المحتويات
الثلاجة من الأجهزة الأساسية في البيت وأغلب الوقت متوصلة بالكهرباء وبيتطلب فصلها ترتيبات كتير للحفاظ على الطعام، سواء عن طريق نقله لشنط حافظة للبرودة أو التأكد من خلوها تمامًا من أي أطعمة ممكن تتلف وتسبب بكتيريا ضارة وروائح كريهة، وبالتالي ضروري تعرف إزاي تحافظ عليها وقت الغياب عن البيت لمدة طويلة لتجنب أضرار انقطاع الكهرباء المتكرر في فصل الصيف.
الحفاظ على الثلاجة وقت السفر
السفر لمدة القصيرة
- شيل من التلاجة أي منتجات غذائية قابلة للتلف أي الأطعمة اللي بتحتاج تفضل في درجة حرارة باردة أو مجمدة طول الوقت
- اللحوم والألبان والخضروات والفواكه ممكن تسبب بكتيريا ضارة وتعفّن لو فضلت في التلاجة أثناء انقطاع التيار لمدة طويلة
- خلي درجة حرارة الثلاجة على 3 درجات مئوية عشان تقدر تحتفظ بالمعلبات وبالأطعمة غير القابلة للتلف بسهولة
- اتخلص من أي مواد قابلة للذوبان في التلاجة لأنها ممكن تسبب رائحة كريهة وقت تحوّلها من الحالة الصلبة للسائلة
- وغيّر درجة حرارة الفريزر لـ 15 درجة تحت الصفر أو أكتر من كده إن أمكن عشان تحافظ على أي منتجات مجمدة لأطول وقت قدر المستطاع
- بلاش تسيب أي علب للبن المبستر في التلاجة لو مفتوحة واتأكد إن المعلبات محكمة الغلق
- املا زجاجات مياه مليانة للنص أو أكياس بلاستيك فيها مياه عشان تكوّن قطع تلج للحفاظ على أي حاجة في الفريزر ممكن تبوظ وقت انقطاع الكهرباء
السفر لمدة طويلة
- ضروري تفصل التلاجة عن الكهرباء لو مسافر لمدة طويلة
- عشان تحمي التلاجة من تراكم الروائح الكريهة ضروري تفضّيها تمامًا وتغسلها كويس قبل إغلاقها
- عن طريق تمرير قطعة قماش نضيفة مغموسة في وعاء فيه مياه دافية (مش أقل من لتر) ومعلقتين كبار بيكنج صودا
- ضروري تسيب التلاجة مفتوحة وتتأكد من تجفيفها بالكامل لأن تراكم المياه عليها بيزوّد فرص تكوّن البكتيريا والروائح الكريهة
- حط فيها ورق جرايد وفحم وبيكربونات الصوديوم داخل التلاجة عشان تمتص الروائح الكريهة
- ممكن تملا التلاجة بكرات قطن مغموسة في زيوت عطرية عشان تحافظ على رائحة جيدة
- بلاش تقفل التلاجة على آخرها عشان تسمح بمرور الهواء داخلها
- ضروري تشيل الفحم والقهوة أو أي حاجة وقت الحاجة لإعادة تشغيلها ولازم تستنى
اختبار لمعرفة إذا انقطعت الكهرباء أثناء السفر مع تشغيل التلاجة
- أحيانًا بتضطرك الظروف للسفر مع عدم فصل التلاجة أو مراجعة صلاحية محتوياتها
- مش بتلاقي وقت تفرّغها من المحتويات اللي ممكن تتلف
- اختبار بسيط تقدر تعمله قبل السفر وتشوف نتيجته بعد الرجوع عشان تعرف إذا كان التلاجة فصلت والتيار الكهربائي انقطع ولا لأ
- املا وعاء كبير بالمياه وبعد تجمّده ثبّت قطعة خشب في منتصف الوعاء
- لو رجعت القطعة الخشبية مش في مكانها ده معناه إن المياه ساحت بسبب انقطاع التيار الكهربائي عن التلاجة وبالتالي ضروري تتخلص من أي حاجة قابلة للتلف فيها
طريقة الحفاظ على العمر الافتراضي للتلاجة
- خليها بعيد عن الفرن أو أي مصدر حرارة أو أشعة الشمس المباشرة
- لو المطبخ ضيق غطي مكان الشباك مصدر الشمس وحط لوح كارتون بين التلاجة وبين الفرن
- نضف التلاجة كل فترة خصوصًا الجزء الخلفي منها
- تراكم الأتربة عليها بيضعف كفائتها والأحسن تنضفها باستخدام المكنسة الكهربائية لإزالة أي غبار
- بلاش تخزن حاجة فوقها عشان بترفع درجة حرارتها والموتور بيبذل جهد أكبر
- تنضيف الطرف المطاطي في باب التلاجة مهم لمنع تسريب الهواء
- وزع الأكل داخل التلاجة بتوازن من غير ما تزحم أي مكان على آخره
- قلل عدد الحاجات الموجودة في أول رف وقلل مرات فتح الباب وخليها فقط وقت الضرورة
- ماتأجلش إصلاح أي عطل واهتم بالصيانة الدورية في مواعيدها
