الغناء هواية لكتير من الأشخاص ولا يشترط أن تكون صاحب موهبة عشان تمارسه، فهو ليه فوائد كتير للصحة النفسية والعقلية.
فوائد الغناء
- بيحسن حالتك المزاجية لأنه بيحفز إفراز هرمونات زي الإندورفين السيروتونين والدوبامين وبالتالي بتكون أكتر سعادة ورضا عن نفسك
- مفيد لتحسين صحة الرئتين لأنه بيساعدك تتنفس أكتر وبطريقة منظمة أكتر وبالتالي بيوسع سعتها والقدرة على الكلام لمدة أطول، فهو بيستخدم مع الأشخاص اللي بيعانوا من إصابات الرئة أو متعافين كورونا
- بيساعدك على الاسترخاء والتغلب على التوتر خاصة مع التنفس المنتظم والتركيز على التفاصيل البسيطة حواليك
- بيحسن الذاكرة ويقظة المخ والقدرة على التركيز لمدة أطول وفي أكتر من مهمة لأنه بيتطلب عمل أكتر من جزء من المخ مع بعض
- ليه دور في تقليل الآلام لأنه بيساعد على التواصل بين الأشخاص والتعبير عن نفسهم بطريقة مرحة وفيها مشاركة
- بيزود ثقتك في نفسك خاصة عند ممارسته أمام الناس وبيحسن صورتك الذهنية عن نفسك مع الوقت لأن قدراتك بتتحسن
- بيقوي جهاز المناعة وبيشجع الجسم على محاربة الأمراض، فدراسة أثبتت إن الأشخاص اللي بتغني عندهم (immunoglobulin A) وهو جسم مضاد اللي الجسم بيفرزه عشان يقاوم الأمراض
- بيقلل الشخير، فتجربة على الأشخاص اللي بيشخروا بانتظام أثبتت إن هو أو العزف على آلة بيقلل معدل الشخير عندهم
- بيحسن القدرات المتعلقة بالكلام والنطق عند الأشخاص المصابة:
لأنه بيحفز أكتر من جزء من المخ للعمل مع بعض وبالتالي الكلمات بتكون أسهل في النطق والقدرات بتطور مع الوقت
تفسير العلم لحب الغناء أثناء الاستحمام
- وقت الاستحمام هو الدقائق الوحيدة اللي مؤكد بتقضيها لوحدك.. ومع نزول المياه على جسمك بتحس بالاسترخاء
- الدراسات بتقول إن الدوبامين بيزيد مع الاستحمام وبتحس بالسعادة والنشوة وبتزيد مهاراتك الإبداعية وده بيفسر سبب العثور على حل مشكلة أو التخطيط للمستقبل خلال الاستحمام
- حالة الاسترخاء والإبداع بتزوّد إحساس الشخص بالتحقق والثقة وبتخليه يتصرف براحته وبالتالي ممكن يغنّي
- خصوصًا إنك لوحدك وبالتالي سهل تكسر حاجز الخجل اللي ممكن يزيد وقت محاولتك للغناء أمام آخرين
- الموضوع بيحصل في اللاوعي ولكن الشخص بيحس إنه أفضل وقت الغناء لأنه بيتنفس بعمق أكبر
- بتنشط الدورة الدموية في الجسم كله وبالتالي بيزيد النشاط
- الصوت الخارج من فمّك داخل الحمام بيتردد أكتر من مرة لأن سيراميك الحمام مش بيمتص الصوت
- بتستمتع بسماع صوت غنائك داخل الحمام حتى لو صوتك مش حلو لكن بتحس بنبرة مميزة
- العلماء بيأكدوا إنه شعور بيزوّد الثقة بالنفس وبيحس الشخص بالتحقق والإنجاز
تطبيقات للغناء في البيت
(WeSing)
- عليه مقاطع أغاني مجهزة عشان تغنيها كاريوكي وتقدر تشارك التجربة مع أصحابك وتعمل شير ليها في تطبيقات تانية
(Voloco)
- متخصص أكتر لمحترفين الغناء لأنه متخصص أكتر وتقدر تحتفظ بالتسجيلات
(Smule)
- تقدر تعمل دويتو من خلاله مع مغنيين مشاهير وتعمل شعبية من خلاله
(Backtrackit)
- تقدر تسجل الصوت والآلات الموسيقية بشكل منفصل وتشتغل على تناغمهم بعد كده
(Tunewiki)
- عليه كلمات أغاني كتير بلغات مختلفة تقدر تشوفها من خلاله وتغني معاها
(MusixMatch)
- عليه كمية كبيرة من الأغاني اللي تقدر تغني مع ألحانها وتسجل لنفسك وتشاركها مع الآخري
(Sing Play)
- تقدر تغني وتسجل وتشاركها مع الآخرين وتضيف التعديلات اللي عايزها
(Karaoke)
- عليه كل المميزات اللي ممكن تحتاجها في الكاريوكي أو تسجل من خلاله الصوت بس