الندم من المشاعر السلبية اللي بتأثر على نفسية الفرد وبتقلل ثقته في نفسه، وممكن يعطّلك عن التركيز في حياتك وبيمنعك من أداء أي مهمة عقلية بنجاح.
تأثير الندم
- دراسات كتير بتقول إن الندم ممكن يدمر صحتك النفسية والجسدية وبيضيق أفقك وقت التفكير في أي مهمة عقلية
- بتزيد فرص الخطأ وقت إتّخاذ أي قرار مصيري وبتحاول تصلّح خطأ قديم بدون تخطيط للمستقبل
- بيسبب الندم مشاعر حزن بتعطلك عن التركيز وإنجاز المهام بدقة وبيزوّد عصبيتك اللي ممكن تبعد الناس عنك
- بتحس بالخجل من أفعالك وبتقل ثقتك في نفسك وبتضعف مناعتك وبتزيد فرص التقاط جسمك للفيروسات
- بيسبب توتر بيأثر على القلب والأوعية الدموية ومستويات السكر والضغط في الجسم بجانب إن التفكير فيه طول الوقت ممكن يسبب مشاكل في التنفس بتوصل أحيانًا للأزمات التنفسية
التخلص من مشاعر الندم
- اعرف الفرق بين تحمل مسؤولية الأخطاء وبين الندم وخليك متأكد إن تحمل المسؤولية بيوعيك للخطأ ويعلمك دروس تستفاد منها في المستقبل
- الندم هيعيشك في حالة من القلق والاكتئاب واللوم المستمر هيأثر على ثقتك في نفسك
- فكر في الموضوع من كل جوانبه بعين محايدة كإنك مش في الموقف وحدد الصح والغلط
- لو لقيت صعوبة في ده اسأل حد بتثق فيه يقيم الموقف
- افتكر المواقف اللي حصلت قبل كدة واتصرفت فيها صح عشان ماتخليش خطأ يأثر على ثقتك في اختياراتك
- كتابة مشاعرك وأحاسيسك هيفرغ طاقة الحزن وهيكشفلك حقيقة نفسك
- دراسة في جامعة ستانفورد بتقول إن تغيير فكرتك عن نفسك وتركيزك على صفاتك الكويسة هو الأساس وبتضيف إنه هيأثر على تفكيرك وتصرفاتك وعلاقتك باللي حواليك
- دراسة في جامعة تكساس بتقول إن أحكامك على نفسك هي السبب وبتأكد إن التعاطف الذاتي وإنك تقيم نفسك بدون قسوة مفيد في تخطيها
- استشير طبيب لو مش قادر تتخطى مشاعر الندم واللوم المستمر
طريقة التحكم في المشاعر
- عالم النفس بول إيكمان حدد ٦ مشاعر أساسية بيحس بيهم الإنسان وهم (الغضب والاشمئزاز والخوف والسعادة والحزن والمفاجأة)
- ووصلت الدراسات إن المشاعر مرتبطة بالدماغ وبالأخص بالجهاز الحوفي ( The limbic system) وهو عبارة عن منطقة في الدماغ بتتحكم في المشاعر وكل جزء فيه مرتبط بنوعية معينة من اللي بنحسه
- زي اللوزة الدماغية ( amygdala) اللي بتتولد منها مشاعر الخوف والتوتر اللي بينتج عنه الغضب
- والمنطقة السقفية البطنية (ventral tegmental) اللي بيفرز منها الدوبامين واللي بيتسمى هرمون السعادة
- دراسة أجراها علماء النفس في جامعة كاليفورنيا بتقول إن مع التقدم في العمر وزيادة الخبرات بتختلط مشاعر كتير في المناسبات مختلفة، وإن مشاعر السعادة بيغلفها أحيانًا الندم على بعض المواقف في الحياة وبيصاحب الندم حزن وتوتر شديد
- القدرة على فهم المشاعر والتحكم فيها مهم لإن مع اختلاطها ممكن تقرر حاجة تندم عليها فيتضاعف حزنك وقلقك
- ابدأ بتحليل إحساسك لو لقيت نفسك غضبان من موقف أو متعصب من شخص فكر في سبب المشاعر السلبية
- وافهم الموضوع من زاوية تانية ولإن أفكارك هي اللي بتحرك مشاعرك، حتى لو الفكرة اللي في دماغك صح فعلماء النفس بيقولوا إن دي الطريقة الأحسن هي التفكير بعقلانية
- واستخلاص الدروس المستفادة من أي موقف سيء في الماضي لعدم تكراره في المستقبل
- المرحلة اللي بعدها هي الأصعب وهي محاولة تحليل مشاعرك وفهم أسبابها لعادة مستمرة
- في كتاب العادات الذرية atomic habits بيشرح الكاتب جيمس كلير إن أساس أي حاجة بتبدأها هو التفكير في فائدتها
- تحكمك في مشاعرك مهم لإنك لو استسلمت ليها هتأثر في علاقتك باللي حواليك
- شارك مشاعرك مع حد بتثق فيه خصوصًا إن أراء اللي حواليك هتحطك على الطريق الصح وكمان انشغالك بأنشطة كتير طول الوقت هيساعدك تتخلص من أي ذكريات أليمة
- بتأكد دراسة في جامعة بيردو الأمريكية على إن التحكم في مشاعرك بيسهل تفاعلك مع اللي حواليك وبيساعد في النجاح والإبداع
- الخبراء بيقولوا إن حبك لنفسك هو بداية تخلّصك من الإحساس بالندم المتواصل
تنمية حب النفس
- اعرف نفسك كويس وحدد الأشياء اللي بتحبها وبتؤمن بيها
- خلي عندك حدود لنفسك مع الآخرين وتجنب مقارنة نفسك بالآخرين وتقبل نفسك زي ما هي
- تغلب على الأفكار السلبية عن نفسك وحاول تغير عيوبك أو استغلالها للأفضل
- اتعرف على نقاط قوتك لأنها هتزود مشاعرك الإيجابية تجاه نفسك وتجنب إطلاق كلمات وأوصاف سلبية عن نفسك زي ( أنا فاشل/ضعيف/غبي)
- ابعد الكذب أو التقليل من نفسك أو اختلاق الأعذار لأن حب الذات الحقيقي يعني تحمل المسؤولية
- اكتب مميزاتك أو مواقف ظهرت فيها إيجابياتك واقراها كل فترة عشان يكون عندك أسباب واضحة إنك تستحق الاحترام والحب
- كافئ نفسك بهدية كل فترة على إنجاز أو تقدم عملته
- تجنب القسوة على نفسك لأن كل شخص معرض للوقوع في الخطأ ومهم تتعلم من أخطائك وتتطور بدل جلد الذات
- اكتب جمل محفزة وعلقها قدامك
- مهم تحط جزء من الرفاهية في أولوياتك وقضي وقت لوحدك بتعمل حاجة بتحبها
- اهتم بصحتك وجسمك والتزم بتناول أكل صحي وكمية مياه مناسبة كل يوم والعب رياضة واعتني بصحة بشرتك واختار لبس مريح ولايق عليك
- قيم علاقتك مع الآخرين باستمرار وابعد عن الأشخاص المؤذية أو المرهقة
