المحتويات
الشوفان من أفضل الحبوب لأنه غني بالعناصر الغذائية المفيدة للجسم، بيحتوي على كربوهيدرات معقدة وبروتينات نباتية بالإضافة لمجموعة من المعادن والفيتامينات المهمة ومضادات أكسدة، بيدخل أكتر في وجبات الفطار بدل حبوب الدرة (الكورن فليكس) لأنها مليانة سكر، لكن ممكن تعمله بوصفات مختلفة.
كوكيز بالشوفان
المكونات
- كوبايتين شوفان
- كوباية ونص دقيق
- كوباية زبدة
- معلقة صغيرة ملح
- تلت أربع كوباية سكر بني
- نص كوباية سكر
- معلقة صغيرة فانيليا
- بيضة
- معلقة صغيرة بيكربونات الصوديوم
- كوبايتين رقائق شوكولاتة
- معلقة صغيرة قرفة
الطريقة
- اخفق الزبدة والسكر البني والأبيض
- ضيف البيض والفانيليا واخلط كويس
- اخلط الدقيق مع بيكربونات الصوديوم والملح وضيفهم على خليط الزبدة
- ضيف باقي المكونات
- شكل العجينة لكرات بنفس الحجم ووزعها في صينية عليها ورق زبدة
- سيب مسافة بين الكوكيز عشان ماتلزقش في بعضها أثناء التسوية
- دخل الكوكيز الفرن لمدة 15 دقيقة لحد ما يبقى لونها دهبي
الشوفان بالجزر
المكونات
- كوبايتين شوفان
- معلقتين كبار عسل
- كوباية جزر مبشور
- معلقتين كبار عين جمل مفروم
- معلقة صغيرة فانيليا
- كوباية لبن (ممكن تستبدله بحليب اللوز أو جوز الهند)
- معلقة صغيرة قرفة
- معلقتين كبار زبيب
- ربع معلقة صغيرة جنزبيل فريش مبشور
- رشة ملح
- معلقة كبيرة جوز هند
الطريقة
- حط اللبن مع القرفة والجنزبيل والقرفة والملح على نار متوسطة
- ضيف باقي المكونات مع نص كمية الزبيب وعين الجمل
- وزع الخليط في قوالب للتقديم ورش باقي كمية الزبيب وعين الجمل بالتساوي
الفراخ بالشوفان والبارميزان
المكونات
- كيلو صدور فراخ
- كوباية شوفان
- معلقة صغيرة بابريكا
- نص كوباية جبنة بارميزان
- ملح وفلفل أسود
- كوباية زيت زيتون
- فصين توم
- نص معلقة صغيرة زعتر
الطريقة
- في الخلاط الكهربائي.. اخلط المكونات الجافة كويس
- اغمس صدور الفراخ في زيت الزيتون وبعد كده في الخليط السابق
- رص قطع الفراخ في صينية ودخلها الفرن لمدة 15 دقيقة أو لحد ما يبقى لونها دهبي
شوربة الطماطم بالشوفان
المكونات
- 3 حبات طماطم
- كوباية شوفان
- 4 معالق صلصة
- بصلة كبيرة مفرومة
- معلقة كبيرة زيت
- 6 كوبايات شوربة
- ملح وفلفل أسود
الطريقة
- قطع الطماطم مكعبات صغيرة
- شوح البصل والطماطم في الزيت على نار هادية
- تبل بالملح والفلفل الأسود
- ضيف الشوربة.. وبعد ما تغلي ضيف الشوفان وسيبها تغلي لمدة 10 دقايق
