قطاع الأحوال المدنية بوزارة الداخلية بيوفر دلوقتي خدمات إلكترونية من خلال موقعه الرسمي، من ضمنها استخراج شهادة ميلاد مميكنة، واستلامها وأنت في البيت، وتتفادى الزحمة والانتظار في طوابير شبابيك مركز المعلومات أو مصلحة الأحوال المدنية، خاصة مع انتشار عدوى فيروس كورونا.
خطوات استخراج شهادة ميلاد
- ادخل على موقع وزارة الداخلية
- سجل الدخول بحسابك لو استخدمت الموقع قبل كده أو اعمل حساب جديد
- اختار (خدمة الإنترنت للمواطنين) من الشريط في أول الصفحة
- اضغط على وثيقة ميلاد واختار عدد الوثائق اللي محتاجها
- دخل البيانات المطلوبة زي لو الشهادة ليك أو لأحد أقاربك/ الرقم القومي/ البريد الإلكتروني/ تليفون البيت/ رقم الموبايل/ العنوان
- درجة القرابة اللي مسموح لها تستخرج شهادة ميلاد هي الأب/ الأم/ العم/ الخال/ الأخ/ الأخت/ الابن/ الابنة/ الجد/ الزوج/ الزوجة
- حدد (إنك قرأت الإرشادات وموافق على الشروط) في الناحية الشمال من الصفحة
- اختار طريقة الدفع المناسبة ليك
- اكتب الرمز التأكيدي اللي هيظهرلك وبعدين اضغط على إرسال الطلب
