المحتويات
سماعات جديدة ليك أو لطفلك هي مصدر سعادة خصوصًا لو جودتها عالية ومريحة وقادر على استخدامها بسهولة لأن السماعات أصبحت جزء أساسي من استخدامنا للكومبيوتر أو الموبايل، سواء للدراسة أو الشغل خصوصًا عن بعد أو حتى في أوقات الترفيه للاستماع للموسيقى والأغاني والأفلام.
نصائح لاختيار سماعات جديدة
للكبار
- حدد احتياجك بين (Headphones/ Earbuds)
- الـ Earbuds أفضل للمكالمات والموبايل أكتر والـ Headphones مناسبة للاب توب أكتر
- ركز على عازل الصوت في السماعة عشان تضمن استخدام كويس في الأماكن الدوشة زي المواصلات
- السماعات الأصلية وتكلفتها العالية بتعيش أكتر من الرخيصة والمقلدة
- جرب السماعة على تليفونك عشان تتأكد إنها مناسبة
- ضروري تعمل مكالمة تجربة بالسماعة عشان تتأكد إن المايك بجودة عالية
- لو موبايلك فيه مخرج 5mm اعرف إن السماعة السلكية أفضل لأن جودتها أحسن وسعرها أرخص ومش هتحتاج شحن
- لو هتشتري سماعة بلوتوث.. اختار البطارية الأكبر لأن في سماعات بتفصل بعد 3 ساعات ومش عملية
- كوفر السماعة اللي بيدخل الأذن يكون بمقاسات مختلفة عشان تتناسب مع أذنك
- شوف الريفيوهات قبل ما تشتري أي سماعة عشان تتأكد من مميزاتها وعيوبها
للأطفال
- اختار سماعة بتتركب على الرأس وابعد عن السماعات اللي بتتحط داخل الأذن
- ركز إن الجزء المتصل بالرأس يبقى مطاطي ومرن خصوصًا لو طفلك بينمو بسرعة
- اتأكد إن إعدادات السماعة مش بتسمح بتجاوز الحد الأقصى للصوت
- اختار سماعات خفيفة الوزن والجزء المتصل بالأذن يبقى جلد
- خلي طفلك يجرّبها عشان يتأكد إنها مريحة
- اختار سماعة سلكها طويل عشان تسهّل حركته بيها
- ابعد عن السماعات اللاسلكية لأنها بتأثر على نمو المخ مع الوقت
- خلي السماعة مرنة وقت عدم استخدامها عشان يقدر يتحرك بيها من مكان للتاني
- بعض الأنواع من السماعات بتطّبق أكتر من مرة وبالتالي بيصغر حجم تخزينها
- اختار سماعة سعرها معقول لأنها ممكن تتلف بسرعة نتيجة لعب طفلك بيها
التأكد من جودة السماعات عن طريق التجربة
- اسمع أغاني فيها (Pitch) عالي زي الجيتار والدرامز و(Pitch) منخفض زي البيانو والكمنجة
- اتأكد إنك قادر تسمع كل الآلات الموسيقية بوضوح وإن الصوت خالي من الدوشة
- اختار موسيقى فيها نوعين الـ(Pitches) وشوف لو قادر تسمع وتفرق بينهم بوضوح
- وطي وعلي الصوت وشوف لو قادر تسمع الآلات بوضوح في مختلف الدرجات خاصة درجة الصوت المريحة
- لو قادر تسمع الأصوات العالية بوضوح أكتر من الأصوات المنخفضة.. يبقى جودتها قليلة
- اتأكد من عدم وجود أصوات غير مريحة أثناء الاستماع للموسيقى الهادية
- اختار المقاس المناسب لأذنك والـ (Earbuds) الخفيفة اللي صعب تقع واختار النوع اللي الصوت المسموع منه للآخرين قليل عشان تتجنب إزعاجهم
- ادخل على رابط معيّن عشان تتأكد من كل الخصائص دي في كل جانب منها
الحفاظ على العمر الافتراضي للسماعات
- خليها في علبة مقفولة ولفها في دايرة واسعة بعد ما تستخدمها
- بلاش تحطها في جيبك أو شنطتك عشان ممكن تضغط على السلوك وتتلفها
- نضفها كل فترة بفرشة أسنان جافة.. أي تراكم للشمع من ودنك داخلها ممكن يحجب الصوت
- لما تنتهي من استخدامها شيلها من المقبض البلاستيكي وبلاش تشدها من السلك واسحب ببطء وبلاش تحطها أو تشيلها بحركة سريعة
- خلي السلك مفرود دايمًا وابعده عن الاشتباك بأسلاك تانية
- اسمع قدر المستطاع المقاطع الصوتية أو الفيديوهات بجودة عالية
- الخبراء بيأكدوا إن المقاطع الصوتية منخفضة الجودة مع الوقت بتأثر على جودة السماعة
- ابعدها عن المياه لأن أي تسريب ممكن يسبب مشكلة وبلاش تعلي الصوت للآخر
- افتكر إن السماعة للاستخدام الشخصي فقط وبلاش تخلي حد يستعملها مكانك
كيفية منع سماعات الأذن من السقوط
- بتسقط سماعات الأذن بعد مدة بسيطة من استخدامنا ليها لأسباب كتير سواء من السمّاعة أو من شكل الأذن الخارجي
- كبر حجم الأذن نفسها أو فتحتها بيصعّب دخول السماعات بإحكام أو استخدامها لمدة طويلة
- حجم السماعة الواحدة مستحيل يبقى مناسب لكل أشكال وأحجام الأذن
- تحريك الفك بيغير شكل القناة السمعية لمدة مؤقتة وممكن يدفع السماعة للخروج من الأذن
- متلازمة نقص غضروف الأذن بتقلل فرص ثبات السماعة في الأذن لمدة طويلة
- تراكم الشمع بيخلي القناة السمعية أكثر دهنية وبالتالي بتزيد سهولة سقوط السماعات
- اقلب السماعة بالعكس ولف السلك خلف الأذن عشان تثبت أكتر
- امسك شحمة الأذن ونزّلها لتحت عشان السماعة تثبت داخل الأذن
- ممكن تضيف للسماعة قطعة مطاطية عشان تسهل دخولها
- اختار القطعة المطاطية المناسبة لحجم أذنك
- بلاش تستخدم عيدان القطن لأنها هتدفع الشمع للتراكم عند طبلة الأذن
- هتزود إحساس عدم الراحة وقت تركيب السماعة اللي ممكن تدفع الشمع للداخل أكتر وتسبب ضرر
- اتأكد من نضافة السماعة وامسح أي زيوت أو دهون وبقايا شمع عليها
- اشتري سماعات لاسلكية لو الموضوع بيتكرر معاك بس بلاش تلبسها طول الوقت عشان تقلل أضراره
- استخدم سماعات بشريط الرقبة المصصمة للجري والرياضة لأنها بتثبت حوالين رقبتك من الخلف وبتقل فرص سقوطها
