المحتويات
علاج حمو النيل أو حمى النيل الغربي وتشخيصه المبكر مهم لأن مضاعفاته ممكن تسبب أمراض خطيرة زي التهابات النخاع والسحايا والدماغ، بجانب إن دراسات كتير بتأكد إن أكتر من ٢/٣ المصابين بمضاعفات خطيرة بتفضل معاهم لمدة طويلة وبالتالي ضروري إتّباع طرق الوقاية لتجنب الإصابة بيه وعلاجه وقت ظهور الأعراض في أسرع وقت.
تعريف حمو النيل
- بينتمى فيروس حمى النيل الغربي (حمو النيل) لمجموعة فيروسات معروفة اسمها (Flaviviruses) وهي من الفيروسات المنتشرة في أفريقيا وغرب آسيا وأوروبا والشرق الأوسط
- بتنتقل أغلب الفيروسات دي عن طريق لدغات الحشرات أو القرود أو الناموس
- اكتشف العلماء أول حالة إصابة بالفيروس في منطقة النيل الغربي في أوغندا وبالتالي اتسمت بالنيل الغربي
- الخبراء بيأكدوا إنها بتنتقل من الطيور للإنسان وبالتحديد عن طريق لسعة ناموسة من النوع (Culex)
الأعراض
- الدراسات بتأكد إن أغلب المصابين بحمو النيل بتظهر عليهم أعراض خفيفة
- لكن في بعض الأحيان وقت شدة الأعراض بيحتاجوا لرعاية طبية فورًا وقت شدة الأعراض ومن أكتر الأعراض المنتشرة:
- ارتفاع درجة الحرارة
- صداع شديد
- آلام في الجسم كله
- الإحساس بالإرهاق والضعف العام
- القيء والإسهال
- الطفح الجلدي
- بعض المرضى بيعانوا من اضطرابات حادة في الجهاز العصبي المركزي ممكن توصل للغيبوبة (بنسبة أقل من 1% من الأشخاص اللي بيصابوا بالمرض)
- بتطور بعض الأعراض زي الصداع وتيبس الرقبة والتوهان مع تشوش الرؤية
- مع الوقت بتحصل رعشة في العضلات وشلل الجزئي مع فقدان للبصر
- بتطور الأعراض في مدة من 5 لـ 15 يوم من ظهور الأعراض
طريقة الانتقال
- الخبراء بيأكدوا إن الانتقال عن طريق لسعة البعوض وإن التلامس المباشر مع الشخص المصاب بيها مش بينقل العدوى
- في بعض الحالات النادرة بينتقل من الأم للطفل الرضيع أو من الحامل للجنين وبعض الحالات سجلت عدوى عن طريق نقل الدم
علاج حمو النيل
- مفيش علاج محدد للإصابة بحمى النيل الغربي أو حمو النيل لكن جهاز المناعة بيقاوم الفيروس تلقائيًا
- أحيانًا بيضطر الطبيب لوصف علاج مهديء للأعراض قبل تفاقمها اللي ممكن يسبب أمراض خطيرة
- بيحتاج أغلب المرضى لتلقى كمية سوائل كبيرة أو أدوية تخفف أعراض ممكن تظهر زي الالتهاب الرئوي والتهاب المسالك البولية
- بعض الدراسات بتدرس استخدام الإنترفيرون (Interferon) أو الريبافيرين (Ribavirin) لعلاج التهابات الدماغ اللي بتنتج عن الفيروس
- في الحالات اللي بينتج عنها طفح جلدي شديد بيقترح بعض الأطباء دهن محلول كلامينا على منطقة الإصابة 3 مرات يوميًا مع جرعة محددة من دواء زيرتك أو تلفاست 180
- لازم تستشير طبيب متخصص عشان يوصفلك الجرعات المطلوبة من الأدوية
الوقاية
- بلاش تلف الطفل بطبقات ملابس متعددة خصوصًا مع ارتفاع درجة الحرارة
- افتح المروحة أو التكييف في الغرفة اللي إنت أو طفلك موجودين فيها
- اختار ملابس قطنية مناسبة لحرارة الصيف خصوصًا إنه بينتشر أكتر مع ارتفاع الحرارة
- الخبراء بيقولوا إن تدليك البشرة بقشر البطيخ بيساعد على تخفيف حدة الحكة الناتجة عن الإصابة
- استعمل طارد الناموس باستمرار
طرق للابتعاد عن الناموس
- ادهن فازلين أو جلسرين على جسمك عشان يبعد عنك
- أو مزيج زيت الليمون مع زيت الكافور مع بعض وادهنهم على المناطق المكشوفة في الجسم
- دراسة في جامعة تايوان بتأكد إن زيت القرفة بيبعد الناموس والأحسن تضيف منها نص معلقة على كوباية مياه
- زيت النعناع مع تخفيفه بزيت الكانولا لأن لوحده ممكن يسبب طفح جلدي
- استخدم المنتجات الطاردة في شكل سبراي بيترش على الجلد وابعده عن الوجه والعين
- تجنب رشها على الجروح والحروق أو أي طفح جلدي
- البس ألوان فاتحة خصوصآ وإنت خارج في درجة حرارة عالية
- التعرق الزايد بيفرز حمض اللاكتيك فبيجذب الناموس أكتر فاهتم تبعد عن أشعة الشمس واتخلص من العرق بسرعة
- وقت النوم غطي نفسك كويس خصوصا ودنك وحاول تلبس أكمام طويلة وشراب وركب ناموسية وقت النوم عشان تحميك لو الناموس كتير
خطوات طرد الناموس من البيت
- وزع ورق نعناع طازة أو مجفف في أركان المكان اللي عايز تطرد الناموس منه
- جفف لافندر ووزعه في أركان الغرفة أو رش زيت اللافندر على قطع قطن في أماكن تجمعهم
- ازرع ريحان في البلكونة أو أمام الشباك لأن ريحته بتبعد الحشرات عن البيت
- وزع أوراق أو زيت الزعتر على قطع قطنية لأن ريحته فعالة في طرد الناموس
- ضيف القرنفل في أنصاف ليمون ووزعها في أركان الغرفة وسيبها طول الليل
- لو المكان فيه كمية كبيرة من الناموس وزع قطع قطنية عليها زيت الكافور وسيبه في أركان الغرفة واقفلها عشان يختفي
- قطع حلقات البصل وحطها مع مياه في بخاخة ورشها حوالين الغرفة
- اخلط كميات متساوية من المياه وخل التفاح وضيف 15 نقطة من زيت النعناع أو اللافندر أو الليمون ورشها في أماكن تجمع الناموس
