المحتويات
التسجيل في تكافل وكرامة من الخطوات اللي هتساعد أسر كتير تحت خط الفقر على تحمّل أعباء الحياة وتوفير الاحتياجات الأساسية للأسر اللي بتفتقد لأي دخل شهري ثابت ومش بتتقاضى أي معاش تأميني أو ضمان اجتماعي.
التعريف بمشروع تكافل وكرامة
- هو مشروع بيقدم تحويلات نقدية مشروطة بيعمل تحت إدارة وزارة التضامن الاجتماعي تحت مظلة شبكات الأمان الاجتماعي
- هدفه تحسين مؤشرات تنمية الأسرة من خلال بعض الشروط زي الرعاية الصحية للطفل والصحة الإنجابية للأم
- بيستهدف التأكد من الحاق الأطفال (سواء الذكور أو الإناث) بالتعليم واهتمام الأسرة بتغذية الطفل
- خبراء داخل الوزارة ومشتركين في المشروع مهمتهم التأكد من استيفاء الحاصلين على المعاش للشروط والتزامهم بيها
الفئات المستحقة للحصول على الدعم المادي
- الشباب
- المسنين
- السيدات
- ذوي الإعاقة
- الأطفال
- الأسر
شروط التسجيل في تكافل وكرامة
- عدم وجود زوج أو زوجة أو فرد في الأسرة المتقدمة بيشتغل في الحكومة بأجر أكبر من 400 جنيه أو بياخد أي معاش تأميني أو مساعدة تضامنية
- يكون للأسرة المتقدمة طفل (حديث الولادة ولحد 18 سنة) وكمان لازم يكون الطفل أو كل الأطفال بيتعلموا في المدارس
- أي شخص مسن لازم يكون متجاوز سن 65 سنة
- ذوي الاحتياجات الخاصة لازم يكون عندهم مرض مزمن أو قدرات معينة بتمنعهم من الحركة أو العمل
- الأيتام اللي مش بينالوا رعاية الأقارب حتى الدرجة التانية
موانع التسجيل في تكافل وكرامة
- امتلاك محل تجاري أو أكتر (سواء مسجل أو غير مسجل)
- إيجار أراضي زراعية (فدان أو أكتر)
- ملكية أرض زراعية (نصف فدان أو أكتر)
- ملكية رؤوس ماشية (3 أو أكتر)
- العمل في القطاع الخاص أو العام أو الحكومى حتى لو بدون إشتراك تأمينى بدخل شهرى يعادل 1600 جنيه أو أكتر (للأسرة المكوّنة من 4 أفراد)
- امتلاك أو الشراكة في أي مشروعات خاصة (سواء مسجلة أو لأ)
- حصول الشخص على معاش شرطة أو جيش أو حكومي أو خاص عن شخصه أو بيستفيد من قيمة معاش أكبر من 500 جنيه
- السفر لخارج البلاد (في أي فترة من حياة المتقدم للاستفادة من المشروع)
- مصروفات دراسية للطفل الواحد في الأسرة أكتر من 3000 جنيه سنويًا
- امتلاك أي آلات أو معدات ثقيلة زي خلاط بناء أو لودر
أسباب تجميد طلب الحصول على المعاش
- مرور 3 شهور على خروج الشخص أو رب الأسرة من السجن
- عدم الاستدلال على الأسرة في نطاق الوحدة الاجتماعية
المستندات المطلوبة
- صور بطاقة الرقم القومي لأفراد الأسرة اللي سنهم فوق الـ 18 سنة
- لازم تبقى البطاقات سارية والعنوان المحدد على مكان السكن الحالي مش أي مكان تاني
- قسيمة الزواج أو الطلاق
- شهادة ميلاد مميكنة لجميع أفراد الأسرة (أقل من 18 سنة)
- صورة بطاقة التموين المميكنة إن وجدت
- شهادة القيد من مدارس الأطفال وشهادة قيد من الجامعة للطلاب المقيدين في جامعات
- صورة إقرار الوصاية للأيتام
- شهادات الوفاة للزوج أو الزوجة (الأصل للإطلاع وضروري يكون معاك صورة منها)
- شهادة السجن لحالات سجن الأب أو الأم
طريقة التسجيل في مشروع تكافل وكرامة
- بتجهز كل المستندات المطلوبة وبتروح لأقرب وحدة اجتماعية تابعة لمحل السكن
- بتدخل على الرابط ده عشان تستعلم عليه عن حالة التسجيل عن طريقة كتابة رقمك القومي وبتضغط على استعلام
- ولو عايز تقدّم شكوى بتضغط على رمز تسجيل الشكوى
