خصوصية البيانات على الموبايل.. إزاي تمنع تليفونك يراقبك

خصوصية البيانات وقت استخدام الموبايل من الأمور اللي بتوتر أشخاص كتير، أحيانًا بتبقى بتتكلم عن حاجة أو دخلت مكان معين وفجأة لقيت إعلانات بتجيلك على مواقع التواصل عن المنتج أو المكان اللي اتكلمت عنّه أو موقعك الجغرافي قريب منه، وبالتالي بتتوتر وبتحس بانتهاك خصوصيتك، وعشان تقلل إحساسك ده طرق كتير بتساعدك تحافظ على بياناتك الشخصية ومنع موبايلك من مراقبتك:

خطوات عامة 

•  استخدم وضع التصفح الخفي/ Incognito 
• اعمل تسجيل خروج لأي موقع من مواقع التواصل الاجتماعي بعد استخدامك له
• الغي تسجيل الدخول برقم تليفونك وخليه بالإيميل وكلمة المرور 
•  قلل استخدامك لخدمات زي (Siri) و(Google Assistant) لأنها بتجمع بيانات عنك 

اخرج من أي موقع سجلت الدخول عليه بالفيس بوك 

• من خلال إعدادات /Settings وبعد كده تطبيقات ومواقع الويب/ Apps and Websites
• هتظهرلك المواقع اللي عامل منها تسجيل دخول بواسطة فيس بوك
• اعمل إزالة /Remove لكل واحدة منهم 
•  لو مش بتستخدم الفيس بوك بصفة مستمرة.. يستحسن تعمل تسجيل خروج، والأفضل تمسح التطبيق من عندك وتحمله وقت احتياجك له 

 حافظ على خصوصية البيانات بوقف تحديد الموبايل لموقعك

•   لمستخدمي نظام ios دوس على إعدادات/ Settings، وبعدين على الخصوصية /Privacy، واعمل Turn Off لخدمات الموقع/ Loctation services 
•  لمستخدمي نظام Android دوس على إعدادات / Settings، وبعدين الحماية والخصوصية/ Security and Privacy
• حدد من عليه الوصول إلى الموقع/ Location Access، ومنها هتلافي سجل المواقع الجغرافية في جوجل/ Google Location History، اللي من خلالها هتقدر توقف الخاصية 
• بلاش تعمل check in لأن من خلال تحديد المكان بيقدر يعرف عنك معلومات كتيرة

 قلل عدد الإعلانات اللي بتقتحم خصوصية البيانات 

•  لمستخدمي نظام ios دوس على إعدادات/ Settings، وبعدين على الخصوصية/ Privacy
• دوس على إعلانات/ Advertising، وشغل خاصية الحد من التتبع الإعلاني/ Limit Ad Tracking 
•  لمستخدمي Android دوس على إعدادات/ Settings، واختار Google وبعدين إعلانات/ Ads 
• شغل خاصية إيقاف تخصيص الإعلانات/ Opt out of ads Personalization 

 امنع Google من مراقبة بياناتك 

• اعمل تسجيل دخول على حساب الـGmail، وادخل على الخصوصية والتخصيص/ Privacy and personalization
• ودوس على إدارة البيانات/ Manage your Data ، هناك هتلاقي نشاط الويب والتطبيقات/ Web and App Activity، وقتها الغي تفعيلها 

 قلل صلاحيات التطبيقات على تليفونك 

•   لنظام ios دوس على إعدادات/ Settings، وبعدين على الخصوصية/ Privacy
• هتلافي أغلب الصلاحيات الموجودة للتطبيقات، قللها ولو مش بتستعملها الأفضل تمسحها
•   لمستخدمي نظام Android دوس على إعدادات/ Settings وبعدين تطبيقات/ Apps
• ومن الأذونات/ Permissions هتتحكم في كل صلاحيات التطبيقات