المحتويات
انسداد الأذن والأصوات المكتومة شيء مزعج وبيسبب التوتر وتأثر المزاج، وغالبا بيزول الانسداد من تلقاء نفسه فى خلال ساعات أو ممكن أيام، لكن ممكن تستعين بعلاجات دوائية ومنزلية بسطية لتوفير راحة سريعة، لكن كأول خطوة لازم تحدد السبب المحتمل للانسداد عشان تختار الإجراء الصح.
أسباب انسداد الأذن
انسداد القناة السمعية
- أو قناة إستاكيوس هي القناة اللي بتربط الأذن الوسطى بالحنجرة، وبيتدفق السايل والمخاط من الأذن لمؤخرة الحلق
-
في بعض الحالات بيعلق السايل أو المخاط فى الأذن الوسطى وبيسد الأذن، وبيصاحبه العدوى زي نزلات البرد أو الإنفلونزا أو التهاب الجيوب الأنفية أو التهاب الأنف التحسسى
- وبيصاحبه بعض الأعراض زي سيلان الأنف والكحة والعطس والتهاب الحلق
- ممكن يحصل احتباس للمياه أو السوايل أثناء السباحة أو الاستحمام
- مهم تروح لدكتور لتصريف السوايل العالقة عشان تجنب العدوى بالبكتيريا أو الجراثيم وتسبب التهاب الأذن
تراكم الشمع داخل الأذن
- الشمع بيحمى الأذن من الأوساخ والأتربة، وبيمنع دخول الملوثات المختلفة إليها
- استخدام قطعة قطن للتنظيف داخل الأذن هي أكتر الأخطاء المسؤولة عن انسداد الأذن، لأنها بتدفع الشمع لجوه أكتر وبتأدي لتراكمه بشكل مزعج
- وبيصاحبه أعراض زي ألم وطنين في الأذن والدوخة
ضغط الهواء
- بعض الأشخاص ممكن يعانوا من انسداد مؤقت للأذن أثناء الغوص أو القيادة فوق الجبل أو الطيران، وده بيرجع للتغيير السريع في ضغط الهواء خارج الجسم
ورم العصب السمعي
- ورم حميد بيظهر على طول العصب القحفي الممتد جوه الأذن الداخلية للمخ، والنوع ده من الأورام عادة بيكون صغير وبطيء في التطور لكنه بيسبب ضغط على الأعصاب في الأذن الداخلية، وبيأدي لانسداد وطنين في الأذن أو فقدان السمع
علاج انسداد الأذن
- حمام البخار.. شغل المياه السخنة في الحمام واقعد 10 -15 دقيقة، والطريقة دي هتساعد في تحويل أي سوايل متصلبة داخل الأذن لحالتها السايلة الطبيعية
- تناول بعض الأدوية زي مضادات الحساسية والالتهاب وأدوية البرد لو مصاب بالإنفلونزا
- استخدم قطرات الأذن الطبية.. الأفضل تكون باستشارة الدكتور
- استعمال زيت الأطفال الدافئ.. وحط نقطة أو اتنين وميل الرأس لحد ما السوايل المتراكمة في الأذن تخرج
- اشرب كمية كافية من السوايل
- خلي رأسك في مستويات مرتفعة
- امضغ لبان أثناء وجودك في أماكن مرتفعة
- تجنب أي حركات مفاجئة زي الوقوف فجأة
- التزم بالزيارة الدورية للدكتور عشان تنظف أذنك من الشمع بشكل صحيح
