المحتويات
حوض مطبخ بحجم مناسب أساسي في كل بيت لأنك لو اشتريت وركّبت حوض أصغر من الحجم المناسب أو حتى مصنوع من مادة مختلفة هيبقى صعب تغيّره وهتحتاج وقت وفلوس ومجهود كبير عشان تستبدله بحوض مناسب، وبالتالي ضروري نختار الحوض المناسب ليك من البداية.
نصائح لاختيار الحوض المناسب
- أحواض المطبخ ليها أشكال ومقاسات مختلفة فمهم تختار المقاس المناسب لحجم المطبخ
- لو مطبخ صغير وتجنب الحوض الكبير لأنه هياخد منه مساحة كبيرة وهيصغر حجمه
- أنواع الأحواض هي الرخام والجرانيت والستانلس ستيل
- الستانلس ستيل بيليق على كل الأشكال بس لو رخام أو جرانيت لازم تختار لونه متناسق مع المطبخ
- اختار طبقا للميزانية لأن الأحواض الرخام أو الجرانيت أغلى من الستانلس ستيل وبتحتاج لعناية أكتر
- بتختلف أنواع الأحواض حسب طريقة التركيب:
- نوع بحافة فوق الرخام وصعب الاستخدام لأن المياه حوالين الحوض صعب تنزل فيه
- أو نوع حافته بتحتاج تتنضف يوميا لأن تراكم المياه عليها بيسبب نمو البكتيريا
- نوع حافته متساوية مع الرخامة ومع الوقت ممكن الفاصل اللي بينه وبين الرخامة يتفك
- النوع بحافة تحت الرخام وهو أسهل الأنواع في الاستخدام وبيحتاج لدقة في التركيب
أشكال أحواض المطبخ
- حوض بعين واحدة وفيه منه أكتر من مقاس على حسب حجم المطبخ وهو نوع سهل التنضيف وبيستوعب كمية أكبر من الأطباق ومناسب لو عدد الأشخاص في البيت كبير ومحتاج توفر مكان جنبه لتصفية الأطباق
- نوع حوض بعينين مختلفة الأحجام: بيسهل القيام بأكتر من حاجة في نفس الوقت زي غسل الأطباق/ غسل الخضار وبيسهل عملية فصل الأطباق أثناء غسلها بالصابون والمياه
- حوض مطبخ بعينين نفس الحجم لو بيزعجك عدم تساوي الأحجام فده مناسب ليك وفي منه الشكل المستطيل أو الدائري ومناسب إنك تعمل أكتر من حاجة في نفس الوقت بس ممكن تستغل ناحية للغسيل والتانية لتصفية الأطباق
- الحوض اللي فيه صينية للتصفية في ناحية وصينية بمستوى الرخامة الناحية التانية وهو مناسب للمساحات الصغيرة
- حافته مدرجة وبتسمح بنزول المياه في الحوض بسهولة ولو عدد الأشخاص كبير في البيت هيكون غير مناسب لصغر حجمه وغير مناسب لو بتستخدم غسالة أطباق لأن الصفاية هتاخد من مساحة الرخامة
أنواغ خامات حوض المطبخ
السيراميك
- خامته صلبة لكن ممكن يتكسر لو وقع عليه جسم تقيل ومقاوم للخدش لكن بيتقشر بعد فترة
- بجانب إنه مقاوم للمواد الكيميائية وصعب يبقع ووزنه تقيل
الجرانيت
- شكله أنيق ومقاوم للمواد الكيميائية ومقاوم للخدش والكسر ومقاوم للحرارة وفيه أنواع سعرها متوسط
- يمكن تشكيله على حسب تصميم المطبخ بيحتاج لعناية وتنضيف خاص
الزهر
- شكله أنيق وخامته قوية لأنه بيحتوي على ألياف زجاجية ومتوفر بمساحة واسعة ومقاوم للبقع وسهل تنضيفه وغير مقاوم للحرارة وبيتفاعل بسهولة مع المواد الكيميائية
الستانلس ستيل
- خامته قوية وخفيفة ومقاوم للمواد الكيميائية وسهل تنضيفه ومناسب لكل أشكال وأنواع المطابخ
- مهم تركيبه بشكل صحيح عشان تتجنب تسريب المياه وغير مقاوم للخدش
كيفية تسليك الحوض بطيء الجريان
- حط ربع كوباية بيكنج صودا مباشرة في بلاعة الحوض وبعدها صُب كوباية خل كبيرة
- سد الحوض بقطعة قماش أو بالسدادة واستنى 15 دقيقة
- افتح السدادة واعصر لمونة قبل إضافة لتر مياه سخنة
- املا ⅓ الحوض بالمياه وهات الكبّاس المطاطي واظبطه فوق بلاعة الحوض بالظبط
- اضغطه لتحت وارفعه لفوق من 10 لـ 15 دقيقة لحد ما الانسداد يقل
- فُك الرابط بين الحوض وبين ماسورة التصريف عكس عقارب الساعة عشان تحدد سبب الانسداد
- لف مفتاح الربط حوالين أول الماسورة أو فُك الصواميل الموجودة حسب نوع الصرف عندك
- لازم تحط جردل تحت الحوض عشان تحمي أرضية المطبخ من البلل
- دخّل سلك السباكة أو أي سلك معدني شبهه عشان تلتقط سبب الانسداد بسهولة
- ركّبها تاني عن طريق لفها مع عقارب الساعة
- اطلب المساعدة من فني متخصص لو مش قادر تحدد سبب المشكلة
- بعض الحاجات لازم تتجنب التخلص منها في حوض المطبخ لأنها عنصر أساسي في انسداده وهي:
- قشر الذرة والكرفس
- بقايا البن
- الدقيق
- قشر البطاطس
- نواة البلح
- الأرز والمكرونة
- منتجات الألبان
- عظام اللحوم والدواجن
- ملصقات الفاكهة
