المحتويات
البنج هو عبارة عن دواء بيساعد المريض على فقدان الإحساس بالألم أو تخفيفه قدر المستطاع أثناء إجراء جراحة أو استخدام أدوات طبية لاختراق أنسجة عضو معيّن، وأحيانًا بيبقى بنج موضعي أو كلي حسب الحالة، ومدة انسحابه من الجسم بتختلف حسب نوعه.
أنواع التخدير
- الكلي وهو الطريقة المنتشرة في كتير من الجراحات عن طريق حقن أو غاز بيستنشقه المريض بيفقد الوعي تمامًا وبيقدر الطبيب يجري الجراحة بعدها
- الناحي وهو عزل منطقة معيّنة عن باقي الجسم عن طريق حقنها بطريقة معينة لعزل كتلة من الأعصاب كأنها خارج الجسم
- الموضعي وبيقدر فيها الطبيب يخدر جزء صغير من جسم المريض سواء عن طريق حقنة أو كريم موضعي حسب الحالة
مدة خروج البنج من الجسم
- الموضوع بيحصل بناء على كمية البنج اللي بياخدها الشخص حسب المدة المتوقعة للعملية
- على سبيل المثال مدة عملية الولادة القيصرية أقل من القلب المفتوح وبالتالي بتحتاج كمية بنج أقل وبيستغرق خروج البنج من الجسم وقت أقصر
- العامل الأهم هو نوع البنج المستخدم بتتحدد المدة المستغرقة للوقوع تحت تأثيره
- البنج اللي بيظهر في شكل مسكنات الألم الوريدية بيخرج من الجسم بعد 8 ساعات
- الإحصار العصبي أو الـ Nerve Block بيخرج من الجسم بعد مدة 12 لـ 24 ساعة اللي بيحصل لتخدير أعصاب محيطة بمنطقة معينة لمنع الإحساس بالألم فيها
- أما الإحصار النخاعي بيخرج من الجسم بعد مدة من 24 لـ 48 ساعة وهو من الطرق المنتشرة لاسترخاء العضلات وتقليل كمية الدم المفقود عن باقي طرق التخدير والحقن بيحصل في منطقة أسفل العمود الفقري مباشرة
- أما التخدير فوق الجافية بيعتبر أطول فترة تخدير وبيفضل المريض تحت تأثير البنج لمدة بتتراوح بين 4 لـ 5 أيام وهو بيساعد على تخفيف الألم بشكل كبير أثناء استيقاظ المريض وعدم تعرضه للتخدير الكامل
- بيتحقن أسفل العمود الفقري وبالتالي بيحس الشخص بتخدير كامل في المنطقة دي مستمر لفترة
أعراض وجود المخدر في الجسم
أعراض قصيرة
- القيء والغثيان
- جفاف الفم والتهاب الحلق
- القشعريرة وآلام العضلات والشعور بالبرد
- الدوار تحديدًا وقت الوقوف أو المشي مع صعوبة التبول
الأعراض الطويلة
- مشاكل في الذاكرة
- هذيان
- ارتباك وصعوبة في تذكر التفاصيل
طرد البنج من الجسم بطرق طبيعية
- الخبراء بيأكدوا إن بعض الأطعمة بتساعد على طرد المخدر بسرعة
- الأكلات الغنية بالزنك والمغنسيوم فيتامينات سي وفيتامين ب دورهم أساسي في التخلص من آثار البنج الجانبية
- منها القرفة والتوم والبصل وصفار البيض وبعض الألياف زي الكمترى ونخالة الشوفان والفاصوليا والتفاح والبقوليات
- بجانب الخضروات زي البروكلي والخرشوف والبنجر والجزر
- الخبراء بيأكدوا إن بعض الأعشاب دورها أساسي في التخلص من آثار البنج السلبية زي الشمندر وشاي الهندباء وبذور العنب
- تجنب الأطعمة اللي بتزود فرص تخزين المخدر في الجسم ومنها البروتينات الموجودة في اللحوم ومنتجات الألبان والسكريات والدهون المشبعة
- افتكر إن البطاطس والطماطم والباذنجان فيهم مادة اسمها Glycoalkaloids بتأخر تكسير
المركبات الكيميائية المخدرة - الدراسات بتأكد إن شرب المياه بكميات كبيرة بيقلل تركيزه في الجسم والأحسن تشرب كوباية مياه كبيرة كل ساعة
