فوائد الحلبة: ضبط مستوى السكر في الدم وتقليل تقلصات الدورة الشهرية

فوائد الحلبة معروفة من سنوات كتير، لأنها بتستخدم في العلاجات التقليدية في أماكن زي شرق آسيا، وهي مكون أساسي في الأطباق الهندية ، وليها أشكال مختلفة سواء مطحونة أو مكملات غذائية.

الحلبة وعناصرها الغذائية

كل معلقة كبيرة (11 جم) فيها:

• 35 سعر حراري
• 3 جم ألياف وبروتين
• 6 جم كربوهيدرات
• 1 جم دهون
• 20% من احتياجك اليومي من الحديد
• 7% من احتياجك اليومي من المنجنيز
• 5% من احتياجك اليومي من الماغنيسيوم

فوائد الحلبة لإدرار حليب الثدي

الدراسات أثبتت إن الحلبة بديل مناسب لأدوية إدرار الحليب في الثدي، فهي بتزود حليب الثدي بمعدل حوالي 73 مللي 

فوائد الحلبة لزيادة معدل التستوستيرون عند الرجال

• الدراسات أثبتت إن الانتظام على مكملات الحلبة الغذائية زودت معدل التستوستيرون والرغبة الجنسية عند الرجال 
• ساعدت في زيادة القدرة الجنسية ومدة الاستمتاع 

الحلبة لضبط مستوى السكر في الدم

• الدراسات أثبتت إن تناولها مطحونة على الغداء والعشاء بيقلل مستوى السكر العالي في الدم عند مرضي السكر بنوعين 1 و2 والكوليسترول الضار والدهون الثلاثية في الجسم
• الأطباء قالوا إن ده بسبب كمية الألياف في الحلبة وقدرتها على ضبط الأنسولين 

الحلبة لتسكين آلام الدورة الشهرية

شرب مغلي الحلبة 3 مرات يوميا في بداية الدورة الشهرية بيقلل الآلام المصاحبة ليها وتقلصات المعدة

فوائد الحلبة للجهاز الهضمي

• بعض الدراسات أثبتت دورها في تقليل آلام المعدة والحموضة
• بتحمي الجهاز الهضمي من الإصابة باضطرابات زي الإمساك والإسهال والانتفاخ بسبب كمية الألياف والسكريات غير النشوية اللي فيها زي مكون البكتين اللي بيسرعوا حركة الأمعاء وبيزودوا امتصاص العناصر الغذائية

فوائد الحلبة المحتملة

في فوائد تانية ليها ولكن الدراسات عليها لسه مبدئية أو كانت على عدد محدود من الناس 

فوائد الحلبة لسد الشهية

ليها دور في تقليل مستوى الدهون في الجسم وسد الشهية بحوالي 17%

الحلبة كمضاد للالتهاب

بعض الأبحاث أثبتت إن فيها خصائص مضادة للالتهاب وبالتالي بتحمي الجسم من الإصابة بأمراض خطيرة زي أمراض القلب 

فوائد الحلبة للبشرة

بعض الأبحاث أثبتت دورها في علاج مشاكل البشرة زي الإكزيما وآثار الحروق لأن فيها مضادات أكسدة وفيتامين ج ولكنها قليلة

الكمية المناسبة من الحلبة

الدراسات اختلفت في تحديد الكمية المناسبة من الأشكال المختلفة للحلبة ولكن في خطوط عامة ممكن تلتزم بيها زي:

• الحلبة الحبوب: 5-2 جم كافي
• مستخلص الحلبة: 100-500 مجم
• أفضل وقت لتناول مكملات الحلبة الغذائية هي وسط اليوم أثناء الوجبة اللي فيها أكبر كم من الكربوهيدرات لأنها بتساعد في ضبط مستوى السكر في الدم

الأعراض الجانبية لتناول الحلبة

• تغير في رائحة الجسم
• فقدان الوزن وسد الشهية
• العصبية
• احتمالية الإجهاض
• هبوط مستوى السكر في الدم عند تناولها بكميات كبيرة
• عسر الهضم
• الإسهال

تفاعل الحلبة مع أدوية تانية

• الحلبة بأشكالها الحبوب والمكملات الغذائية ممكن تتفاعل مع أدوية تانية زي:
• أدوية علاج داء السكري خاصة عند استخدامها بشكل مفرط لأنها بتسبب خفض مستوى السكر في الدم
• الأدوية المضادة للتخثر زي الأسبرين