المحتويات
علاج الكحة ضروري خصوصا مع اختلاف أنواعها وأسبابها ولكن نتيجتها واحدة، وبتسبب إحساس غير مريح للشخص وإهمال علاجها ممكن يسبب مضاعفات خطيرة على الصحة.
تعريف الكحة
- هي استجابة الجسم لشيء بيسبب تهيّج في الحلق أو في الممرات الهوائية، التهيج بيأثر على النهايات العصبية في الدماغ اللي بترسل للدماغ رسائل
- وقتها بيرسل الدماغ رسائل تانية لعضلات الصدر عشان تدفع الهواء من الرئتين لطرد الجسم أو الشيء سبب التهيج أو الإحساس غير المريح للخارج
- وبالتالي بيظهر سلوك الكحة اللي بيحاول يقاوم التهيج مهما كان سببه
- إهمال علاج الكحة ممكن يسبب مضاعفات خطيرة منها الإعياء والدوخة الشديدة والصدع وسلس البول وممكن تطور للقيء أو حتى انكسار بعض الأضلاع
أنواع الكحة
الكحة الرطبة
- بتكون بسبب وجود مخاط في الرئتين أو بسبب عدوى الأنفلونزا أو نزلة البرد أو التهاب الشعب الهوائية أو التدخين
- بيصاحبها أعراض زي:
- سيلان الأنف والتعب وضيق التنفس بتحس كأن شيء عالق في أخر الحلق أو في الصدر
- وبتختفي مع انتهاء العدوى ( من 3 لـ5 أسابيع)
- لكن لو استمرت لفترة طويلة بيكون بسبب انسداد رئوي مزمن بسبب تراكم البلغم (التدخين) والإصابة والتنقيط الأنفي الخلفي ووصول المخاط للحنجرة بسبب عدوى الجيوب الأنفية
الكحة الجافة
- خالية من البلغم وبتحصل كرد فعل تحسسي في حالات:
- الربو ووقتها بيصاحبها ضيق تنفس وبتزيد في فترة الليل وأثناء الرياضة أو القيام بمجهود
- الإرتجاع المعدي المريئي بسبب ضعف أو ارتخاء العضلة الفاصلة بين الحجاب الحاجز والمعدة وخروج حمض المعدة وده بيأدي لتهيج بطانة المريء والكحة
الكحة بسبب الأدوية
- بعض الأدوية بتسبب كحة جافة بشكل مؤقت بعد تناولها زي نوع لعلاج ارتفاع ضغط الدم (مثبطات الإنزيم المحول للأنجيوتنسين) ووقتها ضروري تستشير الدكتور لاستبدال الدواء بنوع أخر
كحة جافة تتحول لرطبة
- بعد تحولها لرطبة بيصاحبها مخاط أصفر أو أخضر نتيجة الإصابة بالالتهاب رئوي
- بيظهر معها أعراض تانية زي ارتفاع درجة حرارة الجسم وصعوبة وألم عند التنفس وقشعريرة
- استشارة الدكتور لوصف مضاد حيوي مناسب مع تناول شوربة الفراخ والمشروبات السخنة لتخفيف الكحة
مرض السعال الديكي
- بيشبه صوت الكحة صياح الديك وبيكون حاد ومؤلم وبتتشابه الأعراض مع نزلات البرد (انسداد وسيلان الأنف وارتفاع درجة حرارة الجسم)
علاج الكحة بالأعشاب
الجنزبيل
- بيساعد في تقليل الالتهاب زي التهابات الشعب الهوائية والحلق
النعناع
- فيه مادة المنثول اللي بيهدي الحلق والاحتقان وده بيكسر المخاط وممكن تشربه دافي أو تستنشقه باستخدام حمام بخار
أوراق الزعتر
- بيقلل التهاب القصبة الهوائية وبيخفف الكحة وحط معلقة صغيرة على مياه مغلية وغطيه 10 دقايق واشربه دافي
الكاموميل
- دراسة قالت إن شاي الكاموميل حل فعال للكحة عند مرضى الربو
أوراق الجوافة
- بتعالج الكحة وأمراض الجهاز التنفسي وبيدوب البلغم
أدوية علاج الكحة
- نوتوسيل Noutussil
- برونكوفين Bronchophane
- سيلجون Selgon
- إيفيروسبان Ivyrospan
- أوبلكس (Oplex)
- فاركوسولفين Farcosolvin
- برونشيكم Bronchicum
- ضروري تستشير أي طبيب متخصص قبل تناولهم عشان يحدد الدواء المناسب لحالتك بعد تشخيصها والجرعات اللي تاخدها منّه
طرق طبيعية لتخفيف الكحة
- اخلط معلقتين عسل في مياه دافية واشربه مرتين في اليوم أو معلقتين صغيرين زعتر في كوباية مياه سخنة وسيبه 10 دقايق قبل ما تشربه
- ممكن تخلط معلقتين كبار خل تفاح مع معلقة كبيرة عسل في كوباية مياه فاترة واشربه مرتين يوميا
- الخبراء بيقولوا إن تناول السوايل الدافية بيساعد على تخفيف حدة الكحة زي الشوربة وشاي الأعشاب
- بجانب الغرغرة بالمياه والملح اللي بتساعد على طرد البلغم
- تجنب التدخين والمدخنين وابعد عن التلوث قدر المستطاع
- لازم أكلك يكون فيه فيتامين C زي البرتقال والبروكلي والليمون والتفاح والمانجا والطماطم
