وضعية النوم مع شريكك: أنواعها وفوائدها للعلاقة

وضعية النوم مع شريكك بتعبر عن طبيعة العلاقة بينكم وعن مشاعر أو أفكار مختلفة، وكل وضعية ليها فوائد صحية بتأثر عليكم وبتحسن جودة النوم في حالة الانتظام عليها، فممكن تختار الأنسب ليك وللطرف التاني.

وضع المعلقة (Spoon)

• هو الوضع الأكتر انتشارا بين الأزواج وبيعتمد على احتضان طرف للطرف التاني من الخلف مع وضع إيده على منطقة الوسط، واتجاه الوجهين بيكون في نفس الاتجاه
• علماء النفس قالوا إنه الوضع ده بيسبب الشعور بالأمان للطرفين، ومناسب للأشخاص اللي بيعانوا من ضيق أو انقطاع التنفس أثناء النوم
• بيقلل آلام الجسم الصبح وشد العضلات الناتج عن النوم
• ممكن يسبب آلام الركبتين والمفاصل نتيجة لتني الساقين

المعلقة المنفصلة (Loose Spoon)

• بيسبب الشعور بالاسترخاء والحميمية
• الوضع ده بيعتمد على الاحتضان بصورة أقل أو أبعد بين الطرفين لترك مسافة للنوم والتنفس بارتياح وحرية الحركة
• العلماء أكدوا إنه لا يقل أهمية عن وضع المعلقة وبيسبب نفس درجة التقارب والأمان للطرفين
• بيدل على نضوج العلاقة

وضع المطاردة (Chasing Spoon)

• وضع المعلقة بيكون في منتصف السرير لكن وضع المطاردة بيعتمد على تحرك طرف لجانب السرير واحتضان الطرف التاني ليه
• بعض العلماء ربطوا بينه وبين احتمالية وجود خلافات بين الطرفين

وجها لوجه مع التلامس (Face to Face Touching)

• بيعتمد على التلامس بين الطرفين مع وجود الرأسين في نفس المستوى
• الوضع ده بيعبر عن الارتياح الشديد والسعادة بين الطرفين ولكنه نادر لصعوبة تحمل نفس الطرف التاني لمدة 8 ساعات النوم

وضعية النوم وجها لوجه بدون تلامس

• العلماء ربطوا بين الوضع ده وبين اضطراب العلاقة بين الطرفين
• نصحوا بمناقشة مشاكل العلاقة قبل ما تعمل حاجز أكبر

الاتجاه المعاكس

• من أكتر وضعيات النوم مع شريكك راحة وبتحافظ على التقارب بينكم
• مناسب للأشخاص اللي بيفضلوا النوم على جنبهم مع عدم الرغبة في مواجهة الطرف التاني
• في وضع تاني مشابه ليه لكن بدون تلامس بيعبر عن استقلالية الطرفين في العلاقة ولكن في حالة الانتقال من النوم في وضع أكتر حميمية للوضع ده، دي علامة على اضطراب العلاقة

وضعية النوم Cradle

• هو نوم طرف على صدر الطرف التاني مع احتضان إيدين وساقين الطرفين لبعض
• وضع بيعبر عن الأمان مع الشعور بالشغف والحميمية
• التلامس الجلدي بين الطرفين بيساعد على إفراز هرمون الأوكسيتوسين (هرمون الحب)

Cliffhanger

هو نوم كل طرف على جانب من السرير بدون أي تلامس، وبالرغم من إن العلماء قالوا إنه مش دليل على اضطراب العلاقة إلا إن بعض استطلاعات الرأي على الأزواج أثبتت إنه علامة على ابتعاد الطرفين عن بعض

وضعية النوم مع شريكك في شكل  Paper Dolls

• نوم كل طرف على ضهره مع التلامس عن طريق ضهر الإيد أو آخر الساقين
• مناسب للأشخاص اللي بيعانوا من مشاكل في الدورة الدموية أو ألم الضهر

Tetherball

• مناسب للأشخاص اللي بيفضلوا يناموا في أوضاع مختلفة بحرية مع الاحتفاظ ببعض التلامس والحميمة مع الطرف التاني
• بيعتمد على نوم طرف في وضع مضموم والطرف التاني على ضهره مع لمس أي جزء من جسم الطرف الأول
• دراسة بريطانية أثبتت إن أقل تلامس بين الأزواج أثناء النوم بيقوي العلاقة بينهم وبيزود شعورهم بالسعادة

احتضان الساق (Leg Hug)

• بيعتمد على احتضان طرف للطرف التاني عن طريق تلامس الساقين أو احتضانهم لبعض
• لو في رغبة للطرفين على النوم في الوضع ده تبقى دي علاقة صحية، لكن لو شخص واحد بس اللي بيفضلها أو بيحب يمارسها مع تجاهل الطرف التاني فممكن تكون علامة اضطراب علاقة

التشابك (Tangle)

• الوضع ده بيظهر أكتر في بداية العلاقة أو بعد ممارسة الجنس
• بيعتمد على مواجهة الطرفين لبعض واحتضانهم بشكل متقارب وجها لوجه

وضعية النوم Unraveling Knot

• بيعتمد على بداية النوم بوضع التشابك لمدة معينة وبعدين حرية اختيار الوضع الأريح للنوم بعدها
• فوائدها متساوية لفوائد وضع التشابك مع درجة أقل من التلامس

وضعية النوم مع شريكك Fetal

• بيعتمد على نوم الطرفين في وضع الجنين على جانب من السرير والوجهين في نفس أو عكس الاتجاه
• غير مريح للعمود الفقري وبيسبب شد عضلات الجسم وبيضغط على منطقة البطن

النوم على الكتف (Head on Other’s Shoulder)

• بيعتمد على نوم طرف على كتف الطرف التاني
• فيه درجة كبيرة من الحميمية والتقارب وبيدل على احتضان طرف للطرف التاني بشكل أكبر
  

  ---