المحتويات
فوائد الكركديه كتير على الصحة وبيعتبر من الأعشاب الرئيسية اللي بيعتمد عليها الطب البديل في علاج أمراض كتير، وعشان كده مهم تعرف فوايده وأضرار الإفراط فيه.
مشروب الكركديه
- المكونات:
- كوباية كركديه
- 4 كوبايات مياه
- كوباية ونص سكر (ممكن تزود حسب الرغبة)
- الطريقة:
- نقي الشوائب من الكركديه وضيف عليه المياه وارفعه على النار
- ضيف السكر وقلب لحد ما السكر يدوب ويغلي الخليط
- سيب الكركديه يبرد في التلاجة 3 ساعات قبل ما تصفيه
طريقة تحضير الكركديه بالنعناع والليمون
- المكونات:
- كوبايتين مشروب كركديه
- كوبايتين مياه غازية أو مياه فوارة (صودا)
- حبة ليمون مقطعة شرايح
- سكر (حسب الرغبة)
- ربع كوباية صغيرة أوراق نعناع
- الطريقة:
- اخلط كركديه مع المياه الغازية أو المياه الفوارة
- اخلط السكر مع شرايح الليمون وأوراق النعناع عشان تعزز نكهتهم وضيف خليط الكركديه وقلب لحد ما تتأكد إن السكر داب
الفرق بين الكركديه السخن والمنقوع
- دراسات قالت إن الكركديه (بشكل عام) له تأثير في خفض ضغط الدم
- الخبراء بيأكدوا إن الكركديه البارد أفضل لمرضى الضغط وإن شرب عصير الكركديه البارد بيقلل ضغط الدم لمدة 15 دقيقة أكتر من المغلي
- بيحتوي الكركديه على (الأنثوسيانين) اللي بيقلل نشاط إنزيم (الأنجيوتنسين) وبيخفض ضغط الدم وحسب كلام الخبراء فممكن الغلي أو التسخين يضعفوا الخاصية دي
- لكن الموضوع محتاج دراسات أكتر عشان تدرس بالتحديد سبب ضعف الخاصية دي عند التسخين ونسبة ضعفها وإذا كانت مؤثرة على فوايد الكركديه بنسبة كبيرة ولا لأ
فوائد الكركديه
- بيحافظ على صحة الكبد وبيقلل إنتاج الإنزيمات المسؤولة عن سموم الكبد
- بيظبط مستويات ضغط الدم وبالتالي بيحمي الشخص من الإصابة بالسكتات الدماغية والجلطات
- بينظم درجة حرارة الجسم خصوصًا مع ارتفاع درجة الحرارة في فصل الصيف
- بيقلل فرص الجفاف وبيعوّض الجسم عن السوايل اللي فقدها خلال الحر بسبب العرق
- غني بمضادات الأكسدة وبيساعد على امتصاص الحديد في الجسم
- بيحارب أمراض الشيخوخة وبيحمي من التهاب المفاصل والعظام
- بيقلل فرص الإصابة بأمراض القلب والسرطانات خصوصًا سرطان المعدة
- شربه باستمرار بدون سكر بيقلل نسب الكوليسترول والدهون الثلاثية في الدم وبيساعد على التخسيس وإنقاص الوزن
- بيضعف الفيروسات والميكروبات اللي بتدخل الجسم وبيقلل قدرتها على تكوين الالتهابات لأنه غني بمركب البوليفينول وحمض الكافيين اللي خبراء كتير أكدوا على مكافحتهم للفيروسات
أضرار الإفراط في تناوله
- بيقلل مستويات ضغط الدم لو شربته بكميات كبيرة بدون أكل أو شرب لفترة طويلة
- غير آمن على مرضى السكر ولازم يشربوه بحذر شديد وبعد استشارة طبيب متخصص
- الخبراء بيأكدوا إن أدوية الملاريا بتتعارض مع الكركديه وبتقلل تأثيره
- الدراسات بتقول إنه غير محبب للحوامل الإفراط في تناوله لأنه بيساعد أحيانًا في تمدد الأوعية الدموية زيادة عن اللزوم أو انخفاض الدم الكبير اللي ممكن يضر صحة الحامل
- بعض الأعراض الجانبية بتواجه الأشخاص اللي بيشربوا كركدية بكميات كبيرة زي:
- الإمساك والغازات وآلام البطن والغثيان
- الصداع المستمر لفترات طويلة
- التهابات الجلد وآلام التبول
