أقصى للسن
قروض بنك القاهرة بالبطاقة الشخصية
- الشرط الأساسي هو وجود شهادات في البنك بتغطي قيمة القرض
- أقصى حد لقيمة القرض هو 90% ومدة السداد بتصل لـ 7 سنوات
- ممكن للقصر التقديم على القرض ولكن ضروري مدة سداد القرض تنتهي قبل بلوغ القاصر السن القانوني (21 سنة)
- الحد الأدنى لقيمة القرض 5000 جنيه
- ممنوع الاقتراض بضمان شهادات أمان
التقديم على قروض بضمان الوظيفة
- بعض البنوك بتقدم قروض بضمان الوظيفة ومنها البنك الأهلي المصري وبنك مصر والبنك العربي الأفريقي الدولي والبنك التجاري الدولي وبنك التعمير والإسكان
- بتطلب القروض بضمان الوظيفة أصل وصورة من البطاقة الشخصية وشهادة معتمدة من جهة العمل بتحويل المرتب ومفرداته وإيصالات خدمات للـ 3 شهور الأخيرة قبل التقديم على القرض
