المحتويات
فوائد العسل الاسود متنوعة ومتعددة لأنه غني بالعناصر الغذائية المفيدة، بس افتكر إن الإفراط في تناوله على مدار فترات طويلة بيقلل القدرة على الاستفادة منه وممكن يسبب أضرار خطيرة على الصحة.
طريقة تصنيع العسل الأسود
- بيتجمع القصب في أماكن جافة بعد حصاده لضمان جفاف الأعواد تمامًا
- بيدخل القصب بعدها في آلات عالية الجودة لعصر القصب عن طريق استخراج العصير من الألياف
- بعدها بيمر عصير القصب بعملية تصفية لتنقيته من الشوائب عبر مصفات خاصة
- بيتحط العصير النقي الخالي من الشوائب في أواني فخارية وبيتحط على درجة حرارة مظبوطة بدقة
- الهدف من تسخين عصير القصب هو زيادة نسبة لزوجته لكن بدرجة معيّنة من خلال ظبط درجة الحرارة
- أي زيادة في درجة الحرارة ممكن تغير في قوامه وشكله ولونه
- بيتضاف بعدها الليمون بنسبة بسيطة جدًا (واحد في الألف) للحفاظ على العسل الأسود أطول فترة ممكنة
- وبعد التأكد من الوصول للشكل والقوام المثالي بيتحط العسل الأسود في أماكن للتبريد قبل توزيعه في برطمانات لبيعه
فوائد العسل الاسود
- الدراسات بتقول إنه غني بمضادات الأكسدة اللي بتحمي من الإصابة بأمراض زي السرطان والروماتويد
- غني بالفيتامينات ومن أهمها فيتامين B6 اللي دوره أساسي في تنظيم عملية التمثيل الغذائي وبيظبط مستوى الهرمونات في الجسم
- بيحتوي على هرمون السيروتونين واللي كتير من العلماء بيسمّوه هرمون السعادة، وبالتالي من فوائد العسل الأسود تحسين المزاج وتقليل الإحساس بالقلق والتوتر
- بيحسن من ردود أفعال جهاز المناعة داخل الجسم وبينشط كرات الدم البيضاء اللي بتساعد على مقاومة البكتيريا والأمراض
- بيخفف آلام وتشنجات الدورة الشهرية عند السيدات وبيقلل أعراض متلازمة ما قبل الحيض
- العسل الاسود غني بالكالسيوم والمغنيسيوم والبوتاسيوم، وبالتالي دوره أساسي في تقوية العظام والحفاظ على صحتها
- بيمنع ارتفاع السكر بشكل كبير بعد تناوله، عكس السكر الطبيعي، ولكن ضروري تناوله بكميات محدودة عشان تحقق أكبر استفادة وتتجنب أضراره
- بيحمي من فقر الدم وبيحافظ على احتياج الجسم الطبيعي من الحديد
- الجمعية الطبية الأمريكية بتقول إنه دوره أساسي في الحفاظ على ضغط دم معتدل وضربات قلب منتظمة
نتايج الإفراط في تناول العسل الأسود
- ارتفاع مستويات السكر في الدم نتيجة تناوله يوميًا وبكميات كبيرة
- تناوله بكميات كبيرة بيزوّد الوزن وبينتج عنه بعض الأمراض المرتبطة بالسمنة زي السكر وتصلّب الشرايين
- اضطربات في المعدة لبعض الأشخاص ممكن تتطور لقيء وغثيان
- أحيانًا بيزود درجة ميوعة الدم وممكن يبقى السبب في زيادة الدم المفقود وقت الدورة الشهرية
عناصر وفوائد العسل الاسود
كل 20 جرام فيهم:
- المنجنيز بنسبة 13%
- المغنيسيوم 12%
- الحديد 5%
- الكالسيوم 3%
- البوتاسيوم 6%
- السيلينيوم 6%
- فيتامين B6 بنسبة 8%
- النحاس 11%
طريقة التخزين الصحيحة للعسل الاسود
- احفظه في درجة حرارة الغرفة أو في التلاجة ومهم يكون في عبوته الأصلية عشان تتجنب فقدان الطعم
- مكان التخزين لازم يكون بارد ومضلم بعيد عن مصادر الحرارة أو الرطوبة
- تجنب تخزينه في الفريزر لأنه هيتقله وممكن يسبب نمو العفن
- امسح بقايا العسل من العلبة والغطاء بعد كل استخدام
- تجنب وضعه في الميكروويف في حالة تخزينه في التلاجة.. اعمله حمام مياه سخنة أو سيبه بره قبلها بساعتين
