المحتويات
الكب كيك من أسهل أنواع الحلويات، وبيحبها كل أفراد الأسرة خاصة الأطفال، ومناسبة جدا للانش بوكس، وكمان ممكن تعملها في أعياد الميلاد أو المناسبات المختلفة.
كب كيك بالفانيليا
المكونات
- كوباية ونص دقيق
- معلقة صغيرة ونص بيكنيج بودر
- رشة ملح
- نص كوباية زبدة
- 3 بيضات
- تلت أربع كوباية سكر
- معلقة صغيرة فانيليا
- ربع كوباية لبن حليب
الطريقة
- اخلط الدقيق مع البيكنيج بودر والملح
- اخفق الزبدة مع السكر لحد ما يبقى لونها فاتح
- ضيف البيض بالتدريج وعليهم الفانيليا واللبن وضيف عليهم خليط الدقيق
- قلب كل المكونات لحد ما يبقى خليط متجانس
- وزع العجينة على قوالب الكب الكيك السيليكون
- دخلها الفرن لمدة 20 دقيقة
- زينها بكريم شانتيه مع قطع الفاكهة أو صوص الكراميل
كب كيك بالشوكولاتة
المكونات
- كوباية وربع دقيق
- تلت أربع كوباية كاكاو
- نص معلقة كبيرة بيكنج بودر
- كوباية سكر بودرة
- 2 بيضة
- معلقة صغيرة فانيليا
- كوباية ونص لبن حليب
- نص كوباية زيت
صوص الشوكولاتة
- كوبايتين سكر بودرة
- ربع كوباية كاكاو
- ربع كوباية لبن حليب
- كوباية شوكولاتة مبشورة
الطريقة
- اخلط الدقيق والكاكاو والبكينج باودر والسكر
- اخفق البيض والفانيليا والحليب والزيت وضيفهم على المكونات الجافة
- وزع الخليط على القوالب الكب كيك ودخلها الفرن على درجة حرارة 180 لمدة 30 دقيقة
- على حمام مائي.. اخلط السكر والكاكاو واللبن لحد ما يبقى مزيج متجانس
- بعد ما الكب كيك تبرد زينها بالصوص والشوكولاتة المبشورة
كب كيك بالتوت
المكونات
- 150 جرام توت أحمر مهروس
- كوبايتين ونص دقيق
- معلقتين صغيرين بيكنج بودر
- 4 بيضات
- معلقة صغيرة فانيليا
- كوباية زيت
- معلقة كبيرة قشر برتقال مبشور
- كوباية لبن
- كوبايتين سكر
- نص كوباية لوز مطحون
للتزيين
- كوباية عصير برتقال
- 4 معالق كبار سكر بودرة
- نص كوباية توت أحمر
الطريقة
- في الخلاط الكهربائي.. اخلط البيض مع قشر البرتقال والفانيليا والسكر واللبن والزيت
- اخلط الدقيق مع اللوز والبيكنج بودر وضيف عليهم الخليط السابق
- ضيف التوت المهروس وقلب كل المكونات كويس
- وزع الخليط في قالب الكب كيك ودخله الفرن لمدة 25 دقيقة على درجة حرارة 180
- اخلط عصير البرتقال مع السكر البودرة على نار لحد ما يبقى متجانس وقوامه يتقل شوية
- ادهن سطح الكاب كيك بالصوص ووزع قطع التوت
كب كيك بالفواكه المجففة
المكونات
- كوباية دقيق
- معلقة صغيرة بيكنج بودر
- بيضة
- نص كوباية سكر
- معلقة صغيرة فانيليا
- نص كوباية زيت
- ربع كوباية زبدة سايحة
- رشة ملح
- ربع كوباية لبن حليب دافي
- كوباية فواكة مجففة
الطريقة
- اخفق البيضة مع السكر والزيت والزبدة والفانيليا والملح
- اخلط الدقيق والبيكنج بودر والفواكه المجففة وضيفهم لخليط البيض وقلب كويس
- ضيف اللبن الدافي وقلب برفق لحد ما الخليط يتجانس
- وزع الخليط في القالب السيليكون ودخله الفرن لمدة 25 دقيقة على درجة حرارة 180
كب كيك دايت
المكونات
- 3 كوبايات مياه
- كوبايتين دقيق شوفان
- 2 بيضة
- معلقة صغيرة فانيليا
- 3 معالق عسل
- معلقة صغيرة بيكربونات الصوديوم
- تلت أربع كوباية زيت زيتون
- كوبايتين زبيب
- نصف معلقة صغيرة ملح
- معلقتين صغيرين قرفة
- كوباية عين جمل مفروم
- كوباية عصير تفاح غير محلى
الطريقة
- ارفع الزبيب مع المياه على نار متوسطة لحد ما يشرب المياه وسيبه يبرد
- اخلط البيض مع عصير التفاح والزيت والفانيليا والعسل وضيف الدقيق وبيكربونات الصوديوم والملح والقرفة
- قلب كل المكونات لحد ما تبقى متجانسة وضيف الزبيب وعين الجمل
- وزع الخليط في القوالب ودخلها الفرن لمدة ساعة على درجة حرارة 180
كب كيك مالح
المكونات
- 4 بيضات
- كوباية دقيق
- ربع كيلو بطاطس مسلوقة ومهروسة
- ربع كوباية بقدونس مفروم
- كوباية لبن حليب
- ربع كوباية زيتون مفروم
- معلقة صغيرة زعتر
- ربع كوباية فلفل ألوان مفروم
- ملح وفلفل أسود
- نص كوباية زيت
- معلقة كبيرة بيكنج بودر
- نص كوباية جبنة موتزاريلا وجبنة شيدر مبشورة
الطريقة
- اخفق البيض مع الزيت واللبن
- ضيف البطاطس والدقيق والبكينج بودر والبقدونس والزعتر والزيتون والفلفل والجبن
- تبل الخليط بالملح والفلفل الأسود (اختياري ممكن تضيف بابريكا)
- وزع الخليط على القوالب ودخلها الفرن على درجة حرارة 200 لمدة 25 -30 دقيقة
