تكنولوجيا
مميزات تطبيق ClubHouse وروابط تحميله وخطة مارك زوكربرغ لمنافسته
إزاي تفهم تطبيق Clubhouse؟
المحتويات
Clubhouse من التطبيقات اللي احتلت مراكز متقدمة في تطبيق App Store لمنتجات آبل وتحديدًا من فبراير 2021 رغم إن بداية نسخته التجريبية في مارس 2020 وبعد النجاح الكبير نزّل التطبيق على متاجر جوجل بلاي في مايو 2021.
بداية فكرة تطبيق ClubHouse
- بدأت الفكرة في ذهن مؤسسيه (بول دافيسون) و(روهان سيث) مع بداية انتشار الحجر المنزلي بسبب فيروس كورونا واضطرار أغلب الناس للعمل من المنزل
- بيجمع بين المحادثات الحية وبين المكالمات الجماعية أو السماع إلى المدونات الصوتية (بودكاست)
- بداية استخدامه كانت على إيد رجال أعمال ومشاهير ومثقفين واتسمى بتطبيق النخبة
- كل ما قدمت معلومات أكتر عن اهتماماتك زاد عدد المجموعات اللي بيقترحها التطبيق عليك وبيتميز بعدم احتفاظه بالمشاركات الصوتية اللي بتشاركها في المجموعات
سبب عدم ظهوره على أندرويد في البداية
- بررت الشركة المطورة (Alpha Exploration Co) إنها بتفضل النمو البطيء المدروس على الزيادة الكبيرة في قاعدة المستخدمين لأنه كان متاح تحميله فقط لمستخدمي آيفون أو الآيباد على الـ App Store فقط لكن دلوقتي سهل تحميله على أندرويد.
منافسة فيس بوك لـ Clubhouse
- مارك زوكربرغ الرئيس التنفيذي لفيسبوك قال إن شركته بتخطط لإطلاق عدة منتجات صوتية منها غرف صوتية مباشرة شبه تطبيق كلوب هاوس
- هيبقى اسمها (Soundbites) وهيبدأ اختبارها في الصيف وهتحتوي على مؤثرات صوتية مختلفة
- أكد إن الغرف الصوتية ضرورة أساسية للتواصل زي الصور والفيديوهات
- هتدخل إمكانيات مختلفة زي إضافة صوت لخلفية الغرفة الصوتية والقدرة على تغيير النبرات لأصوات مضحكة
- هيطوّر فيسبوك تقنية جديدة اسمها Audio Creator بتسمح بإنتاج محتوى صوتي عالي الجودة
- في نفس الوقت تقريبًا هيتيح فيسبوك السماع لمقاطع صوتية مسجلة ( Podcast)
- بعض الخبراء بيأكدوا إن الموضوع هياخد وقت من مستخدمين clubhouse للتحول عليه نتيجة أزمة الثقة بين بعضهم وبين فيسبوك بسبب التقارير الكتير اللي اتكلمت عن تسريب معلومات شخصية لمستخدمي فيسبوك
أهداف مطوري ClubHouse المستقبلية
- بيسعى المطورين لتسهيل وصول المستخدم لأي غرفة دردشة مناسبة لاهتماماته وفقًا للغته والأشخاص اللي بيتابعهم
- بيفكر بعض المستثمرين في التطبيق بتخصيص بعض غرف الدردشة مقابل اشتراك مادي رمزي لدعم صناع المحتوى الناشئين ولكنها فكرة محل دراسة
