المحتويات
فوائد الفجل متنوعة لأنه غني بمضادات الأكسدة والفيتامينات والمعادن الضرورية لتقوية المناعة وتهدئة السعال والحفاظ على مستويات الضغط المعتدلة.
العناصر الغذائية في الفجل
- الخبراء بيقولوا إن 100 جرام فجل فيهم:
- 16 سعر حراري
- 0.68 جرام بروتين
- 0.10 جرام دهون
- 1.6 جم ألياف غذائية
- 14.8 مليجرام فيتامين C
- 233 مليجرام بوتاسيوم
- 39 مليجرام صوديوم
فوائد الفجل لتقوية المناعة
- الدراسات بتقول إن الفجل بيقوي المناعة لأنه غني بفيتامين ج اللي بيعتبر من مضادات الأكسدة اللي بتحارب الجذور الحرة وبيقوي صحة المناعة ضد الميكروبات
- وبالتالي بيعتبر من أكتر الأطعمة اللي بتحمي من الإصابة بنزلات البرد والأنفلونزا
- مضادات الأكسدة بتحمي من أمراض القلب والتهاب المفاصل ومن أي عدوى فيروسية أو بكتيرية
- الخبراء بيأكدوا إنه من الأطعمة الطاردة للبلغم وبيقلل فرص الإصابة بضيق التنفس
الفجل وتحسين صحة الجلد
- تناوله في شكله الطازج أو في شكل عصير بيعالج حب الشباب وبيزوّد تركيز الكولاجين اللي بيحافظ علي نضارة الجلد والبشرة
- بيساعد على ترطيب البشرة والتخلص من سمومها
- بعض الخبراء بيقولوا إنه مطهر طبيعي للبشرة وبالتالي ممكن تمرره عليها مباشرة لتحقيق أكبر استفادة
- دوره رئيسي في علاج لدغات الحشرات والتعافي منها
فوائد الفجل للتخسيس
- الفجل من الأطعمة اللي بتزوّد فرص إنقاص الوزن وحرق الدهون لأن سعراته منخفضة وبيحتوي على مياه بكمية كبيرة بتساعد على الشبع
الفجل وتحسين صحة الجهاز الهضمي
- بيحتوي الفجل على مواد كيميائية طبيعية بتطهر المعدة زي الفلافونيدات (Flavonoid) والإندولات (Indoles) واللوتين (Lutein) والبيتا كاروتين (Beta carotene)
- بتقلل تراكم السموم في الجسم بجانب مضادات الأكسدة اللي بتطرد أي جذور حرة مضرة لخلايا الجهاز الهضمي
الوقاية من السرطان عن طريق الفجل
- بيحتوي على مغذيات وألياف ومعادن بتحمي خلايا الجسم وبتقلل فرص انتشار الأورام بين الخلايا أو السيطرة على أي نمو غير طبيعي للأورام
فوائد الفجل للحامل
- بيعتبر من مصادر الكالسيوم اللازمة لنمو عظام وعضلات الجنين وحمض الفوليك اللي بيحمي الجنين من خطر التشوهات والعيوب الخلقية
- بجانب فوائده لحماية الحامل من الإمساك خصوصًا إنه غني بالألياف الغذائية
- مصدر رئيسي للبوتاسيوم والحديد اللي بينشطوا الدورة الدموية
أضرار الإفراط في تناول الفجل
- بعض الأشخاص بتظهر عندهم أعراض حساسية وقت تناول الفجل زي حكة الجلد واضطرابات الجهاز الهضمي
- بيسبب بعض الاضطرابات في الجهاز الهضمي زي الغازات والانتفاخ والآلام
- بيتداخل مع هرمون الغدة الدرقية وبالتالي ممنوع تناوله لأي شخص بيعاني من اضطراب في نشاط هرمون الغدة الدرقية
- تناول فجل مش مغسول كويس بيزوّد خطر الإصابة بالتسمم الغذائي والسالمونيلا
