فوائد الجمبري متنوعة خصوصًا إنه غني بالمعادن والبروتينات والفيتامينات الضرورية لصحة جسم الإنسان، وبتوصل أنواعه لأكتر من 2000 نوع في العالم وبتختلف أطواله حسب نوعه.
القيمة الغذائية في الجمبري
الدراسات بتقول إن القيمة الغذائية في الجمبري كبيرة ومتنوعة لأنه قليل السعرات الحرارية وغني بالعناصر الغذائية.. في كل 100 جرام من الجمبري:
- 85 سعر حراري
- 20 جرام بروتين
- 0.5 جرام دهون
- 161 مليجرام كوليسترول
- 64 مليجرام كالسيوم
- 35 مليجرام مغنيسيوم
- 214 مليجرام فسفور
- 264 مليجرام بوتاسيوم
- 566 مليجرام صوديوم
- 1.3 مليجرام زنك
- 29 ميكروجرام سيلينيوم
- 1.1 ميكروجرام فيتامين B12
- 19 ميكروجرام حمض الفوليك
فوائد الجمبري الصحية
- بينشّط الإنزيمات اللي دورها أساسي في إتمام العمليات الحيوية داخل الجسم والتفاعلات الكيميائية اللي بتساعد الجسم على القيام بمهامه
- بعض البروتينات داخل جسم الإنسان بتعتمد على الزنك وبعض العناصر الغذائية التانية واللي الجمبري غني بيها عشان تنظم مستويات الطاقة والنشاط الجيني وبتدعم الجهاز المناعي
- غني بمضادات الأكسدة وبيحتوي على مادة السيلينيوم الضرورية لمقاومة السرطان وتنشيط عمليات الأيض في الجسم
- بيمنع السيلينيوم نمو الأورام أو أي أوعية دموية بتغذي الورم
- غني بفيتامين A الضروري لتطوير خلايا الدم الحمراء وبيساعدها على اكتساب الحديد لنقل الأكسجين لكل أعضاء الجسم
- بيعوض نقص فيتامين D ودراسات كتير بتقول إن نقصه بيساعد على زيادة الوزن وبالتالي أكل الجمبري بشكل صحي (مشوي) بيقلل فرص زيادة الوزن
- بيحتوي على هرمون اللبتين اللي دوره أساسي في تنظيم تخزين الدهون وبيقلل الشهية
- بينظم عمل الغدة الدرقية وبيحميك من الإصابة بأمراضها لأنه بينظم نشاطها
- بيحسن صحة الشعر وفروة الرأس والجلد
- تناول كميات محدودة منه بيقلل فرص الإصابة بأمراض القلب والأوعية الدموية وبيقوي صحة العظام والعضلات
أضرار الإفراط في تناوله
- الإفراط في تناوله أحيانًا بيزوّد فرص ارتفاع الكوليسترول رغم إن أغلب الدهون اللي فيه مفيدة
- بيحتوي على نسبة صوديوم عالية وبالتالي ممكن يبقى خطر على مرضى القلب والأوعية الدموية والضغط وزيادة فرص احتباس السوائل في الجسم
- رائحة الأمونيا اللي بتبقى ظاهرة في أحد أنواعه ممكن تبقى دليل على نمو بكتيريا فيه ممكن تسبب أمراض خطيرة لو تناولته
- أحيانًا بيسبب حساسية لبعض الناس اللي عندهم حساسية من السمك ومن أعراضها:
- تورمات الوجه واللسان
- صعوبة التنفس
- انخفاض ضغط الدم المفاجيء
- الحكة
- الطفح الجلدي المنتشر في كل أعضاء الجسم
