تقبيل الطفل من الفم طريقة بيلجأ ليها كتير من الآباء والأقارب والأصدقاء للتعبير عن حبهم للأطفال بدون التفكير في جدوى الموضوع، واختلفت الآراء حواليه وآثاره السلبية على الطفل اللي بتختلف من طفل للتاني وحسب معدل التقبيل. بعض الأخصائيين النفسيين وصفوا التقبيل من الفم والزغزغة العنيفة ولف الرضيع بشدة من الأشياء اللي بتخترق مساحة حرية الطفل وبتخليه صعب يرفض شيء مش مرتاح فيه مع الوقت.
أضرار تقبيل الطفل من الفم
- أطباء الأسنان قالوا إن فم الشخص البالغ فيه عدد كبير من الميكروبات اللي مش بتأثر عليه
- لكنها بتتنقل له مع التقبيل وبما إن الطفل مناعته أضعف، ممكن يصاب بعدوى خطيرة
- الطفل هيربط بينه وبين الشعور بالفرحة أو الحب أو التعاطف وهيبدأ يستخدم الطريقة دي مع أشخاص غريبة عنه
- ده هيخليه عرضة للتحرش واستمرار تقبيله من الفم هيعلمه إن ده فعل مباح وطريقة عادية للتعبير عن الحب
- التقبيل من الفم أثناء وجود بقايا أكل أو منتجات عناية بالبشرة على وجهك ممكن يعرض الطفل لرد فعل تحسسي أو احمرار وتهيج الجلد نتيجة للمواد الكيميائية اللي فيها
- بيعلي خطر الإصابة بالقرح الباردة حوالين الفم وفي بعض الحالات بياخد وقت طويل في العلاج وممكن تسبب أضرار على المدى البعيد
- دراسات أمريكية أثبتت إنه بيسبب تسوس الأسنان بسبب البكتيريا في لعاب الأشخاص البالغة
- أخصائية العلاج النفسي تشارلوت رزيك قالت إن الأطفال بيكونوا وعيهم الجنسي بأبسط الطرق في سن صغير جدا
- الشفايف مكان مثير للشهوة الجنسية لأن فيها تركيز عالي من النهايات العصبية
- تقبيل الطفل منها هيسبب له لخبطة لأن غصب عنه ممكن ينشط الرغبة دي
- في سن مناسب للتوقف عن تقبيل الطفل بدون رغبته أو دخول الحمام معاه أو مساعدته في الاستحمام لاحترام خصوصيته وعشان يتعلم يرفض أي تصرف مش مرتاح فيه
- التقبيل من الفم من الحاجات اللي ممكن تتجنبها لأن سلبياتها أكتر من إيجابياتها وممكن تستبدله بتقبيل الخدين أو الجبهة
