المحتويات
PowerPoint من أهم برامج الأوفيس اللي بتقدم خدمة عرض البيانات في شكل جذاب، وبيتيح لك أشكال متعددة للشرائح اللي بتعرض فيها معلوماتك عشان تعرضها سواء على أساتذتك في الجامعة لو بتعرض مشروع دراسي أو لزملائك ومديرينك في الشغل عشان تعرض عليهم فكرة جديدة، والخبراء بيأكدوا إنك ضروري تقدم عرض مميز عشان تسّهل اقتناع وانجذاب الآخرين لفكرتك.
تصميم عرض جذاب على الـ PowerPoint
- طرق كتير تقدر تقدم بيها محتوى ممتع على الباوربوينت بشكل بسيط
- اكتب كل الكلام في صفحة أو اتنين على الـword
- اقرأ الكلام تاني بعد الكتابة وحدد الأجزاء المهمة اللي لازم تكون موجودة
- قسم الكلام على عدد الشرايح/Slides بحيث تبقى متخيل محتوى كل واحدة منهم
- الصورة بتجذب العين قبل الكلام وحاول قدر المستطاع يبقى كلامك مترجم بصور
- لما تفتح الـPowerpoint اختار مظهر/ Theme مناسب للموضوع اللي بتتكلم عنه
- احرص إن المظهر/Theme أو الصور اللي هتعرضها تكون مناسبة للشخص أو الجمهور اللي هيشوف عرضك
- افتكر إن الحد الأقصى لعدد الألوان في العرض كله هو 3 ألوان فقط
- جرب في حجم وشكل ولون الكلام المكتوب وراعي إنه يكون واضح لأي حد بيشوفه
- اهتم يكون فيه رقم معين واضح وكبير عشان يجذب الانتباه
- خلي في العرض قصة أو حدوتة والأفضل لو قايمة على صورة محددة
- بلاش تستخدم نقلات/ Transitions معقدة أو مؤذية للعين وخليها مش ملحوظة قدر الإمكان
- ضيف انتقالات جذابة بين الشرايح عشان تجذب عيون المتفرجين
- استخدم موسيقى خلال العرض لو الموضوع يحتمل واكتب رؤوس الموضوعات اللي هتغطيها في العرض في البداية
إضافة مقطع صوتي على الباوربوينت
- افتح ملف الـ PowerPoint ودوس Insert واختار Audio عشان تظهرلك الملفات الصوتية على جهازك وتختار منها اللي عايزه
- دوس Insert عشان يظهر الملف الصوتي اللي عايز تضيفه في هيئة شريط
- دوس على Format واختار PlayBack واعمل صح عند Play Across Slides وعند Loop until stopped عشان يتوقف لما تخلص مدته
- لو عايز تخفي الشريط الصوتي لازم تعمل صح عند Hide During Show
إضافة فيديو داخل ملف الـ PowerPoint
- ممكن تضيف في كل الشرايح (ٍSlides) بس الأسهل تكون فاضية
- اختار إدراج (Insert) من أعلى الشاشة وبعدين فيديو
- هيظهرلك اختيارين: فيديو أونلاين وفيديو من ملف
- الفيديو الأونلاين هيشتغل لو كان الكمبيوتر متصل بالإنترنت وقت العرض وبيتم استخدامه بطريقتين
- الطريقة الأولى إنك تختار نسخ (Copy) رابط (Link) الفيديو من اليوتيوب وبعدها اختار لصق (Paste) للرابط في الجزء اللي جنب اختيار يوتيوب
- الطريقة التانية إنك تفتح الفيديو وتختار مشاركة (Share) وبعدين تضمين (Embed)
- اعمل نسخ (Copy) للرابط اللي هيظهرلك وبعدها اعمل لصق (Paste) للرابط ده في الجزء اللي جنب اختيار (From a Video Embed Code)
- أو اختار فيديو من ملف (Folder) على الكمبيوتر وحدد الفيديو اللي عايز تستخدمه واختار إدراج (Insert)
- لو هتنقل الفيديو على سي دي أو (USB) انقل الفيديو كمان عشان تقدر تشغله أثناء العرض
- ظبط حجم الفيديو عن طريق تحريكه من الأطراف وممكن تغير الإعدادات الخاصة بيه بإنك تدوس كليك يمين عليه عشان تظبط الصوت وظهور الفيديو وحجمه
- وده من خلال الإعدادات (Settings) والتفضيلات (Preferences)
تحويل ملف باوربوينت لفيديو
- افتح ملف/ File واختار تصدير/Export وبعدها اضغط على إنشاء فيديو/ Create Video
- حدد جودة الفيديو والأحسن تختار Full HD
- اختار عدد الثواني الي هتظهر خلالها كل شريحة على الشاشة وبعدها اضغط على إنشاء فيديو/ Create video
