فوايد الخميرة وأنواعها وطرق استخدامها المختلفة

الخميرة بتستخدم أساسا في صناعة المخبوزات والحلويات، وهي عبارة عن فطريات وحيدة الخلية خاملة بتنمو بعد وضعها في المياه، وبيتم تصنيعها من اللبن الحامض ومن التمر والدقيق الأبيض والأسمر والملح ومياه سلق البطاطا، وكمان بتعتبر مادة بروتينية من الناحية الغذائية وغنية بالمعادن. 

الفرق بين الخميرة البيرة والفورية

الخميرة البيرة

• تسميتها جات نتيجة استخدامها زمان في تصنيع البيرة من الشعير أو التفاح أو العنب
• بتتباع في محلات العطارة والسِرجة في شكل مستطيل شبه الحلاوة
• بتتحفظ في الفريزر وممكن تقطعها مكعبات
• في منها سائل أو أقراص وطعمها مر
• غنية بعناصر غذائية زي البروتينات وفيتامين ب والحديد والزنك والماغنسيوم
• هتحتاج تدوبها في سائل (لبن/ مياه) مع سكر عشان تستخدها في العجن

الخميرة الفورية

• بتتميز بإنها سريعة الفوران
• مش بتحتاج تدوبها في سائل قبل استخدامها
• بتكون حبيبات صغيرة مجففة ناعمة زي الملح أو جافة زي حبيبات السكر
• بتتباع في أكياس صغيرة وبتضاف على مكونات العجينة على طول

فوائد الخميرة الصحية 

• بتستخدم في تخمير المعجنات
• مفيدة كماسك للبشرة في التخلص من حب الشباب وتوحيد لونها وشدها والتخلص من التجاعيد
• تقوية الأظافر 
• بتمد الجسم حيوية ونشاط
• مفيدة للشعر لأنها بتعالج الشعر الخفيف وتنعم ملمسه وتقلل التساقط، وبتحافظ على فروة الرأس من الزيوت الزيادة
• زيادة الوزن
• بتقلل اصفرار الأسنان
• بتحتوي على مادة الكروم اللي بتساعد في تزويد فاعلية الأنسولين وده بيساهم في خفض سكر الدم وتنظيمه لمرض السكري 
• بتحارب البكتيريا المسببة لالتهابات الأمعاء، وبتحفز الإنزيمات المعوية اللي بتساعد في تخفيف الإسهال وعلاجه
• بتساهم في التخفيف من أعراض متلازمة ما قبل الدورة الشهرية وآلامها
• بتساهم في محاربة عدوى وأمراض الجهاز التنفسي العلوي، والدراسات قالت إن تناول الخميرة بيقلل خطر الإصابة بالإنفلونزا
• علاج بعض المشكلات الجلدية وزي حب الشباب لأنها بتحارب البكتيريا المسببة لها
• بتساعد على شفاء الجروح والحروق بشكل أسرع
• بتساعد في الحصول على البروتين الكافي لتشكيل العضلات
• بتحتوي على الألياف اللي بتقلل خطر الإصابة بالسكتات الدماغية وأمراض القلب من خلال خفض الكولسترول

استخدامات الخميرة