المحتويات
الجلوتين هو بروتينات طبيعية موجودة في أطعمة كتير زي الدقيق الأبيض والشعير، وبيأذي الأشخاص المصابة باضطرابات هضمية زي داء البطني.
فوائد الخبز الخالي من الجلوتين
الابتعاد عن الأطعمة الغنية بيه واستخدام بدايل للخبز العادي تكون خالية من الجلوتين ليه تأثيرات إيجابية على الصحة، زي:
- بيساعد على التحكم في أعراض الداء البطني مع تجنب الأطعمة التانية الغنية بيه في نظام غذائي محدد
- بيخفف الأعراض اللي بتظهر على الشخص لو بيعاني من مشاكل صحية زي حساسية الجلوتين ورنح الجلوتين والتهاب الجلد الهربسي
- في حالات تانية بيكون مفيد ليها زي متلازمة القولون المتهيج وحساسية القمح والفصام والسكري من النوع الأول
- بيساعد على إنقاص الوزن
- بيحسن صحة الجهاز الهضمي بشكل عام
- بيساعد في تحسين الأداء الرياضي
- مهم تختار الأنواع الصحية الخالية من الكربوهيدرات والسكر العالي عشان يكون اختيار صحي
- لو بتعاني من حساسية منه أو داء البطني، أكله هيسبب أعرض مزعجة زي الانتفاخ والغازات والامتناع عنه هيقللهم مع الوقت
- الإصابة بداء البطني بيسبب أعراض غير مرتبطة بالجهاز الهضمي زي التهاب المفاصل في الركبتين والإيد، والامتناع عنه هيقلل الآلام مع الوقت
- الأنواع المخبوزة من مكونات صحية زي دقيق اللوز مع إضافة مكونات صحية زي بذر الكتان بيزود بيمد الجسم بكمية كبيرة من الألياف
سلبيات اختيار خبز خالي منه
على الرغم من إنه مفيد للأشخاص المصابة باضطرابات هضمية زي حساسية الجلوتين، إلا إنه مش دايما أفضل للأشخاص اللي لا يعانوا من مشاكل صحية مرتبطة بيه
في سلبيات للاعتماد عليه زي:
- لا يمد الجسم بالألياف الكافية اللي محتاجها
- في بعض الأنواع غير خالية تماما منه وبالتالي بتسبب ظهور بعض أعراضه الجانبية
- الأنواع الجاهزة منه ممكن يكون فيها نسبة عالية من السكر والكربوهيدرات والدهون
- تكلفته أعلى من الخبز العادي
طريقة عمل الخبز الخالي من الجلوتين
المكونات:
3/4 كوب دقيق درة
كوب دقيق رز
2 معلقة كبيرة سكر
معلقتين صغيرين ونص بيكنج باودر
معلقة كبيرة زبدة
حبتين بيض
كوب حليب
معلقتين كبار زبدة مذابة
رشة ملح
طريقة التحضير
سخن الفرن على درجة حرارة 200
امزج المكونات الجافة مع بعض
اخلط كل المكونات السايلة مع بعض وبعدين اخلطهم مع المكونات الجافة
وزع معلقة كبيرة من الزبدة في صينية التوست وبعدين صب الخليط في الصينية
دخلها الفرن لمدة 20 دقيقة
