المحتويات
مقاومة الانسولين هي عدم استجابة العضلات والخلايا والكبد بطريقة صحيحة للانسولين واللي بيسبب زيادة مستوى السكر في الدم، هنعرفك أكتر عن أعراضها وطرق التعامل معاها.
ما هي مقاومة الانسولين؟
- الانسولين هو هرمون بيتحكم في مستويات السكر في الدم في الجسم، ولو الشخص بيعاني من مقاومة الانسولين فهو بيعاني من توقف جسمه عن الاستجابة للانسولين بالطريقة الصحيحة
- ده بيزود مستوى السكر في الدم ونتيجة لده البنكرياس بيضطر لإنتاج كمية أكبر من الانسولين لتحقيق مستوى متوازن من السكر في الدم
أعراض مقاومة الانسولين
لا توجد أعراض واضحة ليها ولكن ممكن تكتشف إصابتك بيها من خلال التحاليل وفحوصات الدم للكشف عن مستوى السكر في الجسم
في مشاكل صحية مترتبة على الإصابة بيها زي:
- ارتفاع ضغط الدم
- زيادة الدهون الثلاثية
- انخفاض الكوليسترول الجيد
في علامات معينة تقدر تكتشف من خلالها الإصابة بيها زي:
- زيادة محيط البطن عن 100 سم أو أكتر عند الرجال و90 سم أو أكتر عند السيدات
- قراءة ضغط الدم المرتفع 130/80 أو أكتر
- وصول نسبة الدهون الثلاثية لـ150 ملجم أو أكتر لكل ديسلتر عند عمل تحاليل الدهون الثلاثية
- ظهور زوائد جلدية في الرقبة أو أسفل الإبط أو الثديين أو في الضهر ومنطقة الصدر
- التعرض لانخفاضات متكررة لمستوى السكر في الدم
- مستوى السكر في الدم الصائم لـ100 ملجم لكل ديسلتر أو أكتر
- ظهور بقع جلدية غامقة ومخملية اسمها الشواك الأسود
- التعب الشديد والعطش المتكرر
- الإصابة بأمراض القلب والأوعية الدموية خاصة عند السيدات
أسباب وعوامل خطر الإصابة بيها
- السمنة خاصة منطقة البطن
- نظام حياة خالي من الرياضة والحركة
- النظام الغذائي غني بالكربوهيدرات
- تاريخ وراثي مع مرض السكر
- أكل السكريات بشكل زايد
- التدخين وعدم انتظام النوم
- السن لأنه ممكن يظهر بعد سن الـ45
- المعاناة من مشاكل صحية معينة زي الكبد الدهني
- الإصابة بسكري الحمل
- اضطرابات الهرمونات زي الإصابة بمتلازمة كوشينج
- تناول أدوية معينة زي الستيرويدات وأدوية العلاج النفسي
- المعاناة من اضطرابات النوم زي مشكلة انقطاع التنفس أثناء النوم
تشخيص مقاومة الانسولين
بيتم عن طريق خطوات معينة وهي:
- أسئلة عن التاريخ الطبي للعائلة
- تحاليل الدم بتشمل:
- تحليل السكر الصائم
- التحليل الفاطر
- اختبار الهيموجلوبين (A1c)
مقاومة الانسولين وداء السكري 2
- في حالة الإصابة بيها البنكرياس بينتج كمية كبيرة من الانسولين لضبط مستوى السكر في الدم
- مع الوقت، البنكرياس هيكون غير قادر على إنتاج كمية كافية من الانسولين والاستمرار على النظام الغذائي غير الصحي وعدم ممارسة الرياضة هيعرضك لخطر الإصابة بداء السكري 2
خطوات الوقاية منها
في خطوات معينة اتباعها هيحميك منها ومن الإصابة بداء السكري 2 وهي:
- ممارسة الرياضة 30 دقيقة يوميا على الأقل 5 مرات في الأسبوع
- خسارة الوزن الزائد في جسمك
- اتباع نظام غذائي صحي متوازن بدون حرمان ويكون قائم على الخضار والفاكهة والبروتين والحبوب والمكسرات والأنواع الصحية من الكربوهيدرات بكميات مناسبة
- النوم عدد ساعات كافي لأن ده بيساعد الجسم على ضبط مستوى الهرمونات فيه
- تجنب الكحوليات والتدخين والمشروبات الغازية أو العصائر الجاهزة لأن فيها نسبة سكر عالية
- في أدوية معينة ممكن الدكتور يكبتها ليك في حالة الحاجة ليها للحفاظ على مستوى السكر في الدم
مخاطر الإصابة بمقاومة الانسولين
- مشكلة مقاومة الانسولين مرتبطة بمشكلة تانية اسمها المتلازمة الأيضية، وإهمالها بيزود خطر الإصابة بـ:
- الارتفاع الشديد لمستوى السكر في الدم
- الانخفاض الشديد لمستوى السكر في الدم
- الأزمة القلبية
- السكتة الدماغية
- اضطرابات الكلى
- مشاكل العين
- السرطان
- الزهايمر
