المحتويات
المياه من أهم مكونات الجسم، لأنها بتحميه من الإصابة بأمراض خطيرة، ومهمة لوظائف حيوية في الجسم زي ليونة المفاصل وحمايتها من الكدمات ومنح الجسم الرطوبة الكافية وتجديد خلايا الجسم.
الكمية اللي جسمك محتاجها من المياه وفقا للسن
- من 4 لـ8 سنين: 5 كوبايات
- 13-9 سنة: 7-8 كوبايات
- 18-14 سنة: 8-11 كوبايات
- الرجال من 19 سنة فيما فوق: 13 كوباية
- السيدات من 19 سنة فيما فوق: 9 كوبايات
- الحوامل: 10 كوبايات
- المرضعة: 13 كوباية
- لو بتمارس رياضة: زود من كوبايتين لكوبايتين ونص
طرق لشربها بانتظام
- الأكاديمية الوطنية للطب أوصت باستهلاك 3700 مل سوايل للرجال و2700 للنساء على الأقل يوميا لكن الأكاديمية أقرت إن كمية السوايل بتعتمد على مستوى النشاط والحالة الصحية
- خلي معاك إزازة مياه طول اليوم هتساعدك تشرب كمية أزيد
- اعمل reminders على موبايلك أو السمارت واتش تفكرك تشرب
- اشرب كوباية أول ما تصحى من النوم.. هتساعدك تتخلص من سموم الجسم
- اشرب من كوباية لـ2 قبل الأكل بـ30 دقيقة.. هتساعدك على الهضم وتزود إحساسك بالشبع
- اشرب كوباية بعد الأكل بساعة عشان تساعد جسمك يمتص العناصر الغذائية
- قبل الاستحمام.. اشرب كوباية عشان تقلل ضغط الدم
- اشرب كوباية قبل النوم بـ30 دقيقة عشان تحمي نفسك من النوبات القلبية والسكتات الدماغية
- خلي جنب سريرك كوباية مياه في حالة إنك حسيت بالعطش في وسط الليل
- تجنب شرب المياه الساقعة على الريق لأنها ممكن تسبب مشاكل في الهضم/ صداع/ التهاب الحلق
- اشربها بالراحة وتدريجيا عشان تتجنب تقلصات المعدة
فوائد المياه للجسم
- أساسية لتكوين اللعاب المسؤول عن صحة الفم وتليين الأكل عشان يتهضم أسهل
- بتحافظ على درجة حرارة الجسم وبتحميه من الجفاف
- بتساعد على مرونة المفاصل والعمود الفقري وأنسجة الجسم فالحركة بتبقى أسهل
- بتخلص الجسم من السموم عن طريق التعرق والبول وبتحميه من الإمساك
- بتساعد على ممارسة الرياضة بشكل أفضل ووقت أطول
- الانتظام عليها قبل وبعد الأكل بيساعد على امتصاص العناصر الغذائية فيه وتوصيلها لباقي الجسم
- مهمة لإنقاص الوزن وحماية الجسم من أمراض زي حصى الكلى
- دراسة بتقول إن نص لتر مياه بتحفز عملية التمثيل الغذائي اللي بتنشط الجسم بنسبة 30%
- بتنشط التركيز والذاكرة والقدرة على إنجاز المهام
- بتساعد الجسم على إنتاج الكولاجين اللي بيحافظ على صحة ونضارة البشرة
- 4 لتر مياه للرجال و3 لتر للسيدات هو المعدل اليومي اللي محتاجه جسمنا
علامات وأضرار قلة شرب المياه
- رائحة الفم الكريهة لأن المياه مهمة لإنتاج اللعاب ولصحة الفم/ اللسان/ الأسنان والتخلص من البكتيريا
- الشعور بالتعب معظم الوقت بسبب قلة السوائل في الجسم وبالتالي الشعور بقلة الطاقة/ نقص الأكسجين
- الإصابة بنزلات البرد بشكل متكرر بسبب ضعف المناعة
- الإمساك لأن المياه بتسهل الهضم/ انتظام حركة الأمعاء
- تدهور صحة الجلد وميل البشرة للشحوب/ التقشر/ الجفاف
- الميل الزايد للسكريات/ النشويات لأن الجفاف بيصعب تخزين الجلوكوز في الجسم
- التبول القليل وميل لونه للأصفر الغامق/ ريحته بتكون قوية/ بيميل للغيم
- جفاف الفم والشعور بتلزيق اللسان والشفايف وصعوبة حركته
- جفاف العين وده ممكن يسبب مشاكل تانية فيها في حالة الإهمال
- ألم المفاصل المستمر بسبب إنها بتتكون من 80% مياه
- قلة الكتلة العضلية وزيادة الألم بعد ممارسة الرياضة واستمراره لفترة أطول
