فوائد القهوة: الوقاية من الزهايمر وداء سكري 2

فوائد القهوة متعددة، لأنها غنية بمضادات الأكسدة والعناصر المفيدة، وبتختلف حسب نوعها وطريقة تجهيزها، وتقدر تستفيد بيها في حالة تناولها بالكميات وفي الأوقات المناسبة ليها.

فوائد القهوة لإمدادك بالطاقة

• الكافيين اللي في القهوة محفز للجهاز العصبي وبيزود مستوى الطاقة والتركيز وبيقلل الشعور بالضعف والكسل
• بعد وصول الكافيين للدماغ، بيمنع الكافيين مستقبلات الأدينوسين (بتسبب الشعور بالنعاس وانخفاض الطاقة) وبالتالي الشعور بالطاقة واليقظة

فوائد القهوة لصحة العقل

الدراسات أثبتت إن القهوة ليها دور في تحسين صحة العقل والذاكرة والحالات المزاجية وسرعة رد الفعل

القهوة لحرق الدهون

• الكافيين من المواد الطبيعية القليلة اللي الدراسات أثبتت إنها بتساعد على حرق الدهون
• بيساعد على زيادة معدل الحرق من 3-11% 
• دراسات تانية قالت إنه بيعلي معدل الحرق بنسبة 10% عند الأشخاص المصابة بالسمنة ونسبة 29% عند الأشخاص اللي وزنهم مظبوط

فوائد القهوة لتحسين الأداء الجسماني

• القهوة بتزود معدل الدوبامين في الجسم (الهرمون المسؤول عن الشعور بالسعادة والنشاط)
• الكافيين بيساعد على تكسير دهون الجسم وبالتالي وجود أحماض دهنية حرة كمصدر لطاقة الجسم
• وده يثبت إن الكافيين بيحسن الأداء الجسماني بمتوسط 11-12% 
• اشربها قبل ممارسة الرياضة بحوالي نص ساعة

القهوة وعناصرها الغذائية

كل كوب قهوة فيه:

• 11% من احتياجك اليومي من فيتامين ب2
•  6% من احتياجك اليومي من فيتامين ب5
• 3% من احتياجك اليومي من المنجنيز والبوتاسيوم
• 2% من احتياجك اليومي من فيتامين ب3 والمغنيسيوم
• فوائد القهوة للوقاية من خطر الإصابة بداء السكري 2
• الدراسات أثبتت إن الأشخاص المنتظمة على شرب القهوة بيقل عندهم فرص الإصابة بداء السكري 2 من 23-50%

القهوة للوقاية من الزهايمر وانحدار الذاكرة

الدراسات أثبتت إن نظام الأكل الصحي مع ممارسة الرياضة وشرب القهوة بانتظام بيقلل خطر الإصابة بالزهايمر لحد 65%

القهوة للوقاية من داء باركنسون

• داء باركنسون هو تاني أكتر اضطراب يصيب الجهاز العصبي بعد الزهايمر، وأسباب الإصابة بيه هو نقص ناقل عصبي في الدماغ اسمه الدوبامين 
• الدراسات أثبتت إن القهوة بتقلل خطر الإصابة بيه من 32-60% 

فوائد القهوة للكبد

• أمراض كتير بتصيب الكبد زي التهاب الكبد C والكبد الدهني، وبيسببوا تلفه مع الوقت
• القهوة بتساعد في الوقاية وتقليل خطر الإصابة بالتليف الكبدي في حالة شرب 4 أكواب قهوة يوميا بحوالي 80%

القهوة للوقاية من الاكتئاب 

• دراسة في جامعة هارفارد أثبتت إن 4 أكواب قهوة أو أكتر في اليوم بتقلل فرص الإصابة بالاكتئاب بحوالي 20% 
• وإن الأشخاص اللي بيشربوا 4 أكواب قهوة أو أكتر يوميا بيقل عندهم خطر الموت بالانتحار بحوالي 53%

القهوة والوقاية من السرطان

• السرطان واحد من أعلى أسباب الوفاة في العالم، وبعض الدراسات أثبتت فعالية القهوة في الوقاية من سرطان الكبد والقولون
• سرطان الكبد هو تالت مسبب للموت من بين أنواع السرطان، وسرطان القولون هو الرابع
• الدراسات أثبتت إن القهوة بتقلل خطر الإصابة بسرطان الكبد بحوالي 40%، وشرب من 4-5 أكواب قهوة يوميا بيقلل خطر الإصابة بسرطان القولون بحوالي 15%

القهوة وارتفاع ضغط الدم وتقليل خطر الإصابة بالسكتة الدماغية

• متعارف عن القهوة إنها بتسبب ارتفاع ضغط الدم، وده حقيقي لكن بنسبة قليلة بس مهم تاخد بالك لو كنت مصاب بارتفاع ضغط الدم
• بعض الدراسات أثبتت إن الانتظام على شربها ممكن يقلل خطر الإصابة بالسكتة الدماغية بحوالي 20%

فوائد القهوة لإطالة العمر

• بما إن بعض الدراسات تناولت العلاقة بين القهوة وقلة الإصابة بالأمراض، فهي ممكن تساعدك تعيش مدة أطول
• بعض الدراسات أثبتت إنها بتقلل خطر الوفاة بنسبة 20% عند الرجال و26% عند السيدات 
• الظاهرة دي كانت بالأخص عند الأشخاص المصابة بداء السكري 2، لأن دراسة على مدار 20 سنة أثبتت إن المصابين بداء السكري 2 المنتظمين على شرب القهوة قلت عندهم فرص الوفاة بحوالي 30%

القهوة كمضاد للأكسدة

• بعض الدراسات أثبتت إن الأشخاص بياخدوا مضادات أكسدة من القهوة أكتر من الخضار والفاكهة
• القهوة غنية بمضادات الأكسدة  اللي بتساعد في الوقاية من الأمراض وتلف خلايا وأنسجة الجسم وإنها من أفيد المشروبات

الكمية المناسبة من القهوة

• 4-5 أكواب قهوة يوميا (400 مجم من الكافيين) كمية مناسبة لتجنب ظهور أعراض جانبية متعبة، لكن الكمية بتختلف في حالة الحمل والرضاعة فلازم تستشتيري دكتور
• الشكل الأصح للقهوة هي القهوة الخالية من الحليب السكر (بلاك) لأن سعراتها الحرارية 2 وغنية بمضادات الأكسدة

الأعراض الجانبية لشرب كمية زيادة من القهوة

الكمية الزايدة من الكافيين ممكن تسبب:

• زيادة معدل ضربات القلب
• ارتفاع ضغط الدم
• الأرق
• القلق
• السمنة في حالة إضافة السكر والفانيليا والسيرب والنكهات المختلفة

مخاطر شرب القهوة بكميات زايدة

• بعض الدراسات أثبتت إن السيدات اللي بيشربوا القهوة بكميات زايدة بتزيد عندهم خطر كسور العظام
• في علاقة بين شرب القهوة بكميات زايدة وبين قلة فرص الحمل وقلة وزن الطفل عند الولادة والولادة المبكرة
• ارتفاع خطر الإصابة باضطراب الارتجاع المريئي
• الإصابة باضطراب القلق 
• حدوث تغييرات في المخ في حالة شربها بكميات زايدة في مرحلة المراهقة