تكنولوجيا
تطبيقات مختلفة لتسجيل المكالمات وكيفية اكتشاف التسجيل لمكالمة
إزاي تعرف تطبيقات تسجيل المكالمات؟
تسجيل المكالمات عبر تطبيق سواء على Play Store أو App Store ضروري أحيانًا في بعض الوظائف للاحتفاظ بالمكالمات، لكن القانون بيأكد إن لازم الطرف التاني يكون عارف إن المكالمة مسجلة وإلا ممكن الشخص اللي مسجل المكالمة يواجه عقوبة الحبس لمدة بتوصل لسنة مع الشغل، وبالتالي لو هتسجل مكالمة لازم يكون لغرض معيّن بعد استئذان الطرف التاني.
تطبيقات تسجيل المكالمات
Play Store
- Call recorder (ACR)
- ممكن تشغل تسجيل المكالمات بشكل يدوي أو طرق تانية
- تقدر تميز تسجيل عن الباقيين بعلامة محددة
- بيحذف تلقائيا التسجيلات القديمة عشان يوفر مساحة
- فيه ميزة سلة مهملات عشان تستعيد التسجيلات بسهولة
- بيدعم Gmail وGoogle Drive وOneDrive ولكن من عيوبه عدم تسجيل مكالمات الأبليكيشنز زي واتس أب وفايبر وماسنجر
- All Call Recorder
سهل الاستخدام
بيسجل كل المكالمات الواردة والصادرة بشكل تلقائي
ممكن تشارك التسجيلات على الإيميل أو Google Drive
بيخزن ملفات الصوت بصيغة 3gp - Cube Call Recorder
- بيسجل بجودة عالية
- تقدر تظبطه على خاصية التسجيل التلقائي لقائمة محددة بجانب إنه بيسجل مكالمات التطبيقات المختلفة
App Store
- (Google Voice)
- يعتبر من أسهل تطبيق لكن بيسجل المكالمات الواردة مش اللي بتعملها إنت
- نزل الأبليكيشن وسجل الدخول بحساب جوجل بتاعك
- دوس على بحث واكتب رقم موبايلك عشان تربطه بالأبلكيشن
- دخل رمز التحقق وفعل الحساب
- على يمين الشاشة دوس (المزيد) وبعد كدة دوس على كلمة (القايمة) اللي في الزاوية الشمال
- اختار (إعدادات) وبعد كده (خيارات المكالمات الواردة) وفعله
- لما يجيلك مكالمة عايز تسجلها دوس رقم (4)
- لكن هيبعت إشارة إن المكالمة بتتسجل للطرف التاني
- بعد انتهاء المكالمة هتلاقيها محفوظة في حسابك على التطبيق
- بعض التطبيقات زي Rev Call Recorder أو تطبيق TapeACall Pro بتسهل تسجيل المكالمات الصادرة والواردة لكن بمقابل مادي (تطبيقات مش مجّانية)
كيفية اكتشاف إذا كنت في مكالمة مسجلة
- خبراء التنقية بيقترحوا ملاحظات ممكن تعرّفك لو بتتكلم مع شخص بيسجّل مكالمتك
- هتلاحظ وجود صفّارة في أول المكالمة أو صوت تشويش طول الوقت
- ممكن تسمع صوت نقر أو ضوضاء في المكالمة حتى لو الشخص بيتكلم من مكان مغلق
- هتتأكد من الموضوع مع تكرار الملاحظة في الأوقات المختلفة مع اختلاف مكان الشخص التاني
- بعض الهواتف بتعرّف الطرف التاني إن مكالمته اتسجلت سواء قبل أو بعد المكالمة سواء عن طريق رسالة صوتية أو مكتوبة قبل فتح الخط
- سماع صدى صوتك طول المكالمة دليل قوي على إنها بتتسجّل من الطرف ده خصوصًا لو مش بتسمع صدى صوتك غير في مكالماتك مع شخص واحد بعينه
