المحتويات
مرايات الحمام من القطع اللي لا يمكن الاستغناء عنها، لأنها بتضيف وسع للمكان وبتبرز شكله ولونه، واختيار الشكل المناسب لحمامك بيكون وفقا لمجموعة نصائح بسيطة.
نصائح عامة لاختيار مرايات الحمام
حجم المرايا
اختار حجم متناسق مع حجم الخزانة والحوض، ولازم عرضهم يكون متساوي أو عرض المرايا يكون أقل بحوالي 20-30% عشان شكلها يكون متناسق
ارتفاع المرايا
- أفضل ارتفاع ليها هي 30 سم أعلى أو أسفل خط الرؤية للشخص اللي بيستخدمها، ولما الارتفاع بيزيد بيكون أفضل لأنه بيعزز الإحساس بمساحة المكان
- المسافة الأنسب هي 120-215 سم من سطح الأرض
مرايات قطعة واحدة أو قطعتين
- لو رخامة الحمام فيها حوضين.. ممكن تختار واحدة فيها قطعتين بقطعة فوق كل حوض أو مرايا كبيرة للحوضين
- المرايا الطويلة العمودية بتمنح نظرة عمودية للمكان ومناسب للحمامات اللي سقفها عالي، وبتخلي المكان منفتح أكتر بسبب الحوائط المتقابلة مع المرايا
الأباليك
- لو عايز تحط أباليك.. اختار مرايا حمام أصغر عشان يكون في مساحة كافية في الجانبين
- لازم المراية تكون 60-70% من حجم حوض الحمام ووزع باقي المساحة على الجانبين للأباليك
أنواع المرايات
مرايات للحمام بالكامل
- في الحالة دي.. بتتجاهل مساحة حوض أو خزانة الحمام وبتختار مرايا بمساحة الحمام بالكامل، واللي بتغطي الحائط بشكل كامل من السقف
- بتحتاج حمام مساحته كبيرة وبتضيف مساحة أفقية للمكان
بإطار أو من غير إطار
- اختيار الأنواع الخالية من الإطارات هو النوع الأكتر انتشارا، لأنها أنيقة وغير مكلفة ومظهرها مودرن ومناسبة للحمامات البسيطة أو اللي فيها نقشات كتير
- الإطار الدقيق مناسب للحمامات الصغيرة والأنواع الفخمة لا تناسب الحمامات البسيطة لأن بتخلي شكلها باهت، ومهم لون الإطار ونوعه يتناسق مع نقشة السيراميك ولونه
مرايات الحمام داخل السيراميك
- في أنواع بيتم تركيبها داخل السيراميك نفسه، فهي هتوفر مساحة في المكان وهتكون محاطة بنقشة السيراميك نفسه وده بيكون شكله مميز
- هيوفرلك مساحة تستغلها للأرفف المعلقة أو دولاب التخزين
المرايات الدائرية
- حوافها ناعمة وبتضيف استرخاء للمكان، ومناسبة للسيراميك اللي فيه تفاصيل كتير أو ورق حائط
- مناسبة لأحواض القاعدة الطولية
مرايا خزائن الأدوية
- مناسبة للحمامات الصغيرة لأنها بتوفر مكان للتخزين
- بتكون قريبة جدا من الوجه وممكن تضيف مصادر إضاءة أسفلها أو أعلاها
مرايات الحمامات المعلقة
مناسبة للحمامات غير التقليدية أو اللي مساحتها صغيرة، فممكن تعلقها من السقف أو في إطار الشباك
مرايات الحمام المضيئة
- اختيار أنيق وعملي وبيسمح باستخدام مرايا الحمام لأنشطة مختلفة
- بتوفر ضوء خافت وبالتالي مناسبة لاستخدامها بالليل
