المحتويات
السكر الدايت من الأشياء اللي الناس بتلجأ ليها أثناء محاولات إنقاص الوزن أو في حالة الإصابة بداء السكري، ولكن في أنواع منه مضرة للجسم وبتسبب مشاكل صحية.
أنواع السكر الدايت
سكر الفركتوز (سكر الفاكهة)
- طعمه حلو عن السكر العادي وبالتالي لازم تستخدمه بكميات أقل
- بديل للسكر العادي لو عامل دايت
- الدراسات أثبتت إن استخدامه كتير ولفترات طويلة بيسبب إرهاق الكبد وخلل إنزيماته
- بيسبب الشعور بالجوع وارتفاع ضغط الدم وتحفيز الكبد على إنتاج دهون ثلاثية
- زيادة خطر الإصابة بأمراض القلب والأوعية الدموية وبيأثر على الذاكرة
سكر نبات ستيفيا
- موجود في شكل سايل وأوراق وحبوب
- مش بيرفع مستوى السكر في الدم ولا يتحول لدهون في الجسم
- مناسب لمرضى السكر ولنزول الوزن ولكن بكميات معقولة
- طعمه مختلف عن الأنواع التانية بسيط
سكر جوز الهند
- نوع طبيعي ومفيد للجسم
- غني بالألياف اللي بتساعد على الهضم ومفيد لبكتيريا الأمعاء النافعة
- فيه نسبة قليلة من سكر الفركتوز مقارنة بالسكر الأبيض
- بيحسن مستويات الطاقة في الجسم وبيظبط ضغط الدم
- مؤشر جلايسيمي ليه (اللي بيقيس نسبة الكربوهيدرات بناء على ارتفاع مستوى السكر في الدم بعد تناول الأكل) بيوصل لنص مؤشر جلايسيمي للسكر الأبيض
سكر القيقب (ميبل سيرب)
- بيتكون من السوايل الموجودة في شجرة القيقب
- بديل صحي للسكر العادي
- فيه معادن وفيتامينات ومضاد للأكسدة وبالتالي حماية الجسم من الأمراض التأكسدية اللي بتسبب السرطان
- نسبة السكر فيه عالية فمهم تستخدمه بتوازن.. معلقة صغيرة في اليوم
الأسبارتم
واحد من أنواع المحليات الصناعية وأكتر حلاوة من السكر العادي 200 مرة وموجود كبديل للسكر في كتير من الأطعمة والمشروبات
في مخاوف صحية مرتبطة بيه زي:
- الحساسية
- تلف الكبد
- السرطان
السكرين
- من ضمن أنواع المحليات الصناعية وبيدخل في كتير من المصنوعات زي المخبوزات واللبان والمستحضرات الطبية وبعض الأدوية
- دراسات كتير أثبتت إنه بيعلي خطر الإصابة بسرطان المثانة، وحذروا من استخدامه
- بعد كده حصل إعادة تقييم قامت بيه اللجنة العلمية الأوربية للأغذية حول سلامته واللي أثبت إنه آمن على صحة الإنسان
- بالرغم من كل ده.. الأطباء مازالوا بيحذروا من استخدامه وبيمنع استخدامه على كل من الرضع والحوامل والأطفال خوفا من ظهور أي رد فعل تحسسي
السوربيتول
- محلى صناعي منخفض السعرات الحرارية ومشتق من الجلوكوز، وموجد في شكل مسحوق أو سايل وموجود بشكل طبيعي في بعض الاطعمة زي التفاح والكمترى
- أكتر حلاوة من السكر العادي بحوالي 60% وفيه سعرات حرارية أقل بـ30%
- تناول 50 جم منه ممكن يسبب الإسهال والغازات وانتفاخ المعدة
السكرالوز
- من المحليات الصناعية المستخدمة بتكرار وهو مشتق من الجلوكوز وأكتر حلاوة من السكر العادي بحوالي 650 مرة
- بيدخل في العديد من الصناعات زي المشروبات الغازية واللبان والمخبوزات الجاهزة
- بسبب طعمه الحلو، مش بيستخدم لوحده وبيتم خلطه مع مادة تانية زي الـ(Dextrose) وبيكون تحت اسم تجاري سبليندا (Splenda)
- أثناء الهضم، بيتم التخلص من كمية كبيرة منه بشكل طبيعي مع وجود حوالي 8-20% منه في الدورة الدموية واللي بيتم التخلص منه في البول
- بعض التقارير ربطت بين استهلاكه وبين الإصابة بالصداع النصفي واضطرابات جهاز المناعة، ودراسات تانية أثبتت إن الاستهلاك المتكرر ليه بتسبب تراكمه في الجسم
زيليتول (Xylitol)
- محلى منخفض السعرات الحرارية وبيتم استخراجه من مجموعة نباتات، وموجود بشكل طبيعي في بعض الأطعمة زي البروكلي والخوخ والفراولة والقرنبيط
- فيه سعرات حرارية أقل بحوالي 30% عن السكر العادي وبيدخل في الصناعات الغذائية والطبية
- بيتم امتصاصه بشكل جزئي في الأمعاء وبيتحول لجلوكوز في الكبد
- تناوله بكميات كبيرة بيسبب احتباس المياه في الجسم والإسهال والانتفاخ والغازات
- استخدامه يوميا بيزود فرص الإصابة بداء السكري وأمراض القلب والأوعية الدموية
أضرار السكر الدايت
- كتير من المحليات الصناعية بيتم استخدامها كبديل للسكر في حالة الرغبة في إنقاص الوزن لأن سعراتها الحرارية أقل، لكم الدراسات أثبتت إنه ليه أضرار صحية زي:
- المحليات الصناعية فيها مواد كيميائية بتزود خطر الإصابة بأمراض خطيرة زي السرطان/ أمراض الجهاز العصبي/ ارتفاع الكوليسترول في الجسم/ تغيير نظام تعامل الكبد مع الدهون
- وأثبتت إنها بتزود الميل للسكريات وبالتالي زيادة الوزن
- التجارب أثبتت إن استخدامها الدايم بيسبب الانتفاخ والإسهال وألم المعدة المصاحب بالغازات
- دراسة تانية أثبتت إنه بيسبب اضطراب في ميتابوليزم الجسم وأمراض القلب والحصول عليه من المشروبات الغازية الخالية من السكر بيعلي خطر الإصابة بداء السكري حوالي 120%
- وبيعلي خطر الإصابة بمتلازمة الأيض بحوالي 34% وهي مرتبطة بأمراض القلب واضطراب بكتيريا المعدة والحساسية تجاه اللاكتوز
- استخدامه في المخبوزات والأطعمة بيفتح شهيتك وبالتالي زيادة الوزن
- الدراسات أثبتت إن بعض الأنواع زي السبلندا بتتفاعل مع المكونات التانية عند التعرض للحرارة وبتنتج مادة الـ(Chloropropanols) اللي بتعلي خطر الإصابة بالسرطان
- بعض الأنواع فيها مادة الأسبرتام اللي بتغير في وظايف بعض الخلايا وبالتالي اضطراب الجسم وبيقلل امتصاص الجسم لبعض الأدوية
