تعليم
كل اللي محتاج تعرفه عن Google Classroom ومميزاته للمدرسين والطلبة
إزاي تستخدم Google Classroom؟
المحتويات
Google Classroom من الأدوات المميزة اللي أصدرتها جوجل وبيوفر كل الأدوات اللي بيحتاجها المدرس لإدارة العملية التعليمية وإدارة الصفوف بكل سهولة، وبالتالي مهم تعرف المهارات الأساسية في استخدامه سواء كنت طالب أو أستاذ.
استخدام المدرسين لـGoogle Classroom
- افتح الموقع من خلال الرابط
- اضغط على علامة الـ (+) وحدد إنشاء صف
- اكتب بيانات الصف سواء العنوان أو الموضوع في الخانات المحددة
- هيظهر رمز ابعته للطلاب سواء على جروب الواتساب أو أي مجموعة بتجمعكم
- تقدر تضغط على تحميل الصورة عشان تغيّرها لصورة معبرة عن طبيعة الدرس
- صفحتك هتنقسم لساحة المشاركات والواجب الدراسية والأشخاص والدرجات
- ممكن تدخل على أشخاص وتضيف كل طالب لوحده ومن خلال نفس النافذة ممكن تضيف معلمين تانيين
الواجب المدرسي
- حدد اختيار الواجب المدرسي واكتب في خانة العنوان وتحتها التعليمات اللي ممكن تكتبها في جمل مختصرة
- وتقدر تحدد نماذج مختلفة في خانة التعليمات سواء رسوم أو مستندات أو عروض تقديمية
- على يسار الصفحة مكتوب الدرجات المخصصة للواجب ومعاد التسليم
تصميم الاختبار
- اضغط على Blank Quiz ودوس على إضافة سؤال عشان تكتب السؤال اللي عايزه
- تقدر تختار طبيعة الإجابة سواء كانت إجابة قصيرة أو فقرة أو خيارات متعددة أو مربعات اختيار أو القائمة المنسدلة
- افتكر إن مفتاح الإجابة هو النقاط أو الدرجات المحددة لكل سؤال
- بعد الانتهاء من كتابة الأسئلة بتدخل على إعدادات الاختبار وبتنقسم لـ 3 أقسام:
- القسم العام وفيه تقدر تكتب البريد الإلكتروني للطلاب اللي عايز تختبرهم
- فعّل في القسم العام خيار رد واحد والغي تفعيل تعديل الإجابات بعد الإرسال
- قسم العرض التقديمي بيحتوي على تفعيل شريط التقديم عشان يعرف الطالب خلال مدة الامتحان انجز قد إيه منّه
- وبتكتب في القسم ده رسالة التأكيد على كتابة الامتحان
- أما الخيارات فممكن تفعل سواء الطالب يقدر يشوف النتيجة بعد انتهاء الاختبار أو في وقت لاحق
- وبعدها لازم تضغط على حفظ وتخرج لصفحة مهام الاختبار وتضغط على تعيين
- عشان تشوف إجابات الطلاب اضغط على Blank Quiz واختار تعديل النموذج واختار الردود
مميزات خدمة Classroom
- بيوفر أدوات سهلة وبسيطة في الاستخدام لإدارة المهام التعليمية وتوصيل المعلومة للطالب في أحسن شكل
- بيقدر المدرس سواء في الصفوف المدرسية أو في المحاضرات الجامعية التفاعل مع الطلاب في نفس اللحظة
- سهل الوصول إليه من خلال أي جهاز كومبيوتر
- الخدمة مجانية تمامًا ومش مكلفة سواء للجهة التعليمية أو للمدرس أو للطالب
- بس شرطه الأساسي إن كل أفراد المنظومة من طلاب وملعمين يبقى عندهم إيميلات على جوجل
- وتقدر تحمل تطبيقاته سواء على جوجل بلاي أو أبل ستور
