المحتويات
مطابخ الوميتال سهلة الفك والتركيب وسهلة في التنضيف بتعتبر الجملة الأولى اللي بيسمعها أغلب الأشخاص اللي بيفكروا يشتروا مطبخ جديد، خصوصًا لو شقتك إيجار مش تمليك، ولكن المطابخ الألوميتال ليها عيوب ومميزات كتير لازم تعرفها قبل إتّخاذ قرار شرائها.
مزايا المطابخ الألوميتال
- من أهم مميزات المطابخ الألوميتال هي سهولة التنضيف وقلة فرص التصاق الأوساخ والدهون به ومش بيحتاج إلا قطعة قماش أو إسفنج مع مياه وخل وبعدها بدقائق بسيطة بيبقى لامع
- تقدر تختار من خلالها تشكيلة مختلفة من الألوان الجذّابة عكس الأنواع الخشبية اللي بتخليك محدود في اختيار لون المطبخ وبالتالي بتسمحلك بتنوّع أكبر وتقدر تختار أنواع وألوان رخام مختلفة
- بيحتوي على طبقة أكسيد الألومنيوم اللي بتحميه من الحرارة وبالتالي صعب اشتعاله ودرجة ذوبانه عالية جدًا وبالتالي هو مقاوم للحرارة وبيقلل فرص اندلاع الحرائق
- مش بيتأثر المطبخ الألوميتال بأي مياه بتيجي عليه سواء كان وقت الطبخ وبيعتبر من الأنواع المقاومة للرطوبة
- بيعتبر مقاوم للصدأ ومش بيسبب أي روائح كريهة
- مفيش مكان لدخول الحشرات داخل المطبخ الألوميتال لأن الحشرات بطبيعتها بتعيش في المطابخ عن طريق أخشاب مكوّنة من مسام رقيقة بتحفر فيها الأخشاب بنفسها
- أما الأوميتال مالوش مسام وبالتالي بتقل فرص تعرضه للحشرات قليلة جدًا
عيوب المطبخ الألوميتال
- في نظر بعض الناس هو أقل أناقة من المطابخ الخشبية
- حوافه مسننة وبالتالي صعب تطويعه وتنيه من جديد وفي نفس الوقت أحيانًا ممكن تسبب جروح للشخص اللي بيتعامل مع المطبخ طول الوقت
- تجارب المستخدمين بتقول إنه بيتجرّح بسرعة خصوصًا لو الخامة خفيفة بجانب إن المفصلات بتتهالك مع كثرة الاستخدام إلا لو استخدمت مفصلات من نوع عالي الجودة عشان تضمن ثباتها ومتانتها
- أحيانًا بينتج عنّه صوت مزعج مع فتح أو غلق الأرفف وبتزيد حدة الصوت مع الوقت
الفرق بين المطابخ الخشبية والألوميتال
- المطابخ الخشبية سهلة التشكيل وممكن دهنها بمادة اللاكية عازلة للمياه ولكن سنون المطابخ الألوميتال المدببة بتصعّب مهمة التشكيل
- شكل المطابخ الخشبية جذاب بسبب التجزيعات الموجودة فيها عكس المطابخ الألوميتال اللي شكلها عادي رغم تنوع لونها
- المطابخ الخشبية بتتصنع من خامات قوية في حالة استخدام أنواع زي الأرو والزان أما أغلب خامات الألوميتال ضعيفة نسبيًا
- تكلفة المطابخ الخشبية عالية بسبب ارتفاع سعر الخشب خصوصا إنه بيحتاج معالجة ضد الحرارة والرطوبة
- وبيتأثر بالمياه مع مرور الوقت وبيكون فطريات عكس المطابخ الألوميتال اللي صعب تكوّن الفطريات فيه أو ظهور الحشرات
تنضيف مطابخ الوميتال
- اغسله كويس بمياه دافية مع صابون أطباق وفرشة وافركه كويس للتخلص من أي بقع أو تراكم للدهون
- حضر خليط بكمية متساوية من الخل والمياه وحطها في زجاجة بخاخ
- رش مباشرة على سطح المطبح وافركه بليفة معدنية أو ممكن تخلط ملعقتين كبار بيكربونات الصودوم مع عصير ليمون لحد ما تكون عجينة
- افردها على الجوانب غير النطيفة وبعدها افرك العجينة بليفة ناعمة
تصميمات مطابخ الوميتال 2021
